गठबन्धनलाई सफल बनाउनुको विकल्प छैन : गृहमन्त्री खाण
गृहमन्त्री बालकृष्ण खाणले मंसिर ४ गते हुने प्रतिनिधिसभा र प्रदेशसभा निर्वाचनमा सत्तारुढ गठबन्धनलाई सफल बनाउनुको विकल्प नरहेको बताउनुभएको छ।
आयोगले सोध्यो ४८ स्पष्टीकरण : ३० वटाको मात्र जवाफ
निर्वाचन आयोगले शुक्रबारसम्म ४८ वटा स्पष्टीकरण सोधेको छ। आयोगका उपन्यायाधिवक्ता गुरुप्रसाद वाग्लेका अनुसार ४८ वटा स्पष्टीकरण सोधेकोमा ३० वटाको मात्र जवाफ प्राप्त भएको हो।
मङ्सिर ४ पछिको सरकारले रेलभन्दा तीव्र गतिमा विकास गर्छ : अध्यक्ष ओली
नेकपा (एमाले) का अध्यक्ष तथा पूर्व प्रधानमन्त्री केपी शर्मा ओलीले आगामी मङ्सिर ४ गतेको निर्वाचनपछि बन्ने एमाले नेतृत्वको सरकारले जनकपुरको रेलभन्दा तीव्र गतिमा विकासको काम शुरु गर्ने बताउनुभएको छ ।
गठबन्धनभित्र शङ्का, उपशङ्का र बहानाबाजी नगरौँ : प्रधानमन्त्री देउवा
भोलिका दिनमा गठबन्धनकै सरकार बन्ने र अबको १०-२० वर्ष नै गठबन्धनबाट अघि बढ्ने उहाँको भनाइ छ।
प्रतिगमनविरुद्ध एकजुट हुनु स्वाभाविक : मुख्यमन्त्री पोखरेल
पोखरा, कात्तिक ४ गते। गण्डकी प्रदेशका मुख्यमन्त्री कृष्णचन्द्र पोखरेलले विशेष परिस्थितिलाई सम्हाल्दै देशको विकासका लागि अग्रगामी शक्ति एक भएको बताउनुभएको छ। शुक्रबार पोखरामा आयोजित सत्ता गठबन्धनको प्रदेशस्तरीय भेलालाई सम्बोधन गर्नुहुँदै मुख्यमन्त्री पोखरेलले यस्तो बताउनुभएको हो। उहाँले आगामी निर्वाचनमा जनतालाई देश विकासका लागि अग्रगामी शक्ति एक ठाउँमा उभिएको जनकारी दिनुपर्ने बताउनुभयो। गठबन्धन एक हुँदा प्रतिपक्ष दलले माओवादी र कांग्रेसको विषयमा विरोधी कुरा ल्याइरहेको भन्दै त्यसलाई गठबन्धनका दलले चिर्न सक्नुपर्ने उहाँको भनाइ छ। मुख्यमन्त्री पोखरेलले मुलुकमा परिवर्तन गर्ने दुई शक्ति भनेको नेपाली कांग्रेस र माओवादी तथा एकीकृत समाजवादी भएको दाबी गर्नुभयो। मुख्यमन्त्री पोखरेलले भन्नुभयो, ‘‘हामी निरङ्कुशताविरुद्ध लडेका थियौँ। बीचमा सामान्य अवस्थामा देश गयो। यो मुलुकमा परिवर्तन गर्ने दुई शक्ति एउटा लोकतान्त्रिक शक्ति नेपाली कांग्रेस र अर्को वामपन्थी शक्ति हो। जसको मुलधारमा अहिले आएर माओवादी र एकीकृत समाजवादी आएको छ। यो संयुक्त प्रयत्नले मुलुकमा परिवर्तन ल्याएको छ र अहिलेको संविधानमाथिको निर्ममतापूर्वक अतिक्रमण भएको छ, प्रतिगमन भएको छ, त्योविरुद्ध हामी एक ठाउँमा रहनु हाम्रो स्वाभाविक प्रक्रिया हो।’’मुख्यमन्त्री पोखरेलले संविधानमाथिको अतिक्रमण र प्रतिगमनविरुद्ध एकजुट हुनु स्वाभाविक भएको बताउनुभयो।
