औषधि सेवनपछि हात्तीपाइले शून्य
विगत १३ वर्षदेखि हात्तीपाइले जोखिमपूर्ण क्षेत्रमा रहेको बागलुङ नगरपालिका–१३, नारायणस्थानमा हात्तीपाइले सङ्क्रमणदर एक प्रतिशतले घटेको छ। हात्तीपाइले रोगविरुद्धको नियमित आमऔषधि सेवनले सङ्क्रमणदर रोकिएको हो। २०६६ सालमा ‘बेसलाइन सर्भे’ हुँदा १३ प्रतिशतमा सङ्क्रमण देखिएको नारायणस्थानमा २०७९ सालको प्रारम्भिक परीक्षण गर्दा १ प्रतिशतभन्दा कम सङ्क्रमण भएको नतिजा आएको छ।
मनासलु क्षेत्रमा हिउँचितुवा गणना
उत्तरी गोरखाको मनासलु संरक्षण क्षेत्रमा हिउँचितुवाको गणना सुरु गरिएको छ। यसअघि सन् २०२१ को नोभेम्बरमा पहिलो पटक नुब्री क्षेत्रमा गणना गरिएको थियो। अहिले चुमभ्याली क्षेत्रमा गणना गर्न लागिएको हो। चेक ग्लोब र चेक एकेडेमिक अफ साइन्सको एक टोलीले हिउँचितुवाको गणना सुरु गरेको हो। “सन् २०२१ मा नुब्री क्षेत्रमा ८० दिन लगाएर गणना गर्दा चारवटा चितुवा फेला परेका हिमचितुवाविज्ञ डा. विक्रम श्रेष्ठले जानकारी दिनुभयो।
संरक्षणको अभावमा पर्यटकीय टरुवा ताल
पूर्वी नवलपरासीको सदरमुकाम कावासोतीमा रहेको एक मात्र टरुवा ताललाई पर्यटकीय गन्तव्यका रूपमा विकास गर्ने उद्देश्यका साथ काम अगाडि बढे पनि अहिले यो ताल दिनानुुदिन कुुरूप बन्दै जान थालेको छ । गत वर्ष नै कावासोती नगरपालिका र मन्त्रालयबीच सम्झौता भई सात करोडको साझेदारी कार्यक्रम सुरु भए पनि अहिले सो कार्यक्रमबाट संरक्षणको कुुनै काम हुुन नसकेको स्थानीयवासीले बताएका छन् ।
पाका पुस्तासँग पुर्ख्यौली सिक्दै युवा
पुर्ख्यौली नृत्य मगर समुदायमा लोकप्रिय छ । पुख्र्यौलीलाई उनीहरू पहिचानका रूपमा लिने गर्छन् । पुर्खाहरूले संरक्षण गरेको कलासंस्कृति र पहिचानलाई जोगाउन युवा पुस्ताले चासो राख्न थालेका छन् । मगर समुदायमा निकै लोकप्रिय रहेको पुख्र्यौली नाचलाई जोगाउन पाका पुस्तासँग युवाले सिक्न थालेका छन् ।
नेता भण्डारीद्वारा विपन्न परिवारलाई जस्तापाताको व्यवस्था
नेपाली कांग्रेसबाट तनहुँ क्षेत्र नम्बर २ बाट नवनिर्वाचित प्रतिनिधि सभा सदस्य शङ्कर भण्डारीले विपन्न परिवारको घर छाउन जस्तापाताको सहयोग गर्नुभएको छ ।
आकर्षक सर्वसिद्धिधाम पञ्चकोट
बागलुङ नगरपालिका–६ स्थित धार्मिक पर्यटकीय स्थल सर्वसिद्धिधाम पञ्चकोट ।
तनहुँ जलविद्युतको सुरुङ खन्ने काम ४३ प्रतिशत पूरा
तनहुँ जलविद्युत् आयोजनाको मुख्य सुरुङ (पानी ल्याउने) को ४३ प्रतिशत पूरा भएको छ । कूल एक हजार चार सय आठ मिटर लामो सुरुङ खन्नुपर्नेमा सो प्रतिशत अर्थात् छ सय १० मिटर सम्पन्न भएको तनहुँ जलविद्युत आयोजनाको वरिष्ठ सहायक उद्धव पौडेलले जानकारी दिनुभयो ।
फेरियो कोदोको परिचय
पछिल्लो समय नेपालमा रैथाने बाली लोप हुने अवस्थामा पुग्न थालेको छ । बागलुङमा धेरै उत्पादन हुने अन्नको रुपमा रहेको कोदोबालीको पछिल्लो समय प्रवद्र्धनपछि महत्व बढ्दै गएको छ ।
लोकमार्गको काम अलपत्र
