विमानस्थलको अध्यागमन कार्यालयमा सुधार आएको छः गृहमन्त्री लामिछाने
उपप्रधान तथा गृहमन्त्री रवि लामिछानेले त्रिभुवन अन्तर्राष्ट्रिय विमानस्थलको अध्यागमन कार्यालयमा सुधार आएको र थप सुधारका लागि प्राविधिकसहितको समिति बनाएर अध्ययन गरिरहेको बताउनुभएको छ ।
सामाजिक सुरक्षा भत्तामा अपचलन गरेको आरोपमा वडाध्यक्षविरुद्ध मुद्दा
अख्तियार दुरुपयोग अनुसन्धान आयोगका प्रवक्ता नरहरि घिमिरेका अनुसार सो वडाबाट ज्येष्ठ नागरिकलाई सामाजिक सुरक्षा प्रदान गर्दा वडाअध्यक्ष समेतको मिलेमतोमा भत्ता प्राप्त गर्न योग्य नरहेको व्यक्तिलाई लाभग्राहीको सूचीमा प्रविष्ट गरी, गराइ सामाजिक सुरक्षा भत्ता कार्ड जारी गरिएको देखिएको छ।
प्रमुख प्रशासकीय अधिकृतसहित तीन जनाविरुद्ध भ्रष्टाचार मुद्दा
मकवानपुरको मनहरी गाउँपालिकाका तत्कालीन प्रमुख प्रशासकीय अधिकृत देवराज चौलागाईसहित तीन जनाविरुद्ध तीन लाख ९१ हजार ९२९ रुपियाँ भ्रष्टाचार मुद्दा दायर भएको छ ।
सवारी ज्यान मुद्दामा फरार दुई प्रतिवादी पक्राउ
जिल्ला प्रहरी कार्यालय रुकुमपश्चिमले दुई जना फरार प्रतिवादीलाई पक्राउ गरेको छ ।
नाबालकसहित एकै परिवारका तीन जना मृत फेला
झापाको शिवसताक्षी नगरपालिका वडा नं ३ मा एकै परिवारका तीनजना मृत अवस्थामा भेटिएका छन् । शुक्रबार बिहान ३० महिनाको नाबालकसहित तीन जना आफ्नै घरमा मृत अवस्थामा फेला परेको जिल्ला प्रहरी कार्यालय झापाका प्रवक्ता कृष्णुकमार चन्दले जानकारी दिनुभयो ।
विषादीसहितको आँप बजारमा छ्यापछ्याप्ती
सर्लाहीका बजारमा विषादी प्रयोग गरी पकाइएको आँप छ्यापछ्याप्ती बिक्री भइरहेका छन् । मानव स्वास्थ्यका लागि हानिकारक रासायनिक पदार्थ (कार्वाइड) हालेर पकाइएको आँप यहाँको प्रत्येक बजारमा खुलेआम बिक्री वितरण भइरहेको हो ।
बलात्कार आरोपीलाई १२ वर्ष कैद
इलामको सूर्योदय नगरपालिका–४ का २७ वर्षीय मिलन घिमिरेलाई बालिका बलात्कार गरेको आरोपमा जिल्ला अदालत इलामले १२ वर्ष कैद सजाय सुनाएको छ ।
चक्कु प्रहारबाट गम्भीर घाइते खड्काको मृत्यु
चक्कु प्रहारबाट गम्भीर घाइते भएका तुलसीपुर-४ निवासी २४ वर्षीय गोरखलाल खड्काको उपचारको क्रममा मृत्यु भएको छ ।
प्रजातन्त्र दिवसमा छुटेका कैदी २३ वर्षपछि समातिए
