ट्याक्टर दुर्घटनामा युवकको मृत्यु
ताप्लेजुङमा ट्याक्टर दुर्घटनामा एक युवकको मृत्यु भएको छ । प्रहरीका अनुसार मैवाखोला गाउँपालिका–६ फाकुम्बाका ३४ वर्षीय फुर्तेम्बा शेर्पाको दुर्घटनामा मृत्यु भएको हो ।
ओलाङ्चुङगोला पुग्न सहज
ताप्लेजुङको सदरमुकाम फुङ्लिङ बजारबाट सात घण्टामै चीनको सीमावर्ती रहेको ओलाङचुङगोला पुग्न सकिने भएको छ । सडकको पहुँच पुगेसँगै ओलाङचुङ्गोला पुग्न सहज भएको हो ।
झापामा दुर्घटनाबाट दुई जनाको मृत्यु
झापाको कनकाई र भद्रपुरमा दुर्घटना हुँदा दुई जनाको मृत्यु भएको छ । बुधबार राति कनकाई–३ सुरुङ्गा पुलस्थितमा बिर्तामोडबाट झिलझिलेतर्फ जाँदै गरेको रा १ प ६३०० नम्बरको मोटरसाइकललाई तत्काल नम्बर नखुलेको सवारीसाधनले ठक्कर दिँदा मोटरसाइकल बिर्तामोड–७ का ३८ वर्षीय तेजमणि खरेलको मृत्यु भएको जिल्ला प्रहरी कार्यालय झापाका प्रवक्ता प्रहरी नायब उपरीक्षक कृष्णकुमार चन्दले जानकारी दिनुभयो ।
अस्पतालमा औषधी अभाव भएपछि नगरपालिकाको सहयोग
प्रादेशिक आयुर्वेद अस्पताल कमल गाउँपालिकालाई दमक नगरपालिकाले साढे तीन लाख बराबरको आयुर्वेदिक औषधी प्रदान गरेको छ । अस्पतालमा औषधीको अभाव भएको थियो ।
खोटाङमा डढेलो गाउँ पस्यो, एकै दिनमा १५ घर जले
डढेलो गाउँ पस्दा खोटाङमा एकै दिन १५ घर खरानी भएका छन् । वराहपोखरी गाउँपालिका–१ बाराहापोखरीमा ११ परिवारको १३ वटा घर जलेर नष्ट भएको छ । हलेसी तुवाचुङ नगरपालिका–४ बडहरेमा २ वटा घर खरानी भएका छन् ।
नेपाल–भारत पूर्वी सीमा बन्द
नेपाल–भारत पूर्वी सीमामा आवतजावत बन्द गरिएको छ । नेपालसँग सीमा जोडिएको भारतमा निर्वाचनलाई लक्षित गरेर पूर्वी नाका सिल गरिएपछि आवतजावत बन्द भएको छ ।
देशमा निर्णायक शक्ति आवश्यक छ : अध्यक्ष ओली
पूर्व प्रधानमन्त्री तथा नेकपा (एमाले) का अध्यक्ष केपी शर्मा ओलीले अबको मुख्य विषय गरिबी निवारणको विषय भएको बताउनुभएको छ । बुधबार इलामको चुलाचुलीमा आयोजित चुनावी सभालाई सम्बोधन गर्दै उहाँले देशको गरिबी निवारणका लागि अब निर्णायक शक्ति आवश्यक भएको बताउनुभयो ।
भोजपुर गोल्ड कप : चर्च ब्वाइज सेमिफाइनलमा
चर्ज ब्वाइज युनाइटेड क्लब सातौँ अन्तर्राष्ट्रिय आमन्त्रित मेयर भोजपुर गोल्ड कप प्रतियोगिताको सेमिफाइनलमा प्रवेश गरेको छ ।
चिया निर्यातमा भारतीय अवरोध हट्यो
भारतीय भन्सारले पाँच दिनअघिदेखि रोकेको नेपाली तयारी चियाको निर्यात आज खुला गरेको छ । यही वैशाख ७ गते काँकडभिट्टा नाकाबाट चिया बोकेर गएका १७ ट्रक भारतीय सीमाभित्र सडकमै रोकिएका थिए ।
कर्तव्य ज्यान मुद्दाका फरार प्रतिवादी १७ वर्षपछि पक्राउ
भोजपुरमा कर्तव्य ज्यान मुद्दाका फरार प्रतिवादी १७ वर्षपछि पक्राउ परेका छन् । वि.सं.२०६३ कात्तिकमा भोजपुर भैँसीपङ्खाका निमा दावा शेर्पाको हत्या गरेको अभियोगमा ६० वर्षीय चन्द्रबहादुर तामाङलाई प्रहरीले मङ्गलबार धरानबाट पक्राउ गरेको हो ।
धनकुटाको कोसेली नरिवल बिस्कुट
के तपाई धनकुटा पुग्नुभएको छ ? यदि पुग्नुभएको छ भने अवश्य नरिवलको बिस्कुट खान नभुल्नुस् । मिठो स्वादसहितको बिस्कुट आफन्तलाई कोसेलीकोरुपमा लैजान पनि सक्नुहुन्छ ।
इलाम उपनिर्वाचन : अन्तिम प्रचार-प्रसारमा दल र उम्मेदवार
वैशाख १५ को उपनिर्वाचन आउन अब तीन दिनमात्र बाँकी छ। निर्वाचनको दिन नजिकिँदै गर्दा उम्मेदवारको बुधबार प्रचार-प्रसारको अन्तिम दिन हो। राति १२ बजेदेखि निर्वाचनको मौन अवधि सुरु हुँदैछ।
