लीलाराज खड्का
बिर्तामोड, भदौ १५ गते । झापामा माटो निकाल्न खनेको पानी जमेको खाल्डोमा डुवेर कचनकवलकी एक महिलाको मृत्यु भएको छ ।
आइतबार साँझ ५ वजे कचनकवल गाउँपालिका –२ स्थित रतिबारीकी ४६ वर्षीया उजारू राजबंशीको माटो निकाल्न खनेको पानी जमेको खाल्डोमा डुवी मृत्यु भएको जिल्ला प्रहरी कार्यालय झापाले जानएको छ ।
उजारूको घरदेखि ढेडसय मिटर पश्चिम झारू राजबंशीको खेतमा माटो निकाल्न प्रयोग गरिएको पानी जमेको खाल्डोमा परी मृत्यु भएको कुरा स्थानीयले खवर गरेको प्रहरीको भनाइ छ ।
आइतवार साँझ ५ बजे कचनकवल गाउँपालिका २ रतिबारी बस्ने राजवंशी आफ्नो घरदेखि अन्दाजी १५० मिटर पश्चिम झारु राजवंशीको खेतमा कमेरो माटो लिन गएकी थिइन् ।
माटोको लागि खनेको गहिरो खाडलमा जमेको पानीमा डुबेर उहाँको मृत्यु भएको छ । स्थानीयले मृत अवस्थामा देखेर प्रहरीलाई जानकारी गराउनासाथ जिल्ला प्रहरी कार्यालयबाट टोली खटेर पोस्टमार्टमको लागि शव प्रादेशिक अस्पताल भद्रपुर पठाएको स्थानीय खगेन्द्र खड्काले जानकारी दिनुभयो ।
