काठमाडौँ, कात्तिक २३ गते । गायक डा. दामोदर पाण्डेको स्वरमा नयाँ गीत भिडियो ‘तिम्रो याद’ सार्वजनिक भएको छ । नेपमेलो युट्युब च्यानलबाट सार्वजनिक गरिएको गीतमा गायक पाण्डेकै शब्द रचना रहेको छ ।
गीतमा सङ्गीतकार उपेन्द्रलाल सिंहले सङ्गीत भर्नुभएको छ भने गीतको एरेन्जको पाटो एरेन्जर प्रमोद परियारले सम्हालेका छन् । भिडियोको निर्देशन भने निर्देशक सान थापाले गर्नुभएको हो ।
बुद्ध थापाको सिनेमेटोग्राफी रहेको गीतको भिडियोमा मोडल विकास लामिछाने र समारिका ढकालले अभिनय गरेका छन् । भिडियोलाई न्याय दिन लामिछाने र ढकालले भरपुर मेहनत गरेका छन् । यी दुईको जोडी भिडियोमा उत्तिकै जमेको छ ।