राष्ट्रिय गौरवको आयोजना मध्यपहाडी लोकमार्गअन्तर्गत बागलुङ अक्षते–घोडाबाँधे खण्ड कालोपत्रे जिम्मा लिएको ठेकेदार सम्पर्कविहीन हुँदा लोकमार्गको काम ठप्प भएको छ ।
स्याङ्जा वालिङ नगरपालिकाको एउटै वडाका दुई सांसद
समानुपातिक निर्वाचन प्रणालीबाट दलले आफ्ना उम्मेदवार मध्येबाट सांसद चुन्दा स्याङ्जाको वालिङ नगरपालिकाको एउटै वडाका दुई जना सांसद बन्नुभएको छ।
ग्रामीण सडकमा सुरक्षाको चुनौती
नवलपुरको ग्रामीण सडकमा दुर्घटना बढ्दै गएपछि जिल्ला प्रहरी कार्यालयले सडक सुरक्षा नीतिमा चासो देखाएको छ।
क्यान्सर र मिर्गौला बिरामीलाई मासिक पाँच हजार
पूर्वी नवलपरासीको गैँडाकोट नगरपालिकाले मिर्गौला, क्यान्सर र मेरुदण्ड पक्षघात भएका बिरामीहरुका लागि मासिक पाँच हजार उपलब्ध गराएको छ ।
‘मिडियाको भूमिका बिर्सन सकिन्न’
गण्डकी प्रदेशका मुख्यमन्त्री कृष्णचन्द्र नेपाली पोखरेलले सङ्घीय लोकतान्त्रिक गणतन्त्रको रक्षाका लागि सञ्चार जगत्ले उल्लेखनीय योगदान दिएको बताउनुभएको छ । नेपाल पत्रकार महासङ्घ कास्कीको १६औँ साधारण सभाको उद्घाटन गर्दै उहाँले उक्त कुरा बताउनुभएको हो। नेपालको हरेक सवालमा पत्रकारको भूमिका महत्वपूर्ण रहेको भन्दै उहाँले कहीँ कतैबाट पनि प्रेसमाथि अङ्कुश लगाउन नहुने धारणा राख्दै प्रदेश सरकार प्रेस स्वतन्त्रताका लागि प्रतिबद्ध रहेको स्पष्ट पार्नुभयो। राज्यमा कानुन कार्यान्वयनमा पत्रकार जति सक्रिय हुन्छन् त्यति नै राज्यका अङ्गहरू सचेत हुनुपर्ने विचार राख्नुभयो।
अस्पतालले बेच्न थाल्यो अक्सिजन
धौलागिरि अस्पताल बागलुङले व्यावसायिक रूपमा अक्सिजन उत्पादन गरेको छ। कोरोना सङ्कटकालीन अवस्थामा धेरै क्षमताको नयाँ अक्सिजन उत्पादन प्लान्ट स्थापना तथा पुरानाको क्षमता वृद्धि गरेपछि अस्पतालमा खपत भएर बचेको अक्सिजन अन्य स्वास्थ्य संस्था तथा व्यावसायिक प्रयोजनका लागि बिक्री गर्न थालेको हो।
मध्य मोदी जलविद्युत आयोजनाको परीक्षण उत्पादन सुरु
पर्वतको मोदी गाउँपालिका–२ केरुङ्गामा रहेको मध्य मोदीखोला जलविद्युत आयोजनाको निर्माण कार्य पूरा भएको छ ।
कालिगण्डकीमा १५० मेगावाट विधुत परियोजनाको तयारी
नेपाल उद्योग वाणिज्य महासङ्घका वरिष्ठ उपाध्यक्ष चन्द्रप्रसाद ढकालले कालिगण्डकी नदीमा १५० मेगावाटको जलविद्युत परियोजना निर्माणको तयारी थालिएको बताउनुभएको छ ।
कृषियोग्य जमिनको वर्गीकरण थालनी
कृषिलाई प्रतिफलमुखी बनाउने उद्देश्यले यहाँको म्याग्दे गाउँपालिकाले भूमि वर्गीकरणको कार्य गरिरहेको छ। वर्गीकरणका लागि विभिन्न १८ चरण पार गर्नुका साथै भू–उपयोग योजना किताबसमेत प्रकाशित गरिसकिएको प्रमुख प्रशासकीय अधिकृत नारायणप्रसाद अधिकारीले जानकारी दिनुभयो। प्रमुख प्रशासकीय अधिकृत अधिकारीका अनुसार अमिनलाई तालिम र चार महिना लगाएर परामर्श सेवाबाट विवरण लिई भूउपयोग ऐन, २०७६ का आधारमा डिजिटलाइजेसन गरिएको छ। भू–उपयोग परिषद् गठन गरिसकिएको छ। वडास्तरमा अन्तत्र्रिmया, ८२ वटा टोलमा माइकिङ, गाउँपालिकाका सबै विवरण सङ्कलन र दर्ता, सातवटै वडाको भू–उपयोग योजना, तयारी र निर्माण गरिसकिएको छ। यस्तै सडक विवरण र मापदण्ड तय, भू–उपयोग योजना कार्यान्वयन समिति, परिषद् गठन, स्वीकृतिको सूचना प्रकाशन र भूमि वर्गीकरण प्रतिवेदन पठाउने कार्यलगायत १८ चरणका काम भइसकेका छन्।
