काठमाडौँ, पुस १४ गते । उपाधिको दाबेदार विभागीय टोली त्रिभुवन आर्मी क्लब नवौँ एनभिए कप महिला तथा पुरुष क्लब च्याम्पियनसिप अन्तर्गत पुरुषतर्फ क्वार्टरफाइनलमा प्रवेश गरेको छ ।
त्रिपुरेश्वरस्थित राष्ट्रिय खेलकुद परिषद (राखेप) कभर्डहलमा सोमबार भएको समूह ‘डी’ को खेलमा आर्मीले कीर्तिपुर भलिबल ट्रेनिङ सेन्टरलाई ३–० को सोझो सेटमा हरायो ।
लगातार दोस्रो जित निकालेको आर्मीले ६ अङ्क बनाएको छ । आर्मीले कीर्तिपुरमाथि २५–१९, २५–२१, २५–२१ को नजिता निकालेको हो । यसअघि पहिलो खेलमा आर्मीले कोशी प्रदेश भलिबल सङ्घलाई हराएको थियो ।
यस्तै समूह समूह ‘सी’ को खेलमा रुकुम पश्चिमले जावलाखेल भलिबल ट्रेनिङ सेन्टरलाई ३–१ को सेटमा हराउँदै क्वार्टरफाइनलमा स्थान बनाएको छ । रुकुम पश्चिमले २५–२०, २५–१८, २३–२५, २५–१८ को नतिजा निकालेको थियो ।
यस्तै महिलातर्फ सोमबार भएको खेलमा न्यू डायमन्ड स्पोर्ट्स क्लबले आर्मी क्बललाई ३–० को सेटमा हरायो । न्यू डायमन्डले आर्मीमाथि २५–१७, २५–१७, २५–१७ को एकपक्षीय जित निकालेको हो । लगातार दोस्रो जित हात पारेको न्यू डायमन्डले पहिलो खेलमा चुली युवा क्लबलाई हराएको थियो ।
नेपाल भलिबल सङ्घको आयोजनामा सञ्चालित प्रतियोगिता पुस १९ गतेसम्म चल्ने छ । प्रतियोगितामा पुरुषतर्फ १२ र महिला टोलीबिच प्रतिस्पर्धा भइरहेको छ ।
-original-thumb.jpg)