काठमाडौँ, असोज ११ गते । चलचित्र ‘परदेशी–२’ को नयाँ गीत ‘परदेशी छुकछुके रेलैमा’ सार्वजनिक भएको छ । झ्याउरे भाकाको गीतमा प्रकाश सपुत, केकी अधिकारी र प्रशान्त तामाङलाई देखाइएको छ ।
नारायण रायमाझी निर्देशन रहेको गीतमा रायमाझीसँगै तेजेन्द्र गुरुङ, टीका पुन, देवी घर्ती र ममता गुरुङको आवाज सुन्न सकिन्छ । गीतको शब्द पनि निर्देशक रायमाझी स्वयम्ले कोर्नुभएको छ । गीतमा प्रेमदेव गिरीले सङ्गीत दिनुभएको छ ।
राजेश वंशलको निर्माण गर्नुभएको चलचित्र वर्षा सिवाकोटी, दीलिप रायमाझी, नीर शाह, रमा थपलिया, सविन बास्तोला, देवेन्द्र बब्लुलगायतको अभिनय छ । चलचित्रको कथा एवं पटकथा रमेश बिजीले लेख्नुभएको हो । मानकृष्ण महर्जनको छायाङ्कन रहेको चलचित्रलाई दीर्घ खड्काले सम्पादन गर्नुभएको छ भने चलचित्र दसैँको छेको पारेर असोजको २६ गतेबाट प्रदर्शनमा आउने तयारीमा छ ।
