करेन्ट लागेर सिटी सफारी चालकको मृत्यु
झापाको दमकमा सिटी सफारी चार्ज गर्ने क्रममा करेन्ट लागेर सिटी सफारी चालकको ज्यान गएको छ ।
गुरुकुल र संस्कृत मावि बन्द हुँदा पुरोहितको अभाव
एकातर्फ गुरुकुल र संस्कृत मावि बन्द भएका छन् भने नयाँ पुस्तामा गुरूकुलीय शिक्षाप्रति आकर्षण छैन।
ओखलढुङ्गाको पहिरे खोलामा बेलिब्रिज राखिने
ओखलढुङ्गाको पहिरे खोलामा अस्थायी बेलिब्रिज राखिने भएको छ ।
कोशी प्रदेश सरकारले जनतासँग प्रदेश सरकार कार्यक्रम सञ्चालन गर्ने
कोशी प्रदेश सरकारको आज बसेको मन्त्रिपरिषद्को बैठकले ‘जनतासँग कोशी प्रदेश सरकार कार्यक्रम सञ्चालन कार्यविधि, २०८१’ स्वीकृत गर्ने निर्णय गरेको छ ।
पर्यटक लोभ्याउँदै हिले
वर्खा सकिएसँगै पूर्वको पर्यटकिय नगरी धनकुटाको हिले पर्यटनको सिजन सुरु भएको छ ।
मदन भण्डारी स्मृति प्रतिष्ठानको प्रगति अविस्मरणीय : सभामुख
प्रतिनिधि सभाका सभामुख देवराज घिमिरेले प्रतिकूल राजनीतिका कारण मदन भण्डारी प्रौद्योगिक विश्वविद्यालय खोल्न नसकिएको बताउनुभएको छ ।
पत्नीको हत्या गरी राईले गरे आत्महत्या
इलामको सन्दकपुर गाउँपालिका– १ भित्तेमा एक व्यक्तिले पत्नीको हत्या गरी आफूले पनि आत्महत्या गरेका छन् । भित्तेका ४६ वर्षीय उजबहादुर राईले ४० वर्षीय पत्नी फूलकुमारी राईलाई धारिलो हतियार प्रयोग गरी हत्या गरेको र उजबहादुरले झुन्डिएर आत्म हत्या गरेको भेटिएको इलामका एसपी प्रभुप्रसाद ढकालले बताउनु भयो ।
कार्यपालिका बैठकका लागि अन्तरिम आदेश माग
इटहरी उपमहानगरपालिकाका प्रमुख हेमकर्ण पौडेलविरुद्ध उपप्रमुख सङ्गीताकुमारी चौधरी र १५ जना वडाध्यक्षसहित २२ जना कार्यपालिका सदस्यले उच्च अदालत विराटनगरमा सोमबार कार्यपालिका बैठकका लागि परमादेशको अन्तरिम आदेश जारी गर्न माग गर्नुुभएको छ । बिस वटा वडा रहेको इटहरी उपमहानगरपालिकाको कार्यपालिका समितिमा नगरप्रमुख र प्रमुख प्रशासकीय अधिकृतसहित ३१ जना सदस्य रहेका छन् । ज
मोटरसाइकलको ठक्करबाट पैदलयात्रीको मृत्यु
झापाको विर्तामोडमा मोटरसाइकलले ठक्कर दिँदा पैदलयात्रीको मृत्यु भएको छ ।
सार्वजनिक सवारीसाधनमा अनिवार्य टिकटको व्यवस्था
जिल्ला प्रशासन कार्यालयले सार्वजनिक सवारीसाधनमा यात्रा गर्दा बढी शुल्क तिर्नुपर्ने गुनासो आएपछि अनिवार्य टिकट दिएर मात्र सवारी सञ्चालन गर्नुपर्ने निर्णय गरेको हो ।
‘एन्टी स्नेक भेनम’ उत्पादन अब स्वदेशमै
नेपालमै पहिलो पटक स्थापना भएको एन्टी स्नेक भेनम उत्पादन उद्योगले सर्प पाल्ने अनुमति पाएको छ ।
सङ्कटा सेमिफाइनलमा
काठमाडौँको सङ्कटा क्लब मोरङको पथरीशनिश्चरेमा जारी पथरी शनिश्चरे गोल्डकप–२०८१ को सेमिफाइनलमा प्रवेश गरेको छ ।
विद्यार्थीमा बेहोस हुने अनौठो समस्या
इलामको सूर्योदय नगरपालिका-१ गोर्खेमा रहेको हिमालय माध्यमिक विद्यालयका विद्यार्थीमा अनौठो समस्या देखा परेको छ ।