उपनिर्वाचनका लागि सीमा नाका बन्द
इलाममा हुने उपनिर्वाचनका लागि जिल्ला प्रशासन कार्यालय इलामले अन्तर्राष्ट्रिय सीमा बन्द गरेको छ । निर्वाचनलाई प्रभावकारी ढङ्गले सम्पन्न गराउने उद्देश्यले भरे राति १२ बजेदेखि निर्वाचनको दिन वैशाख १५ गते राति १२ बजेसम्म सिमानाका बन्द गरिएको प्रमुख जिल्ला अधिकारी इन्द्रदेव यादवले बताउनुभयो ।
पाथीभरा क्षेत्र लैजाँदै गरेको मदिरा नियन्त्रण
ताप्लेजुङस्थित पवित्र साथै प्रसिद्ध तीर्थस्थल पाथीभरा क्षेत्र लैजाँदै गरेको मदिरा प्रहरीले नियन्त्रणमा लिएको छ । सदरमुकाम फुङ्लिङ बजारदेखि पाथीभरा क्षेत्र जाँदै गरेको सवारी जाँच गर्ने क्रममा मदिरा फेला परेपछि प्रहरीले नियन्त्रणमा लिएको हो ।
झापामा सवारी दुर्घटना हुँदा तीन जनाको मृत्यु
बुधवार बिहान झापाको शिवसताक्षीमा भएको सवारी दुर्घटनामा परी तीन जनाको मृत्यु भएको छ ।
आजदेखि पूर्वी नेपालको सीमानाका बन्द
झापा र इलाम जिल्लासँग जोडिएका काँकडभिट्टालगायतका सीमानाका आज साँझ ६ बजेदेखि ७२ घण्टाका लागि बन्द गरिएको छ । भारतमा यही वैशाख १४ गते हुने दोस्रो चरणको लोकसभा निर्वाचनका लागि भारतीय आग्रहमा नेपाली नाका बन्द गरिएका हुन् ।
धार्मिक पर्यटकीयस्थल बन्दै अर्जुनधारा जलेश्वरधाम
पूर्वको प्रसिद्ध धार्मिकस्थलको रूपमा परिचित अर्जुनधारा नगरपालिका-७ झापास्थित श्री अर्जुनधारा जलेश्वरधाम धार्मिक पर्यटकीय गन्तव्यको रूपमा विकास हुँदै गएको छ ।
भोजपुर गोल्ड कप : सलहेश सेमिफाइनलमा
सलहेश युवा क्लब सातौँ अन्तर्राष्ट्रिय आमन्त्रित मेयर भोजपुर गोल्ड कप प्रतियोगिताको सेमिफाइनलमा प्रवेश गरेको छ ।
याङमामा स्वास्थ्य इकाई स्थापना
ताप्लेजुङको फक्ताङ्लुङ गाउँपालिका–७ ओलाङ्चुङगोलाको याङ्मामा बाल विकास केन्द्र र सामुदायिक स्वास्थ्य इकाई स्थापना गरिएको छ ।
नरसिंहमा आगलागी, १५ घर जलेर नष्ट
सुनसरीको भोक्राहा नरसिंह गाउँपालिका ३ शिवगञ्जको शिशौ टोलमा भीषण आगलागी भएको छ । स्थानीय रामदेव मेहताको परालबाट सल्केको आगोले १५ घर जलेर नष्ट भएको प्रहरीले जनाएको छ ।
माओवादी केन्द्रले सुदृढीकरण अभियान चलाउने
नेकपा (माओवादी केन्द्र) ताप्लेजुङले पार्टी सङ्गठन सुदृढीकरण अभियान सञ्चालन गर्ने भएको छ । माओवादीले दुई महिने पार्टी सङ्गठन सुदृढीकरण अभियान सञ्चालन गर्ने भएको हो ।
चार महिनापछि इलाका प्रशासनबाट सेवा सुचारु
कर्मचारी अभावले बन्द भएको खोटाङको इलाका प्रशासन कार्यालय खोटाङ बजारबाट चार महिनापछि सेवा सुरु भएको छ । गृह मन्त्रालयले कर्मचारी खटाएसँगै सोमबारबाट नागरिकता जारी लगायतका सेवा पुनः सुरु भएको हो ।
मतदान केन्द्रमा पठाइयो कर्मचारी
इलाम–२ को उपनिर्वाचन आउन चार दिन मात्रै बाँकी छ । वैशाख १५ गते हुने उपनिर्वाचनका लागि जिल्ला निर्वाचन कार्यालयले मतदानमा खटिने कर्मचारीहरूलाई निर्वाचन सामग्रीहरू बुझाएको छ ।
प्रशान्तलाई मिनी म्याराथन उपाधि
झापाको कनकाई नगरपालिकामा लियो क्लब अफ कनकाई सुरुङ्गाले आयोजना गरेको मिनी म्याराथनको उपाधि धरानका प्रशान्त तामाङले जित्नुभएको छ ।
चियाको समस्या समाधान गर्न प्रधानमन्त्रीसँग आग्रह
नेपाल–भारत सिमाना झापाको काँकडभिट्टा–पानीट्यांकीमा नेपाली चिया रोकिएपछि इलामका चिया उद्योगीले चियाको समस्या समाधान गर्न प्रधानमन्त्री पुष्पकमल दाहाल ‘प्रचण्ड’ सँग आग्रह गरेका छन् ।
