• गोरखापत्र अनलाइन
• १६ साउन २०७९, सोमबार

राना समुदायमा मनाइयो तीज पर्व

धनगढी गाउँमा आइतबार बिहानैदेखि नुहाइधुवाइ गरेर मौलिक परिकार पकाउनमा महिला व्यस्त थिए । पुरुष पनि घरधन्दामै मस्त, बालबालिका रमाइरहेका थिए । धनगढी उपमहानगरपालिकाको धनगढी गाउँ राना थारू समुदायको सबैभन्दा पुरानो बस्ती हो । सोही गाउँमा आइतबार धूमधामसँग तीज पर्व मनाएका छन् । यद्यपि, हिन्दु महिलाले मनाउने तीज पर्वचाहिँ यो होइन । कैलाली, कञ्चनपुरका राना थारू समुदायले आइतबार तीज पर्व मनाएका छन् । तीज यो समुदायको सबैभन्दा ठूलो पर्व हो ।