• १५ भदौ २०८२, आइतबार

बारामा मोटरसाइकल दुर्घटना : दुईको मृत्यु, एक घाइते

blog

सांकेतिक तस्बिर

शिवशंकर मिश्रा

बारा, भदौ १५ गते। बारामा मोटरसाइकल दुर्घटना हुँदा दुई जनाको मृत्यु भएको छ। जिल्ला प्रहरी कार्यालय बाराका प्रहरी नायब उपरीक्षक विजयराज पण्डितका अनुसार वीरगञ्जपथलैया सडकखण्डमा आइतबार दिउँसो दुई मोटरसाइकल ठोकिँदा भएको दुर्घटनामा दुई जनाको मृत्यु भएको हो। दुर्घटनामा अर्को एक जना गम्भीर घाइते छन्।

सिमराबाट पथलैया जाँदै गरेको बा ९० प्र ६७९४ नम्बरको मोटरसाइकल र विपरीत दिशाबाट आइरहेको बा ०६००३ प्र १७५३ नम्बरको मोटरसाइकल ठोकिँएका हुन्।

दुर्घटनामा सप्तरी, विष्णुपुर नगरपालिका७ का २८ वर्षीय महेश पण्डित र रौतहट जिल्ला गुजरा गाउँपालिका७ परसवाका २५ वर्षीय रोशन चौधरीको उपचारकोक्रममा मृत्यु भएको हो।

पण्डितको परवानीपुरस्थित एलएस न्युरो अस्पताल र चौधरीको प्रादेशिक अस्पताल कलैयामा उपचारकोक्रममा मृत्यु भएको हो।

दुर्घटनामा सोही मोटरसाइकलमा सवार ऐश्वर्य चोक निवासी ३४ वर्षीय भूपेन्द्र चौधरी गम्भीर घाइते भएका हुनुभएको छ। उहाँको एलएस अस्पतालमा उपचार भइराखेको छ।