अस्थायी टहरामा जनजीवन थप कष्टकर
मौसममा आएको परिवर्तनसँग चिसो बढेको छ । दिनहुँ बढ्दै गरेको चिसोले यस क्षेत्रको जनजीवन थप कष्टकर बन्दैगएको छ ।
सेतीवेणी शिला शालिग्रामको संरक्षणमा जुटे ३ जिल्ला
तीन जिल्लाको संगमस्थलमा रहेको शिला शालिग्रामको संरक्षणमा तीन जिल्ला जुटेका छन् । स्याङ्जा, पर्वत र गुल्मी जिल्लाले सेतिवेणीमा रहेको शिला शालिग्रामको संरक्षण गर्दै धार्मिक पर्यटकीय क्षेत्र बनाउन लागि परेका हुन् ।
नेपाली कागज : बजारमा माग धेरै, उत्पादन कम
गोरखामा उत्पादन हुँदै आएको नेपाली कागज उत्पादनका लागि कच्चा पदार्थको अभाव भएपछि बजारको माग धान्न गाह्रो परेको छ ।
नारच्याङको अन्न भण्डार आकाशे पानीको भर
म्याग्दीको अन्नपूर्ण गाउँपालिका ४ नारच्याङको लेक गाउँस्थित स्वाँरको फाँटमा सिँचाइ अभावका कारण आकाशे पानीको भर पर्नुपर्ने बाध्यता छ ।
गल्याङमा एकीकृत घुम्ती शिविर
गल्याङ नगरपालिकाले गाउँ–गाउँमा एकीकृत घुम्ती शिविर सुरु गरेको छ । ससानो कामका लागि पालिकाको कार्यालयमा नै पुग्नुपर्ने बाध्यतामा रहेका नागरिकको सुविधाका लागि एकीकृत घुम्ती शिविर सञ्चालन गरिएको नगरप्रमुख गुरुप्रसाद भट्टराईले जानकारी दिनुभयो । नगरप्रमुख भट्टराईले भन्नुभयो, “दूरदराजका जनताको दैनिकीलाई सहज तथा नगरपालिकाले प्रदान गर्ने सेवालाई प्रभावकारी बनाउन घुम्ती शिविर सुरु गरेका हौँ ।” उपचारका लागि गल्याङ नगर सदरमुकामसम्म पुग्न नसक्ने र आर्थिक अभावका कारण स्वास्थ्यको पहुँचसम्म पुग्न नसक्नेका लागि गाउँ–गाउँमा पुगेर शिविर सञ्चालन गरिएको हो ।
बुद्धसिंह मार्ग निर्माण तीव्र पार्न दबाब
नेपाली कांग्रेसका वरिष्ठ नेता एवं प्रतिनिधि सभा सदस्य रामचन्द्र पौडेलले बुद्धसिंह मार्गको निर्माण कार्यमा तीव्रता दिन दबाब दिनुभएको छ । वरिष्ठ नेता पौडेलले विनियोजित बजेटअनुसार निर्माण कार्य तत्काल पूरा गर्न सम्बन्धित पक्षलाई निर्देशन दिनुभएको हो । उहाँसँगै गण्डकी प्रदेश सभा सदस्य जितप्रकाश आले, गण्डकी प्रदेशका निवर्तमानमन्त्री डोबाटे विश्वकर्मा, जिल्ला समन्वय समिति प्रमुख शान्तिरमण वाग्ले, पूर्वाधार विकास कार्यालय तनहुँका सिनियर डिभिजन इन्जिनियर दिनेशकुमार घिमिरेलगायत सहभागी हुनुहुन्थ्यो ।
रोगले रित्तिन थाले बङ्गुर फार्म
अफ्रिकन स्वाइन फिभर सङ्क्रमणका कारण बङ्गुर मर्न थालेपछि म्याग्दीका फार्महरू रित्तिन थालेका छन् । एक सातायता बङ्गुर फार्महरूमा स्वाइन फिभरको सङ्क्रमण फैलिएको छ । सदरमुकाम बेनी तथा ग्रामीण क्षेत्रमा किसानले पालेका बङ्गुरमा सङ्क्रमण देखिएपछि हालसम्म तीन सयभन्दा बढी बङ्गुर मरेको भेटेरिनरी अस्पताल तथा पशुविज्ञ केन्द्र म्याग्दीले जनाएको छ । व्यावसायिक रूपमै पालिएका बङ्गुर मर्न थालेपछि विज्ञ केन्द्रको टोलीले गरेको अनुगमन तथा केही फार्मबाट लिइएको नमुनामा अफ्रिकन स्वाइन फिभर पुष्टि भएको विज्ञ केन्द्रका प्रमुख जीवनप्रसाद आचार्यले बताउनुभयो ।
