• ६ चैत २०८०, मङ्गलबार

ललितपुर महानगर प्रमुख महर्जनद्वारा विज्ञ सल्लाहकार मनोनित

blog

विज्ञ सल्लाहाकारको पत्र दिनुहुँदै ललितपुर महानगरपालिकाका प्रमुख चिरीबाबु महर्जन ।

ललितपुर, माघ २२ गते।ललितपुर महानगरपालिका प्रमुख चिरीबाबु महर्जनले विभिन्न क्षेत्रका विज्ञलाई आफ्नो सल्लाहकारमा मनोनयन गर्नुभएको छ।

जनप्रतिनिधिसँग सबै क्षेत्रको ज्ञान नहुने भएकाले विज्ञको सुझाव लिएर काम गर्न सल्लाहकार मनोनित गरेको महानगर प्रमुख महर्जनले जानकारी दिनुभयो।प्रमुख महर्जनले भन्नुभयो, ‘महानगरको श्रीवृद्धिका लागि यहाँहरूको योगदान महत्वपूर्ण हुने विश्वास लिएको छु ।’

भूकम्प प्रविधि राष्ट्रिय समाज नेपाल (एन्सेट) विपद् जोखिम न्यूनीकरण गर्ने विज्ञ संस्था, मदनलाल न्याछ्यो अमूर्त सम्पदा विज्ञ, लोकबहादुर खड्का शिक्षा सल्लाहकार, दिलेन्द्रराज श्रेष्ठ पर्यटन विज्ञ, डा. रोहित रञ्जितकार सम्पदा सल्लाहकार, पदमकृष्ण श्रेष्ठ खेलकुद सल्लाहाकार, पद्मसुन्दर जोशी परम्परागत पानी व्यवस्थापन विज्ञ, रिद्धिबाबा प्रधान समाजकल्यण विज्ञ, डा. तारामान अमात्य जनस्वास्थ्य विज्ञ, प्रा.डा. पुष्पमान अमात्य वनस्पति विज्ञ, डा. मदनकुमार पिया अर्बुद रोग विज्ञ तथा तीर्थमान शाक्य प्रशासन विज्ञका रुपमा मनोनित गर्नुभएको हो।