-original-thumb.jpg)
संविधानको रक्षा र समृद्धिका लागि गठबन्धन आवश्यक : प्रधानमन्त्री देउवा
प्रधानमन्त्री एवम् नेपाली कांग्रेसका सभापति शेरबहादुर देउवाले गठबन्धन राष्ट्रिय आवश्यकता भएको बताउनुभएको छ ।
प्रतिगमनलाई परास्त गर्ने सङ्कल्प लिएर चुनावमा लाग्न नेता पौडेलको निर्देशन
पोखरा, कात्तिक ४ गते। नेपाली कांग्रेसका वरिष्ठ नेता रामचन्द्र पौडेलले प्रतिगमनलाई परास्त गर्छौं भन्ने सङ्कल्प लिएर चुनावमा लाग्न गठबन्धनका नेता तथा कार्यकर्तालाई निर्देशन दिनुभएको छ। शुक्रबार गठबन्धनको तर्फबाट पोखरामा आयोजित प्रदेशस्तरीय भेलालाई सम्बोधन गर्नुहुँदै उहाँले यस्तो बताउनुभएको हो। वरिष्ठ नेता पौडेलले राष्ट्रमाथि संविधानको रक्षा गर्ने ठूलो चुनौती आएको भन्दै चुनौतीको सामना गर्न गठबन्धन एक हुनु आवश्यक भएको बताउनुभयो। वरिष्ठ नेता पौडेलले आफ्नो पार्टीका सिद्धान्त, झण्डा र अडानलाई छोडेर प्रतिगमनलाई परास्त गर्नका लागि र गठबन्धनलाई जिताउनका लागि निर्वाचन प्रचारप्रसारमा लाग्न सबैलाई निर्देशन दिनुभएको हो। उहाँले कसरी गठबन्धनका उम्मेदवारलाई जिताउन सकिन्छ भन्ने सोचेर एकता र समझदारी बनाउन आवश्यक भएको बताउनुभयो वरिष्ठ नेता पौडेलले गठबन्धनले जितेको खण्डमा देशलाई सुशासन दिने, युवालाई स्वरोजगार बनाउने र विदेशमा गएर भौतारिनुपर्ने बाध्यताबाट मुक्त गर्ने प्रतिबद्धता व्यक्त गर्नुभयो। नेता पौडेलले, ‘‘अहिलेको निर्वाचनमा एक भएर अघि बढेका छौँ। आफ्ना पार्टीका सिद्धान्त, झण्डा सबैथोक छन्। तर, हामी एउटा साझा मुद्दामा एक भएका छौँ। हामीले हरेक जिल्ला, निर्वाचन क्षेत्र, गाउँपालिका, नगरपालिका, वडासम्ममा सबैले समाजवादी सङ्गठन बनेर कसरी गठबन्धनका उम्मेदवारलाई जिताउन सकिन्छ, कसरी सफल पार्न सकिन्छ, कसरी लोकतन्त्र बचाउन सकिन्छ भन्ने कुरालाई मनमा राखेर, अरु कुरा बिर्सेर, महान् लक्ष्य राखेर एकता र समझदारी समझदारी बनाउनुस्।’’ उहाँले गठबन्धनले जित्ने कुरा ठूलो नभइ प्रतिगमनलाई रोक्ने कुरा नै ठूलो भएको जिकिर गर्नुभयो। उहाँले नेता तथा कार्यकर्तालाई कांग्रेस र कम्युनिष्ट किन मिलेर गठबन्धन गरे भन्ने कुरा बुझाउनसमेत निर्देशन दिनुभएको छ।