विपन्न परिवारको घर बनाउने नेता भण्डारीको घोषणा
आर्थिक अवस्था कमजोर भएका भिमाद नगरपालिका–१ जिलाङका नरबहादुर थापालाई नेपाली कांग्रेस नेता तथा तनहुँ क्षेत्र नम्बर २ बाट निर्वाचित प्रतिनिधि सभा सदस्य शङ्कर भण्डारी घर बनाइदिने घोषणा गर्नुभएको छ।
राजेश हमालसहितको टोली लमजुङको भुजुङगाउँमा
कलाकार, चिकित्सक, पत्रकार, पाइटल, लेखक, इन्जिनियर, व्यापारी र खेलाडीको टोली लमजुङको पर्यटकीय भुजुङ गाउँमा पुगेका छन्। बिहीबार साँझ क्व्होलासोंथर गाउँपालिका वडा नम्बर ४ स्थित पर्यटकीय गाउँ भुजुङ पुगेका हुन्।
सातौँ म्याग्दी महोत्सव पुस २८ मा हुने
निजी क्षेत्रको छाता सङ्गठन म्याग्दीको उद्योग वाणिज्य सङ्घको आयोजनामा बेनीमा आगामी पौषको अन्तिम सातादेखि सातौँ म्याग्दी महोत्सवको आयोजना गरिने भएको छ । जिल्लाको पर्यटन प्रवर्द्धन र स्थानीय उत्पादनको बजारीकरणका लागि महोत्सव आयोजना गर्न लागिएको हो । कोरोनाका कारण थला परेको आर्थिक क्षेत्रलाई महोत्सवले राहत मिल्ने अपेक्षा आयोजकले राखेका छन् ।
मालढुङ्गा–बेनी सडक निर्माण रोकियो
म्याग्दी र मुस्ताङलाई राष्ट्रिय राजमार्गसँग जोड्ने मालढुङ्गा–बेनी सडक स्तरोन्नतिको काम रोकिएको छ ।
आँधीखोलाको अस्तित्व सङ्कटमा
स्याङ्जाको सभ्यताको रुपमा रहेको आँधीखोलाको अस्तित्व सङ्कटमा परेको छ । श्रवणकुमारका बुबाआमाको आँसुबाट उत्पत्ति भएको मानिएको आँधीखोलाको संरक्षणका लागि अभियान नै सञ्चालन गर्नुपर्ने आवाज उठ्न थालेको छ ।
बस्ती जोगाउन मादीमा तटबन्ध
व्यास नगरपालिका–५, पाटन क्षेत्रको मादी नदी कटानले गर्दा जोखिममा परेको बस्ती सुरक्षाका लागि व्यास नगरपालिकाको सक्रियतामा टेवा पर्खाल लगाउने कार्य सुरु भएको छ। कटानले असर पारेको क्षेत्रमा जालीमा ढुङ्गा भरेर पर्खाल लगाउने कार्य धमाधम भइरहेको छ। बस्तीको संरक्षण कार्यमा नगरपालिका जुटेपछि प्रभावित क्षेत्रका बासिन्दामा खुसी छाएको पाटन टोल विकास संस्थाका पूर्वअध्यक्ष कृष्णकुमार श्रेष्ठले बताउनुभयो।
निर्माण हुँदै सुन्दरबजारको कोसेली घर
लमजुङको सुन्दरबजार नगरपालिकामा कोसेली घर निर्माण थालिएको छ । स्थानीय उत्पादनको प्रवर्द्धन र बजारीकरण गर्ने उद्देश्यले नगरपालिकाले कोसेली घर निर्माण थालेको जनाएको छ ।
बन्द रहेका सहकारीद्वारा बचतकर्ताको रकम फिर्ता गरिँदै
रकम अपचलनका कारण बन्द रहेको सदरमुकाम तौलिहवास्थित रहेको कपिलवस्तु बचत तथा ऋण सहकारी संस्था लिमिटेडले बचतकर्ताको रकम फिर्ता गर्न सुरु गरेको छ ।
