एमाले कार्यालयमा राखियो ठुलो झण्डा

काठमाडौँ, भदौ ३० गते। नेकपा (एमाले) को पार्टी केन्द्रीय कार्यालयमा ठुलो पार्टी झण्डा राखिएको छ। 

नेपाल ट्रेड युनियन महासङ्घ (जिफन्ट) का अध्यक्ष विनोद श्रेष्ठका अनुसार जिफन्ट र यससँग आबद्ध घटकका करिब सय जना नेता–कार्यकर्ताले हालसम्मका सबैभन्दा ठुलो हँसिया–हथौडा अङ्कित ४५/४५ फिट आकारको झण्डा राखेका हुन्।

उहाँका अनुसार सोमबार बिहान ११ बजे च्यासलस्थित पार्टी कार्यालय भवनको पूर्वतर्फ सो झण्डा परिसरमा सजाएर राखिएको छ। 

भदौ २३ र २४ गते ‘जेनजी’ आन्दोलनका क्रममा प्रदर्शनकारीले एमाले पार्टी कार्यालयसहित विभिन्न राजनीतिक दलका पार्टी कार्यालय तथा नेताको घरमा आगजनी गरेको थियो।