कर्तव्य ज्यानको कसुरमा अदालतबाट सर्वस्वसहित जन्मकैद फैसला सुनाइएको भए पनि सरकारको सिफारिसमा छुटेका दुई जना कैदीलाई प्रहरीले २३ वर्षपछि पक्राउ गरेको छ । काठमाडौँ उपत्यका अपराध अनुसन्धान कार्यालयले कर्तव्य ज्यान मुद्दाका फरार प्रतिवादीहरू दोलखा मेलुङ–१ का साधुराम भन्ने खड्गबहादुर दमाई र केदार भन्ने दुर्गबहादुर दमाईलाई मङ्गलबार काठमाडौँबाट पक्राउ गरेको हो । प्रहरी उपरीक्षक अङ्कुर जिसीका अनुसार राष्ट्रिय प्रजातन्त्र दिवस–२०५६ का अवसरमा कारागार शाखा काठमाडौँको कैदी चलानी नम्बर २७३४ को पत्र अनुसार दुवै जना २०५६ फागुन ७ गते कैद मिनाहामा परेका थिए ।
बेवारिसे महिलामाथि बलात्कार गरेर फरार युवक पक्राउ
सडकमा बेवारिसे भएर हिँड्ने महिलालाई जबरजस्तीकरणी गरेर फरार रहेका एक युवकलाई प्रहरीले सर्लाहीको जिरायतबाट पक्राउ गरेको छ ।
जबरजस्ती करणीको आरोपमा अहेब पक्राउ
पाल्पामा नाबालिकालाई जबरजस्ती करणी गरेको आरोपमा एक जना स्वास्थ्यकर्मी पक्राउ परेका छन् । पक्राउ पर्नेमा रिब्दीकोट–५, नयाँटोलाका ३६ वर्षीय बृहस्पति पचभैया रहेको प्रहरीले जनाएको छ ।
प्रधानाध्यापकसहित चार जनाविरुद्ध रकम हिनामिना गरेको आरोप
सङ्खुवासभाको धर्मदेवी नगरपालिका वडा नं. ४ स्थित शारदा माध्यमिक विद्यालयका तत्कालीन प्रधानाध्यापक कृष्णहरी भट्टराईसहित चार जनाविरुद्ध चार लाख ६० हजार ४५५ रुपियाँ रकम हिनामिनाको आरोप लागेको छ ।
वीरगन्जका अवैध गोदाममा सशस्त्र प्रहरीको छापा : ४४ लाखको सामान बरामद
सशस्त्र प्रहरी बलले पर्सास्थित वीरगन्ज महानगरपालिका–१९ बर्वा लगायत विभिन्न ठाउँबाट अवैध गोदाममा छापा मारेर ४४ लाख बढीको अवैध सामान नियन्त्रणमा लिएको छ ।
निलम्बित न्यायाधीश गिरीलाई सात वर्ष कैद
जिल्ला अदालत काठमाडौँले वैवाहिक बलात्कार मुद्दामा जिल्ला न्यायाधीश भुवन गिरीलाई सात वर्ष कैद सजाय निर्धारण गरेको छ । निलम्बित न्यायाधीश गिरीलाई जेठ १३ गते अदालतले दोषी ठहर गरेको थियो । जिल्ला न्यायाधीश दुर्गाबहादुर भुसालको इजलासले सोमबार सजाय निर्धारण गरेको हो । कसुर ठहर गरेकै इजलासले सजाय निर्धारण गर्ने व्यवस्थाबमोजिम भुसालकै इजलासले सोमबार सजाय तोकेको हो ।
भरत ताल निर्माणमा भ्रष्टाचार : बागमतीका नगर प्रमुखविरुद्ध ३० करोडको मुद्दा
सर्लाहीको बागमती नगरपालिकाका निलम्बित प्रमुख भरतकुमार थापाविरुद्ध मुद्दा दायर भएको छ । अख्तियार दुरुपयोग अनुसन्धान आयोगले मङ्गलबार प्रमुख थापाविरुद्ध ३० करोड रुपियाँभन्दा बढी भ्रष्टाचार गरेको आरोपमा विशेष अदालत काठमाडौँमा मुद्दा दायर गरेको हो ।
अमेरिका, कम्बोडिया, न्युजिल्याण्ड र फ्रान्स पठाउँछु भन्दै ठगी गर्ने चार जना पक्राउ
अमेरिका, कम्बोडिया,न्युजिल्याण्ड र फ्रान्स पठाइदिन्छु भन्दै करिब १५ करोड रकम ठगी गर्ने चार जनालाई प्रहरीले पक्राउ गरेको छ।
पहेँलो धातुसहित दुई जना पक्राउ
