वसन्त पराजुली
भरतपुर, भदौ २३ गते । पूर्व पश्चिम राजमार्गको झुरझुरेमा शनिवार बिहान ०६ः२५ बजे दुर्घटना हुँदा एकको मृत्यु भएको छ ।
जिल्ला प्रहरी कार्यालय चितवनका अनुसार राप्ती नपा. ३ झुरझुरेस्थित वासुकि पेट्रोल पम्प अगाडि पूर्वपश्चिम राजमार्गमा भण्डाराबाट पूर्वतर्फ जाँदै गरेको प्र.२.३.००२ ख ५६०९ नम्बरको ट्रक र विपरीत दिशातर्फ आउँदै गरेको ना ३ ख ५४८८ न. को ट्रक एक आपसमा ठक्कर खाँदा सो दुर्घटना भएको हो ।
चितवनका प्रहरी नायब उपरीक्ष विजय पण्डितका अनुसार दुर्घटनामा मृत्यु ना.३.ख ५४८८ को ट्रक चालक जिल्ला नवलपुर गैँडाकोट १ बस्ने वर्ष ४२ को प्रकाश कुँवर छन् ।
टाउको,शरीरको विभिन्न भागमा चोट अवस्था गम्भीर घाइते भई पुरानो मेडिकल कलेजमा उपचारको क्रममा ०७ः१५ बजे मृत भएको प्रहरीले जनाएको छ ।
यस्तै दुर्घटनामा घाइते हुने बौधिमाई २ बस्ने वर्ष १८ को रबिनकुमार यादव र बारा निजगढ ४ बस्ने वर्ष २८ को निकेश राउत कुर्मीको अहिले चितवनमै उपचार भइरहेको छ ।
यादवको अवस्था गम्भीर रहेको बताइन्छ ।
