नारद कोहार
तौलिहवा(कपिलबस्तु), चैत २ गते । लुम्बिनी प्रदेशको चालु अधिवेशन अन्त्य भएको छ । प्रदेश प्रमुख अमिक शेरचनले नेपालको संविधानको धारा १८३ को उपधारा (२) बमोजिम आज राती १२ बजेदेखि चालु अधिवेशन अन्त्य गर्नुभएको हो ।
प्रदेश सभा सचिव दुर्लभ कुमार पुन मगरका अनुसार लुम्बिनी प्रदेश सभा नियमावली, २०७९ को नियम ३ को उपनियम (३) बमोजिम प्रदेश सभा सदस्यहरुको जानकारीका लागि सूचना प्रकाशित गरिएको बताउनुभयो ।
नयाँ विधेयक दर्ता नभएको अवस्थामा प्रदेश सभाको तेस्रो अधिबेशन (हिँउदे अधिवेशन) अन्त्य गरिएको उहाँको भनाइ छ ।
