वसन्त पराजुली
नारायणगढ, असोज ३ गते । आइतबार राति चितवनका दुई ठाउमा भएका सवारी दुर्घटनामा एक जनाको मृत्यु र तीन जना घाइते भएका छन् । जिल्ला प्रहरी कार्यलय चितवनका अनुसार पूर्वपश्चिम राजमार्गको लदरी पुलमा र भरतपुरको धर्म चोकमा दुर्घटना भएका हुन् ।
खैरहनी नगरपालिका वडा नम्बर २ लदरी खोला पुलमा रोकि राखेको एच आर ३८ ए एफ ६१२६ नम्बरको ग्यास बुलेटमा बागमति प्रदेश ०३– ००२ प ३२३० नम्बरको मोटरसाइकल ठोकिँदा मो.सा. चालक चितवन खैरहनी नगरपालिका वडा नम्बर २ बस्ने वर्ष ५ को मनिश बोगटीको मृत्यु भएको हो ।
प्रहरी नायब उपरीक्षक रविन्द्र खनालका अनुसार टाउकोमा चोटलागि गम्भीर अवस्थामा उपचारको लागि पुरानो मेडिकल कलेज भरतपुर पुगेका बोगटीलाई चिकित्सकहरुले मृत घोषणाा गरेको हो ।
ग्याँस बुलेट घटनास्थलमै रहेको,बाटो अवरोध नभएको, बुलेट चालक देश भारत बिहार राज्य सिवान जिल्ला बस्ने वर्ष ५९ को दशरथ प्रसादलाई प्रहरीले नियन्त्रणमा लिई इलाका प्रहरी कार्यालय खैरहनीमा राखिएको बताइन्छ ।
यस्तै, सोमबार बिहानै ४ः३० बजेको समयमा भरतपुर महानगर पालिका वडा नम्बर ४ धर्मचोकमा भएको कार दुर्घटनामा तीन जना घाइते भएका छन् ।
चौबिसकोटीबाट बिशालचोक तर्फ जाँदै गरेको लु ३ च ५३५७ नं. को कार आफैँ अनियन्त्रित भई बाटोको बिच भागको डिभाईडरमा ठोकिन जादा सो दुर्घटना भएको प्रहरीले जनाएको छ ।
कारमा सवार चालक नवलपरासी सुनवल न.पा.३ बस्ने ३१ को संदिप गुरुङ, रुपन्देही सैनामैना न.पा. ७ बस्ने वर्ष ३० को सुबास थापा र अर्घाखाँची भूमिका स्थान न.पा. ८ बस्ने वर्ष ३० को सरोज श्रेष्ठ घाइते भएका छन् । उनिहरुको पुरानो मेडिकल कलेजमा उपचार भइरहेको छ ।
-(1)-square-thumb.jpg)
-(1)-original-thumb.jpg)