‘‘प्रतिगामीलाई रोक्ने हाम्रो उद्देश्य हो। हामी जित्नुभन्दा पनि प्रतिगामीलाई रोक्नु ठूलो कुरा हो। अहिले राष्ट्रमाथि ठूलो चुनौती आएको छ। प्रतिगमनलाई परास्त गर्छौं भन्ने सङ्कल्प लिएर चुनावमा जानुस्, जनताको बीचमा जानुस्, जनतालाई सही कुरा बुझाउनुस्, कम्युनिष्ट र कांग्रेस किन मिले बुझाउनुस्’’, नेता पौडेलले भन्नुभयो।वरिष्ठ नेता पौडेलले सबै गठबन्धनका दल र नेता, कार्यकर्ताले अतीतलाई बिर्सिएर भविष्यलाई उज्यालो बनाउन सहयोग गर्नुपर्ने बताउनुभयो।
नेपाल-भारत सीमा नाका ७२ घण्टा बन्द हुने
आगामी मङ्सिर ४ गते हुने प्रदेश र प्रतिनिधि सभा सदस्य निर्वाचनको बेला कैलाली, कञ्चनपुरमा नेपाल–भारत सीमा नाका ७२ घण्टा बन्द गर्ने निर्णय गरिएको छ।
पूर्व मेयरसँग भिड्दै खुमबहादुर पुत्र अनुराग
नेपाली कांग्रेसका प्रभावसाली नेता स्वर्गीय खुमबहादुर खड्काका पुत्र अनुराग खड्का आगामी मंसिर ४ गते निर्वाचनमा लमही नगरपालिकाका पूर्व मेयरसँग प्रतिस्पर्धामा उत्रनुभएको छ । स्वर्गीय खड्काका पुत्र अनुराग पाँच दलीय गठबन्धन अन्तर्गत कांग्रेस तर्फबाट लुम्बिनी प्रदेश सांसदको लागि दाङको निर्वाचन क्षेत्र नं १ (ख) बाट उम्मेदवार बन्नुभएको हो ।
एमाले दोलखाको निर्वाचन परिचालन कमिटी गठन
नेकपा (एमाले) दोलखाले आगामी मङ्सिर ४ गते हुने प्रदेश तथा प्रतिनिधि सभा निर्वाचनका लागि विभिन्न निर्वाचन परिचालन कमिटी गठन गरेको छ । निर्वाचनलक्षित कार्यक्रमलाई वडादेखि जिल्ला तहसम्म तिब्रता दिएको एमाले दोलखाले जनाएको छ ।
नेमकिपालाई गठबन्धन र एमाले उम्मेदवारको चुनौती
भक्तपुर प्रतिनिधिसभा सदस्य निर्वाचन क्षेत्र नं. १ मा गठबन्धनका तर्फबाट नेकपा (माओवादी केन्द्र) का सुनिल गोठे (बासु), नेकपा (एमाले) का नवराज गेलाल र नेपाल मजदुर किसान पार्टीका उम्मेदवार प्रेम सुवालबीच मुख्य प्रतिस्पर्धा हुँदैछ ।
काठमाडौं क्षेत्र नं ४ मा सूर्य चन्दले गगन थापालाई समर्थन गर्ने
काठमाडौं क्षेत्र नं ४ मा सङ्घीय संसदमा स्वतन्त्र उम्मेदवारी दिने घोषणा गरेका सञ्चारकर्मी, कलाकार तथा समाजसेवी सूर्य चन्दले अन्ततः नेपाली कांग्रेसका उम्मेदवार गगन थापालाइ सहयोग गर्ने बताउनुभएको छ ।
राजु गुरुङको रिट रेग्मी र खतिवडाको संयुक्त इजलासमा
सर्वोच्च अदालतमा रुपन्देही–२ सत्ता गठबन्धनका तर्फबाट उम्मेदवार बन्नुभएको राजु गुरुङको रिटमा सुनुवाइ जारी रहेको छ ।
