• गोरखापत्र अनलाइन
• १८ मंसिर २०७९, आइतबार

ठेकेदारले आयोजनाको चाबी नबुझाउँदा पानी रोकियो

निर्माण व्यवसायी (ठेकेदार)ले खानेपानीको चाबी नबुझाउँदा बैतडी–पाटन नयाँ सहरका ६४४ वटा धाराको पानी रोकिएको छ। १३ करोड रुपियाँ खर्च गरेर निर्माण भएको सहरी खानेपानीको भुक्तानी नपाउँदा खानेपानी ट्याङ्कीमा छ महिनादेखि ठेकेदारकै तालाचाबी रहेको छ। पानीको समस्याका कारण नयाँ सहरको होटल व्यवसाय चौपट भएको होटल सञ्चालक करन महराले बताउनुभयो। सुर्नया नदीबाट मासिक ३० हजारको पानी बोकेर होटल सञ्चालन गर्नु परेको उहाँले पीडा सुनाउनुभयो।