गर्मीले जनजीवन कष्टकर बन्दै
गर्मी बढेसँगै तराईको जनजीवन कष्टकर बन्दै गएको छ । एक सातादेखि बढेको गर्मी तथा तापक्रमका कारण सुनसरीसहित तराईका जिल्लाहरूको जीवन कष्टकर बनेको हो ।
१०औँ राष्ट्रिय खेलकुद प्रतियोगिता फागुनसम्म हुन्छ : मन्त्री चौधरी
युवा तथा खेलकुद मन्त्री तेजुलाल चौधरीले कर्णाली प्रदेशमा आयोजना गर्न लागेको १०औँ राष्ट्रिय खेलकुद प्रतियोगिता आगामी फागुन महिनासम्म सञ्चालन हुने बताउनुभएको छ ।
माछा मार्न गएका युवा दुधकोशी नदीमा बेपत्ता
माछा मार्न गएका युवा दुधकोशी नदीमा बेपत्ता भएका छन् । खोटाङको हलेसी तुवाचुङ नगरपालिका–६ मंगलटारका १८ वर्षीय घनश्याम पुलामी मगर दुधकोशी नदीमा बेपत्ता भएका हुन् ।
संविधान संशोधनका लागि राजनीतिक दलबीच छलफलको पहल सुरु भएको छ : सभामुख घिमिरे
विराटनगर विमानस्थलमा आज सञ्चारकर्मीसँग कुरा गर्दै उहाँले संशोधन कसरी गर्ने, प्रक्रिया के हो, कुन विषयमा र कहिले संशोधन गर्ने भन्ने विषयमा राजनीतिक दलबीच बृहत्तर समझदारीको आवश्यक रहेको बताउनुभयो ।
भन्सार छल्दै, फर्मको बिल काट्दै
खुला सीमाको फाइदा उठाउँदै विराटनगरमा भन्सार छलेर भित्र्याएको सामानलाई कानुनी मान्यता दिन बिल काट्ने क्रम बढेको छ ।
काबेली खोलामा डुब्यो एक्साभेटर
ताप्लेजुङको सिरिजङ्घा गाउँपालिकास्थित काबेली खोलामा एक्साभेटर डुबेको छ। निर्माणाधीन माथिल्लो काबेली जल बिद्युत आयोजनाको एक्साभेटर काममा प्रयोग भइरहेको समयमा अनियन्त्रित भई काबेली खोलामा खसेर डुबेको हो।
-original-thumb.jpg)
२१ करोडको गुम्बा जग भन्दा माथि उठ्न सकेन
राजकुमार भट्टराईखोटाङ, असोज ६ गते। खोटाङमा २१ करोडको लागतमा सुरु गरिएको गुम्बा ६ वर्षदेखि अलपत्र छ। दिक्तेल रुपाकोट मझुवागढी नगरपालिका–१३ नुनथलामा ६ वर्षअघि निर्माण सुरु गरिएको गुम्बा अझै जग भन्दा माथि उठ्न सकेको छैन। तत्कालीन प्रदेश नम्बर एकका मुख्यामन्त्री शेरधन राईले २०७४ माघ १९ गते शिलान्यास गर्नु भएको ‘ला ज्यालो वाङ थोप’ नामक गुम्बा जगभन्दा माथि उठ्न नसकेको हो। नुनथलाको पर्यटकीयस्थल संसारीडाँडामा उपभोक्ता समितिमार्फत निर्माण सुरु गरिएको गुम्बाको जगको रड खान थालेको छ। तर, काम पुनः अगाडि बढ्ने कुनै छाट्काट छैन। नगरपालिकाको क्रमागत बजेट र विभिन्न दाताको चन्दा दानबाट मध्यपहाडी लोकमार्गको छेउमा विशाल गुम्बा निर्माणको काम थालिएको थियो। करिब २१ करोडमा सम्पन्न हुने गुम्बा ६० फिट अग्लो हुने डिजाइन छ। दिक्तेल रुपाकोट मझुवागढी नगरपालिकाले आर्थिक वर्ष २०७४/०७५ मा विनियोजन गरेको १५ लाख र उपभोक्ता समितिको दुई लाख बराबरको जनश्रमदानबाट गुम्बाको जग खन्ने, ढुंगा सोलिङ गर्ने र पिसीसी ढलानको काम पुरा गरिएको थियो। त्यस लगत्तै प्रदेश सरकारले उपलबध गराएको करिब एक करोड र उपभोक्ता समितिको १० लाख