आगामी निर्वाचन सामान्य होइन : अध्यक्ष दाहाल
नेकपा (माओवादी केन्द्र) का अध्यक्ष पुष्पकमल दाहालले आगामी निर्वाचनलाई सामान्य रूपमा नलिन नेता, कार्यकर्ताहरूसमक्ष आग्रह गर्नुभएको छ ।
उम्मेदवारको निर्वाचन खर्च निर्धारण
कास्की जिल्ला निर्वाचन आयोगले आगामी निर्वाचनका लागि खर्चको सीमा निर्धारण गरिदिएको छ। निर्वाचन आयोगका अनुसार कास्कीका प्रतिनिधि सभाका उम्मेदवारहरूले बढीमा ३१ लाख रुपियाँ खर्च गर्न पाउनेछन्। कास्की क्षेत्र नम्बर ३ का उम्मेदवारका लागि ३१ लाख रुपियाँको खर्च सीमा तोकिएको छ। कास्की क्षेत्र नम्बर २ का उम्मेदवारले भने २७ लाख रुपियाँ र कास्की–१ का उम्मेदवारले २९ लाख रुपियाँ खर्च गर्न पाउनेछन्।
विकासको सपना पुरा गर्न उम्मेदवारी दिएको हुँ : वरिष्ठ नेता पौडेल
नेपाली कांग्रेसका वरिष्ठ नेता रामचन्द्र पौडेलले देशमा व्यवस्था बदलिए पनि जनताको अवस्था नबदलिएकाले अवस्था बदल्न आफ्नो उम्मेदवारी रहेको बताउनुभएको छ।
मशाल महासचिवमा नेपाली चयन
नेकपा (मसाल) को एक समुहले विशेष महाधिवेसन आयोजना गरी नयाँ पार्टी मोटो मशाल (नेकपा मशाल) घोषणा गरेको छ । सो पार्टी औपचारिक रुपमा विभाजित भएको हो ।
निर्वाचन प्रचारका लागि कमिटी गठन
नेकपा (एमाले) हुम्लाले आगामी मंसीर ४ गते हुन गइरहेको प्रदेश तथा प्रतिनिधि सभा निर्वाचनलाई लक्षित गर्दै वडादेखि जिल्ला तहसम्म प्रचार प्रसार कमिटी तथा उपकमिटी गठन गरेको छ । सो पार्टीको पाँचौ बिस्तारित बैठकले विभिन्न कमिटी तथा उपकमिटी गठन गरेको हो ।
मुस्ताङमा युवा र पाका नेतृत्वबीच भिडन्त
हिमालपारीको जिल्ला मुस्ताङमा आगामी मङ्सिर ४ गते हुने निर्वाचनमा अनुभवी नेतृत्वविरुद्ध युवा उम्मेदवार प्रतिस्पर्धामा उत्रनुभएको छ । नेपाली कांग्रेसका ४० वर्ष मुनिका युवा उम्मेदवार नेकपा (एमाले) बाट ५० वर्ष माथिका अनुभवी र पाका राजनीतिकर्मी चुनावी मैदानमा होमिनुभएको छ ।
राष्ट्रपति भण्डारीसँग पाकिस्तान र संयुक्त अरब इमिरेट्सका राजदूतको बिदाइ भेट
राष्ट्रपति विद्यादेवी भण्डारीसँग पाकिस्तान र संयुक्त अरब इमिरेट्सका राजदूतले शिष्टाचार बिदाई भेट गर्नुभएको छ ।
सिन्धुपाल्चोक-१ मा गठबन्धन र एमालेको प्रतिस्पर्धा
