काठमाडौं, भदौ १३ गते । प्रधानमन्त्री एवम् नेपाली कांग्रेस संसदीय दलका नेता शेरबहादुर देउवाले राष्ट्रियसभा सदस्य रमेशजंग रायमाझीलाई संसदीय दलको नेता पदमा मनोनयन गर्नुभएको छ ।
कांग्रेस संसदीय दलको नेताको निजी सचिवालयका सचिव केशवराज जोशीद्वारा जारी प्रेस विज्ञप्तिमा प्रधानमन्त्री देउवाले सदस्य रायमाझीलाई संसदीय दलको नेतामा मनोनयन गर्नुभएको उल्लेख छ ।
विज्ञप्तिमा भनिएको छ, ‘‘प्रधानमन्त्री देउवाले नेपाली कांग्रेस संसदीय दलको विधान (संशोधन तथा परिमार्जनसहित, २०७४) को धारा १२ को उपधारा (१) बमोजिम राष्ट्रियसभा सदस्य रमेशजंग रायमाझीलाई नेपाली कांग्रेस राष्ट्रियसभाका लागि संसदीय दलको नेता पदमा मनोनयन गर्नुभएको छ ।’’