दुर्घटनामा स्कुटर चालकको मृत्यु
पृथ्वीराजमार्गमा पर्ने तनहुँको बन्दिपुर गाउँपालिका–५ याम्पामा शनिबार दिउँसो दुर्घटना हुँदा एक जनाको मृत्यु भएको छ।
घलेगाउँबाट देखिएको हिमाल (फोटो फिचर)
घलेगाउँको सांस्कृतिक महत्त्व छुट्टै छ। तर, यो समयमा त्यहाँबाट देखिने हिमालका दृश्यले पर्यटकलाई लोभ्याउने गरेको छ।
आधुनिक बसपार्कको डीपीआर तयार
व्यवस्थित सवारी पार्किङको समस्या भोगिरहेको वालिङको समस्या समाधान हुने भएको छ। वालिङ नगरपालिकाको मुख्य बजारस्थित शीतलनगरमा आधुनिक बसपार्कको निर्माणसँगै सवारी पार्किङको समस्या समाधान हुने भएको हो। स्मार्ट सिटीको अवधारणाबाट अगाडि बढिरहेको वालिङमा सवारीसाधन व्यवस्थित रूपमा पार्किङ गर्ने ठाउँको अभावले बजार क्षेत्र अस्तव्यस्त हुँदै आएको थियो।
अघौँ अर्चलेमा लेखनाथ पौड्यालको १३९औँ जन्मजयन्ती मनाइयो
कवि शिरोमणि लेखनाथ पौड्यालको १३९औँ जन्मजयन्ती विभिन्न कार्यक्रम गरी मनाइएको छ। उहाँकै जन्मस्थल कास्कीको लेखनाथस्थित अघौँ अर्चलेमा आज जन्मजयन्ती मनाइएको हो।
देशमा राष्ट्रिय सहमतिको आवश्यक : वरिष्ठ नेता पौडेल
नेपाली कांग्रेसका वरिष्ठ नेता रामचन्द्र पौडेलले देशमा राष्ट्रिय सहमतिको आवश्यक रहेको बताउनुभएको छ । व्यास नगरपालिका–६ खहरेमा मिलिजुली युवा क्लबले तमू ल्होसारको अवसरमा आयोजित सांस्कृतिक तथा खुला भलिबल प्रतियोगिताको शुक्रबार उद्घाटन गर्नुहुँदै वरिष्ठ नेता पौडेलले सो कुरा बताउनु भएको हो ।
फेरियो दुर्गम बोबाङको मुहार
पश्चिम बागलुङको बोबाङगाउँमा डेढ दशकअघिसम्म मोटरबाटो पुगेको थिएन । विद्युत, खानेपानी, स्वास्थ्य र शिक्षाको पनि समस्या उस्तै थियो ।
नेपाली मौलिकतालाई जोड दिँदै पोखरामा सडक महोत्सव
पश्चिमा संस्कृतिको प्रभावले नेपाली मौलिकता र परम्पराहरू ओझेलमा पर्दै गएको भन्दै संस्कृतिकर्मीहरूले चिन्ता व्यक्त गरिरहेको समयमा पोखरामा पछिल्लो समय परम्परा झल्किने र लोपोन्मुख हुँदै गएका परम्परागत सामग्रीहरु प्रदर्शनमा राखेर नयाँ पुस्तालाई बुझाउने प्रयास गरिएको छ ।
चिस्यान केन्द्र सञ्चालन भएपछि कृषक उत्साहित
जिल्लाको अन्नपूर्ण गाउँपालिका –४, नारच्याङस्थित बेशीमा कृषकको सुविधाका लागि चिस्यान केन्द्र सञ्चालन गरिएको छ । स्थानीय स्तरमा कृषकले उत्पादन गरेको फलफुल लगायत कृषिउपज भण्डारण गर्न चिस्यान केन्द्र सञ्चालनमा ल्याइएको हो ।
अव्यवस्थित संरचनामा चल्यो नगरपालिकाको डोजर
म्याग्दीको बेनी नगरपालिकाले बजार क्षेत्रमा रहेका अव्यवस्थित संरचना हटाउन सुरु गरेको छ । शुक्रबार नगर प्रमुख सुरत केसीसहितको टोलीले बेनी नगरपालिका ८ कालिपुल बसपार्कस्थित अव्यवस्थित संरचनालाई डोजर लगाएर खाली गराएको हो ।
