राजु लामिछाने
रुकुमपश्चिम, वैशाख १२ गते । रुकुमपश्चिमको चौरजहारी नगरपालिका-३ रानिसागर स्थित भेरीनदिमा एक पुरुष बेपत्ता भएका छन् ।
चौरजहारी नगरपालिका ९ निवासी ६१ वर्षीय नारायण खड्का भेरीनदिमा डुबेर बेपत्ता भएको प्रहरीले जनाएको छ ।
जिल्ला प्रहरी कार्यालयका प्रहरी निरीक्षक विष्णुप्रसाद श्रेष्ठका अनुसार मलामी गएका खड्का नुहाउने क्रममा बुधबार दिउँसो ३ बजे बेपत्ता हुनुभएको हो ।
खड्का डुबेर बेपत्ता भएको सूचना लगत्तै इलाका प्रहरी कार्यालयबाट प्रहरी निरीक्षक ईश्वर देव गिरीको कमाण्डमा सात जनाको प्रहरी टोली घटनास्थलतर्फ गएर खोजतलास कार्य भइरहेको बताइएको छ ।
