कबिराज घिमिरे
हिले, वैशाख २५ गते । सलहेश फुटबल क्लब धनकुटाको राजारानीमा जारी १०औँ गोर्खा रारा गोल्डकपको सेमिफाइनलमा प्रवेश गरेको छ । पुण्य माविको खेल मैदानमा सोमबार सम्पन्न खेलमा सलहेश क्लब सिराहाले उदयपुरको गाईघाट फुटबल क्लबलाई ४–० गोलले हरायो ।
सलहेशको लागि समीर तामाङले १७औँ र ७७औँ मिनेटमा गोल गर्नुभयो । सुजन पुलामीले ४५औँ र विवेक तामाङले ८६औँ मिनेटमा गोल गर्नुभयो । समीर तामाङ म्यान अफ दि म्याच हुनुभयो । उहाँले पाँच हजार रुपियाँ पुरस्कार पाउनुभयो ।