चित्र मिजार सिन्धुपाल्चोक, कातिक ३ गते । मङ्सिर ४ मा हुने प्रतिनिधि सभा निर्वाचनका लागि सिन्धुपाल्चोक क्षेत्र नम्बर १ मा गठबन्धन, नेकपा (एमाले)लगायतका दल र स्वतन्त्र गरेर १४ जना उम्मेदवार प्रतिस्पर्धामा छन्। प्रतिनिधि सभा १ मा सत्ता गठबन्धन दलबाट नेकपा (माओवादी केन्द्र) का माधव सापकोटा उम्मेदवार छन्। नेकपा एमालेबाट सरेश नेपाल, कृष्णबहादुर ठकुरी नेपाल कम्युनिष्ट पार्टी (मार्क्सवादी लेनिनवादी), सङ्घीय लोकतान्त्रिक राष्ट्रिय मञ्चबाट ग्याल्जेन शेर्पा, जनता समाजवादी पार्टी नेपालबाट डिबीसिंह लामा, मङ्गोल नेशनल अगर्नाइजेशन पार्टीबाट दाबा लामा प्रतिनिधि सभामा उम्मेदवार हुनुहुन्छ। त्यस्तै दिनेश श्रेष्ठ राष्ट्रिय स्वतन्त्र पार्टी, नारायण पाण्डे, राष्ट्रिय प्रजातन्त्र पार्टी, विष्णुप्रसाद पौडेल स्वतन्त्र, मुकुन्द श्रेष्ठ स्वतन्त्र, रामकुमार जिसी स्वतन्त्र, वीरबहादुर तामाङ राष्ट्रिय प्रजातन्त्र पार्टी नेपाल, सोमनोर्बु शेर्पा आमूल परिवर्तन पार्टी र नेपाल मजदुर किसान पार्टीबाट हरिलक्ष्मी दनेखु प्रतिनिधि सभा-१ को उम्मेदवार हुनुहुन्छ। १४ जना उम्मेदवार बने पनि मुख्य प्रतिस्पर्धा गठबन्धनका सापकोटा र एमालेका नेपालबीच हुने देखिन्छ।सिन्धुपाल्चोक निर्वाचन क्षेत्र–१ गठबन्धनका प्रतिनिधि सभा उम्मेदवार माधव सापकोटा (बीचमा), प्रदेश सभा सदस्य उम्मेदवार मसिना खड्का भण्डारी र सरल सहयात्री पौडेल । गठबन्धन र एमाले प्रतिस्पर्धामा प्रतिनिधि सभा–१ मा नेपाली कांग्रेस, नेकपा (माओवादी केन्द्र), समाजवादी, लोसपा र जनमोर्चा गठबन्धनबाट नेकपा (माओवादी केन्द्र) का माधव सापकोटा र नेकपा एमालेका केन्द्रीय सदस्य सरेश नेपालबीच प्रतिस्पर्धा हुने देखिन्छ।४१ वर्षीय गठबन्धनका उम्मेदवार माधव सापकोटा जनप्रतिनिधि र प्रतिनिधि सभाका लागि नयाँ अनुहार हुनुहुन्छ। जनप्रतिनिधि भएर जनताको काम गरेको उहाँसँग अहिलेसम्म कुनै अनुभव छैन। सापकोटा सभामुख अग्निप्रसाद सापकोटाका भतिजा हुनुहुन्छ। सिन्धुपाल्चोक एमालेबाट प्रतिनिधि सभा उम्मेदवार सरेश नेपाल (बीचमा), प्रदेश सभा उम्मेदवार युद्धविक्रम लामा डिबी, होमनारायण श्रेष्ठ । एमालेका पुराना र केन्द्रीय सदस्यसमेत रहनुभएका सरेश नेपाल २०७४ सालमा भारी मतले बागमती प्रदेश सभा सदस्यमा निर्वाचित हुनुभएको थियो। उहाँ अहिले सिन्धुपाल्चोक प्रतिनिधि सभा–१ बाट प्रत्यक्ष उम्मेदवार हुनुहुन्छ। प्रदेशसभामा कडा प्रतिस्पर्धानिर्वाचन क्षेत्र नम्बर १ को ‘क’ मा गठबन्धनबाट नेपाली