काठमाडौँ, जेठ ३ गते । मलेसियामा मे २३ तारिखदेखि सुरु हुने एसियन गेम्स छनोट र एसिसी महिला प्रिमियर कपमा भाग लिने नेपाली महिला क्रिकेट टोलीको बिदाइ गरिएको छ ।
नेपाल क्रिकेट सङ्घ (क्यान)ले आइतबार टोलीको बिदाइ गरेको हो । दुवै प्रतियोगिताका लागि क्यानले यसअघिनै इन्दु बर्माको कप्तानीमा महिला टोलीको घोषणा गरिसकेको छ ।
टोलीको उपकप्तानमा पूजा महतो, विन्दु रावल, सम्झना खड्का, रुबी पोद्दार, कविता जोशी, कविता कुँवर, रिया शर्मा, सीता रानामगर, अनु कठायत, मनिषा उपाध्यक्ष, रुविना क्षेत्री, सोनी पाख्रिन र सिमाना केसी हुनुहुन्छ ।
सोनीले टोलीमा पुनरागमन गर्नुभएको हो । यस्तै टोलीका सावित्री धामी, सोमु विष्ट, सना प्रविण र लक्ष्मी साउदलाई वैकल्पिक खेलाडीको रूपमा समावेश गरिएको छ ।
एसियन गेम्स छनोट मलेसियामा मे २३ देखि ३१ तारिख सम्म र एसिसी महिला प्रिमियर कप जुन १ देखि १३ तारिखसम्म हुने छ ।
-original-thumb.jpg)