पुस १७ गते पोखरा अन्तर्राष्ट्रिय विमानस्थलको उद्घाटन गरिँदै
देशकै प्रमुख पर्यटकीय सहर पोखरामा नवनिर्मित अन्तर्राष्ट्रिय विमानस्थलको भव्य उद्घाटनको तयारी गरिएको छ ।
गण्डकी प्रदेश प्रमुख गुरुङको ल्होसारको शुभकामना
गण्डकी प्रदेश प्रमुख पृथ्वीमान गुरुङले तमु गुरुङ समुदायको महान् चाड ‘तमु ल्होसार’को अवसरमा शुुभकामना दिनुभएको छ ।
म्याग्दीको ग्रामिण भेगमा पूर्वाधार अभाव कायमै
धवलागिरि गाउँपालिका–३ मुनामा गाउँपालिकाको कार्यालय सञ्चालन भएपछि स्थानीयवासी निकै उत्साहित बने । मुलुक सङ्घीय संरचनामा गएपछि पहिलोपटक पाँच वर्षअघि भएको स्थानीय तह निर्वाचनबाट चुनिएर आएका जनप्रतिनिधिले धवलागिरिमा विवादित रहेको केन्द्रको टुङ्गो गाउँसभामार्फत मुनाको घट्टेखोलामा कायम गरे ।
कालीगण्डकी कोरिडोर : गैँडाकोट–रामपुर खण्ड अन्तिम चरणमा
गैँडाकोटदेखि पाल्पाको रामपुर (१३२ किलोमिटर) जोड्ने कालीगण्डकी कोरिडोरको निर्माण कार्य अन्तिम चरणमा पुगेको छ। राष्ट्रिय गौरवको आयोजनाका रूपमा रहेको कालीगण्डकी कोरिडोरको १३२ किलोमिटर सडक खण्डको निर्माण कार्य सुरु भएको छ वर्षमा सम्पन्न हुन लागेको र आयोजना सम्पन्न हुन लागेकोमा स्थानीयवासी खुसी भएका बुलिङटारका पे्रमबहादुर थापामगरले बताउनुभयो। भारतीय सीमानाका सुनौलीदेखि चीनतर्फको सीमानाका कोरलासम्म ४३५ किमि लामो राजमार्गलाई कालीगण्डकी कोरिडोर भनी राष्ट्रिय गौरवको आयोजनाका रूपमा २०७५ मङ्सिर १७ मा निर्माण कार्य सुरु भएको थियो।
आयोजक सहारालाई धरानको झट्का
आयोजक सहारा पोखरालाक्ष्ई २२औँ संस्करणको आहा रारा गोल्डकपमा धरान फुटबल क्लबको नमिठो झट्का लागेको छ ।
चिसोले मुक्तिनाथका होटलहरु बन्द
हिमालपारिको जिल्ला मुस्ताङको पवित्र धार्मिकस्थल मुक्तिनाथ क्षेत्रका होटलहरु अत्यधिक चिसोका कारण बन्द भएका छन् । मुक्तिनाथ क्षेत्रमा अहिले तापक्रम माइनस १५ सम्म पुगेका कारण जनजीवन प्रभावित भएसँगै होटल व्यवसायहरू बन्द भएका हुन् ।
रत्यौली गीत र नृत्य प्रदर्शन
वैवाहिक परम्पराअनुसार रत्यौली गीत र नृत्य प्रदर्शन गर्दै
गण्डकी प्रदेशका सांसदले लिए शपथ
गण्डकी प्रदेश सभाका सदस्यले पद तथा गोपनीयताको शपथ लिएका छन्। ज्येष्ठ सदस्य मित्रलाल बस्यालले सांसदलाई बिहीबार गण्डकी प्रदेशको सभामा शपथ खुवाउनुभएको हो।
म्याग्दे पालिका बालश्रममुक्त बनाइँदै
तनहुँको म्याग्दे गाउँपालिकाले आफ्नो पालिकालाई बालश्रममुक्त क्षेत्र बनाउने अभियान थालनी गरेको छ । नेपालको संविधानको धारा ३९ (४)मा कुनै पनि बालबालिकालाई कलकारखाना, खानीलगायत अन्य जोखिम काममा लगाउन नपाइने व्यवस्था गरिएको छ ।
