काठमाडौँ, भदौ १५ गते। चीन भ्रमणमा रहनुभएका प्रधानमन्त्री केपी शर्मा ओलीले थियानचिनमा भारतका प्रधानमन्त्री नरेन्द्र मोदीसँग भेटवार्ता गर्नुभएको छ।
प्रधानमन्त्री ओलीसँगको भेट लगत्तै भारतका प्रधानमन्त्री मोदीले सामाजिक सञ्जालमा तस्बिर सार्वजनिक गर्नुभएको छ। तस्बिर सार्वजनिक गर्दैै मोदीले सामाजिक सञ्जाल एक्समा लेख्नुभएको छ, ‘थियानचिनमा नेपालका प्रधानमन्त्री केपी शर्मा ओलीलाई भेट्न पाउँदा खुसी लाग्यो। नेपालसँग भारतको सम्बन्ध गहिरो र विशिष्ट छ।’
शाङ्घाई सहयोग सङ्गठन (एससिओ) प्लसको शिखर सम्मेलनमा सहभागी मुलुकका लागि आयोजित स्वागत समारोहमा सहभागी प्रधानमन्त्री ओलीले सोही अवसरमा भेटवार्ता गर्नुभएको हो।
उक्त अवसरमा प्रथम महिला राधिका शाक्य सहभागी हुनुहुन्थ्यो।