बराबरको श्रमदानबाट गुम्बाको थप काम अघि बढाइएको थियो। गुम्बा निर्माणको काम सम्पन्न गर्नका लागि २०७४ वैशाख ५ गते प्रदेश सरकार र उपभोक्ता समितिबिच सम्झौता पनि भएको थियो। तर क्रमागत रुपमा बजेट प्राप्त नहुँदा गुम्बाको काम ठप्प भएको गुम्बा व्यवस्थापन समितिका सचिव धनकुमार तामाङले बताउनुभयो। नुनथलाका वडाध्यक्ष भगेश्वर राईका अनुसार कतिपयले भने गुम्बाको बजेट खर्चका विषयमा प्रश्न समेत उठाएका थिए। गुम्बामा बौद्धधर्मसँग सम्बन्धित १०८ र सिठो लजोको एक सय मुर्ती राख्ने योजना छ। यस्तै, बौद्ध धर्ममा माटोको मुर्ती पबित्र हुने धार्मिक मान्यता अनुसार गुम्बामा माटोको सय वटा तथा पितल र ढलौटको मूर्ती राखिने व्यवस्थापन समितिले जनाएको छ। बौद्ध धर्मावलम्बीको जन्म, मृत्युको संस्कार गर्न, विवाह गर्न तथा बौद्ध शिक्षा दिने प्रयोजनका लागि गुम्बा निर्माण सुरु गरिएको थियो। गुम्बा निर्माणका लागि गुम्बा व्यवस्थापन समितिका अध्यक्ष मेनुका तामाङ राईले १ रोपनी ७ आना जग्गा निःशुल्क उपलव्ध गराउनुभएको हो। पर्यटकीयस्थलकारुपमा रहेको संसारीडाँडामा निर्माण हुने गुम्बाबाट सगरमाथाको दृश्यावलोकन समेत गर्न सकिने भएकाले गुम्बाका कारण आन्तरिक पर्यटन प्रवद्र्धनमा समेत टेवा पुग्ने अपेक्षा गरिएको छ। पर्यटकीयस्थल नुनथलाडाँडामा निर्माण हुने गुम्बाबाट नांगो आँखाले सोलुखुम्बु, ओखलढुंगाका अग्ला पर्वत तथा सगरमाथा हिमश्रृंखला समेत दृश्य अवलोकन गर्न सकिन्छ।
अठार लाख भेटी सङ्कलन
ताप्लेजुङस्थित प्रसिद्ध तीर्थस्थल पाथीभरा मन्दिरमा पछिल्लो दुई महिना अवधिमा १८ लाख रुपियाँभन्दा बढी भेटी रकम सङ्कलन भएको छ । पाथीभरा क्षेत्र विकास समितिका अनुसार साउन र भदौ महिनामा सो भेटी रकम सङ्कलन भएको हो ।
ग्यास सिलिन्डर र चुल्हो वितरण
ताप्लेजुङको मिक्वाखोला गाउँपालिकाले पालिकावासीलाई ग्यास सिलिन्डर र चुल्हो वितरण गरेको छ । धुँवामुक्त क्षेत्र बनाउने अभियानको सुरुवात गरेको गाउँपालिकाले वडा –३ लिबाङका बासिन्दालाई ग्यास सिलिन्डर र चुल्हो वितरण गरेको हो ।
मोटरसाइकल दुर्घटनामा एकको मृत्यु
चौबिसे गाउँपालिका –६ धाराचोकमा मोटरसाइकल दुर्घटना हुँदा एक युवककोे मृत्यु भएको छ । मृत्यु हुनेमा चौबिसे गाउँपालिका –६ का ३८ वर्षीय बलबहादुर चेम्जोङ रहेको जिल्ला प्रहरी कार्यालय धनकुटाले जनाएको छ ।
गोल्डकप ट्रफी सार्वजनिक
बेलबारी आरजु राइस अन्तर्राष्ट्रिय आमन्त्रण गोल्डकप फुटबल प्रतियोगितामा प्रदान गरपने अढाई किलो चाँदीमा दुई तोला सुन जडित गोल्डकप ट्रफी सार्वजनिक गरिएको छ ।
नाटक ‘घरजम’ प्रदर्शन हुने
राष्ट्रिय नाटक महोत्सव–२०८१ मा देशभरकै पहिलो भएको नाटक ‘घरजम’ लेखिएको भूमि इलाममै प्रदर्शन हुने भएको छ । इलामका साहित्यकार माधव भण्डारीद्वारा लिखित घरजमलाई इलाममे कलाकारले रङ्गमञ्चमा उतारेका थिए ।
