सन्तोष दहित
दाङ, मङ्सिर १३ गते । नेकपा (एमाले) को ११औं राष्ट्रिय महाधिवेशनका लागि दाङबाट सर्वसम्मत रूपमा प्रतिनिधिहरू चयन गरिएको छ । जिल्लाका तीनवटै निर्वाचन क्षेत्रबाट २० जना र दलित तर्फबाट तीन जना गरी कुल २३ जना महाधिवेशन प्रतिनिधि सर्वसम्मत रूपमा चयन गरिएको एमाले दाङका उपाध्यक्ष मनोहर बुढाथोकीले जानकारी दिनुभयो ।
उहाँका अनुसार निर्वाचन क्षेत्र नं. १ बाट खुला तर्फ राममणि पाण्डे, कुलबहादुर केसी, रत्न तिवारी श्रेष्ठ, घनश्याम चौधरी र महिलातर्फ सीता चौधरी (ए), सीता चौधरी (बी) तथा लक्ष्मी शर्मा निर्विरोध रूपमा चयन हुनुभएको हो ।
त्यस्तै, निर्वाचन क्षेत्र नं. २ बाट खुला तर्फ शिवकुमार आचार्य, सुदन केसी, देबबहादुर बस्नेत, भुवन चौधरी, भानसिं बुढा र महिलातर्फ रेखा बहादुर केसी निर्विरोध रूपमा चयन भएका उपाध्यक्ष बुढाथोकीले बताउनुभयो ।
निर्वाचन क्षेत्र नं. ३ बाट खुला तर्फ हुकुमबहादुर बस्नेत, भुवनेश्वर पौडेल, सूर्यबहादुर डाँगी, मनोहर बुढाथोकी, आशिष योगी र महिलातर्फ तुलसा डाँगी पोख्रेल प्रतिनिधिमा चयन हुनुभएको छ । त्यसैगरी दलित तर्फ मानवबहादुर विश्वकर्मा, निर्मला विक र टंकबहादुर विक प्रतिनिधिमा चयन भएका छन् ।
प्रतिनिधि चयनका लागि धेरै उम्मेदवारी परे पनि शुक्रबार रातिसम्मको छलफलपछि सर्वसम्मत सहमतिको आधारमा प्रतिनिधिहरू चयन गरिएको पार्टी उपाध्यक्ष बुढाथोकीले जानकारी दिनुभयो ।