कांग्रेसकी मसिना खड्का भण्डारी र एमालेका युद्धविक्रम लामा (डिबी) मुख्य प्रतिस्पर्धी हुनुहुन्छ। स्थानीय चुनावमा उक्त प्रदेश सभामा कांग्रेसले १४ हजार ७५५, नेकपा(माओवादी केन्द्र) ले चार हजार ७८९ र समाजवादीको ८९१ मत ल्याएका छन्। एमालेको १० हजार ३६६ र राप्रपाको ७८९ मत रहेको छ। यस्तै प्रतिनिधि सभा-१ को ‘ख’ प्रदेश सभामा गठबन्धनका उम्मेदवार सरल सहयात्री पौडेल र एमालेका होमनारायण श्रेष्ठ मुख्य प्रतिस्पर्धी हुनुहुन्छ। स्थानीय तह निर्वाचनमा कांगे्रसले २० हजार २०६, नेकपा (माओवादी केन्द्र) १४ हजार ५५४, समाजवादीले १५ सय मत ल्याएका छन्। यो क्षेत्रमा एमालेले १६ हजार १९३ र राप्रपाले ४२२ मत ल्याएका छन्।
जनादेशबाट सरकार निर्माणको दिनगन्ती सुरु–ओली
नेकपा एमालेका अध्यक्ष एवं पूर्व प्रधानमन्त्री केपी शर्मा ओली जनादेशबाट सरकार बन्ने दिन नजिक आइसकेको बताउनु भएको छ । निर्वाचनको महासङ्ग्राम सुरु भएको बताउँदै ओलीले जनताले सही विवेक प्रयोग गर्ने र मूलकलाई नयाँ दिशा निर्देश गर्ने गरी आफ्नो अभिमत जाहेर गर्ने प्रमुख दिनको रूपमा निर्वाचन रहेको भन्दै यस्तो बताउनु भएको हो ।
जनमत निर्माणमा लाग्न आग्रह
नेपाल कम्युनिस्ट पार्टी (माओवादी केन्द्र)का अध्यक्ष पुष्पकमल दाहाल ‘प्रचण्ड’ले मङ्सिर ४ गतेको निर्वाचन परिवर्तनका विरोधी र परिवर्तनका पक्षधरबीचको लडाइँ भएको बताउनुभएको छ । सङ्घीयता, गणतन्त्र, धर्मनिरपेक्षता र संविधानको रक्षा गर्ने शक्ति र परिवर्तन उल्टाउन खोज्ने शक्तिबीचको लडाइँ आगामी निर्वाचन भएको उहाँको भनाइ छ ।
प्रतिनिधि सभामा दलित प्रतिनिधित्व घट्दो
प्रतिनिधि सभामा दलित समुदायको प्रतिनिधित्व निरन्तर घट्दो छ । २०६२/६३ सालको जनआन्दोलनपछि ह्वात्तै बढेको प्रतिनिधित्व क्रमशः घट्न थालेको हो । आगामी मङ्सिर ४ गते हुने प्रतिनिधि सभाको निर्वाचनपछि पनि दलित समुदायको प्रतिनिधित्व विगतको तुलनामा घट्ने सम्भावना देखिएको छ । अघिल्लो प्रतिनिधि सभामा दलित समुदायबाट तीन जना प्रत्यक्ष निर्वाचित भएका थिए भने यस पटक प्रमुख दलबाट तीन जना मात्रै उम्मेदवार छन् । प्रत्यक्षतर्फ नेपाली कांग्रेसबाट दलित उम्मेदवारी शून्य रहेको छ ।
कांग्रेस निर्वाचन प्रचारप्रसार समितिमा १३३ सदस्य मनोनीत
सत्तारुढ दल नेपाली कांग्रेसको आगामी निर्वाचन प्रचारप्रसार समितिमा एक सय ३३ सदस्य मनोनीत गरिएको छ ।
