काठमाडौं, भदौ ८ गते । प्रधानमन्त्री एवं नेपाली कांग्रेसका सभापति शेरबहादुर देउवा र प्रमुख प्रतिपक्षी दल नेकपा (एमाले) अध्यक्ष केपी शर्मा ओलीबीच भेटवार्ता भएको छ ।
प्रधानमन्त्री निवास बालुवाटारमा बुधबार बिहान प्रधानमन्त्री देउवा र एमाले अध्यक्ष ओलीबीच समसामयिक राजनीतिक विषयमा छलफल जारी रहेको एमाले केन्द्रीय प्रचार विभागका सचिव गगन विष्टले जानकारी दिनुभयो । उहाँले भन्नुभयो, “प्रधानमन्त्री ज्यूले पटक–पटक आग्रह गर्नु भएपछि, अध्यक्ष ओली भेटवार्तामा हुनुहुन्छ, छलफल अहिले पनि जारी छ ।”
मंसिर ४ गते हुने प्रतिनिधिसभा र प्रदेशसभा सदस्य निर्वाचनका लागि प्रमुख सत्ता पक्ष र प्रतिपक्षका दलहरु तीव्र तयारीमा जुटेका बेला लामो समयपछि प्रधानमन्त्री देउवा र अध्यक्ष ओलीको भेटवार्तालाई निकै महत्वका साथ हेरिएको छ ।