त्रिभुवन अन्तर्राष्ट्रिय विमानस्थलबाट भन्सार छलेर ल्याइएको अन्दाजी २५ ग्राम सुनजस्तो देखिने पहेँलो धातुसहित प्रहरीले दुई जनालाई पक्राउ गरेको छ ।
लागूऔषधको मुख्य कारोबार गर्ने दुईसहित ६ जना पक्राउ
लागूऔषधको मुख्य कारोबार गर्ने दुई जनालाई कपिलवस्तुबाट पक्राउ परेका छन् । इप्रका गोरुसिङ्गे र पिपराले लागूपदार्थ बेचबिखनका लागि सप्लाई गर्ने दुईसहित ६ जना पक्राउ गरेका हुन् ।
पोखरामा करिब एक करोडको चोरी गर्ने पक्राउ
पोखरामा एक करोडभन्दा बढीको धनमाल चोरी गरेको अभियोगमा दुई जना पक्राउ परेका छन् । उनीलाई कास्की प्रहरीले सार्वजनिक गरेको हो ।
सेन्चुरी बैङ्कका तत्कालीन अध्यक्षसहित आठ जना पक्राउ
धितो मूल्याङ्कनभन्दा बढी ऋण प्रवाह गरेको आरोपमा नेपाल प्रहरीको केन्द्रीय अनुसन्धान ब्युरो (सिआइबी) ले सेन्चुरी बैङ्कका तत्कालीन अध्यक्षसहित आठ जनालाई पक्राउ गरेको छ । पक्राउ पर्नेमा सेन्चुरी बैङ्कका तत्कालीन अध्यक्ष राजेशकुमार श्रेष्ठ (भोजपुर), सञ्चालक समितिका सदस्य सुनीलकुमार न्यौपाने (दैलेख) र प्राडा गीता प्रधान (ललितपुर, झम्सीखेल) रहेका छन् ।
बोलेरो गाडीसहित एक जना पक्राउ
जिल्ला प्रहरी कार्यालय बाँकेले नेपालगन्जबाट कागजपत्र बिनाको चोरी गरेर ल्याएको बोलेरो गाडी चालकसहित पक्राउ गरेको छ ।
गाउँपालिकाका अध्यक्षसहित १४ जनाविरुद्ध भ्रष्टाचार मुद्दा
सिराहाको नवराजपुर गाउँपालिकाका तत्कालीन अध्यक्ष विश्व मोहन प्रसाद यादवसहित १४ जनाविरुद्ध १४ लाख ५१ हजार ५५१ रुपियाँ भ्रष्टाचार मुद्दा दायर भएको छ ।
प्राइम सहकारी ठगी प्रकरणः ६६ जनाविरुद्ध मुद्दा दायर
पोखराको प्राइम बहुउद्देश्यीय सहकारी ठगी प्रकरणमा ६६ जनाविरुद्ध जिल्ला अदालत कास्कीमा आइतबार मुद्दा दायर भएको छ । जिल्ला सहकारी वकिलको कार्यालयले एक अर्ब ५७ करोड १५ लाख आठ हजार एक सय २४ रुपियाँ बिगो माग दाबीसहित ६६ जनाविरुद्ध अभियोगपत्र दायर गरेको हो ।
आमाको हत्या अभियोगमा छोरा पक्राउ
आमाको हत्या गरेको अभियोगमा प्रहरीले छोरालाई पक्राउ गरेको छ । ६८ वर्षीया आमा निरकुमारी तामाङको खुर्पा प्रहार गरी हत्या गरेको अभियोगमा अरुण गाउँपालिका–४ ल्याङडाँडा चरम्बी बस्ने ३४ वर्षीय मिलन तामाङलाई आइतबार साँझ प्रहरीले पक्राउ गरेको हो ।
सेनामा भर्ती गराइदिन्छु भनी ठग्ने थापा पक्राउ
नेपाली सेनामा भर्ती गरिदिन्छु भनी ठगी गरेको आरोपमा एक जनालाई कास्की प्रहरीले पक्राउ गरेको छ । पक्राउ पर्नेमा कास्कीको पोखरा महानगरपालिका वडा नं. ५ प्रस्याङ बस्ने २७ वर्षीय धर्मराज थापा रहेको प्रहरीले जनाएको छ ।
