काठमाडौँ, साउन ६ गते। गायक शंकर श्रेष्ठ र गायिका ममता गुरुङको स्वर रहेको सर्यो सर्यो बोलको गीतको भिडियो सार्वजनिक भएको छ। शैलु आचार्यको शब्द शृजना तथा किरण भुजेलको संगीतमा तयार गीतको भिडियोको कन्सेप्ट गायक स्वयम्को हो। भिडियोमा गायक शंकर र नायिका गरिमा शर्माको अभिनय देख्न सकिन्छ।
भिडियोमा गरिमा र शंकर दुवै रोमान्टिक अवतारमा देखा परेका छन्। दुई प्रेमील मन एक हुँदा कुन हदसम्मको माया बढ्छ भन्ने कुरालाई गरिमा र शंकरका माध्यमबाट निर्देशक शान थापाले देखाउन खोजेका छन्। रोशन विश्वकर्माको कोरियोग्राफी रहेको भिडियोको सम्पादन दिनशन शाहले गरेका हुन्।
गायक श्रेष्ठ गायक सँगसँगै अभिनयमा औधी रुची राख्छन्। बुधबारे झापाका गायक श्रेष्ठ अहिले अशोक दर्जीको ‘मन बिनाको धन’ नामक फिल्मको छायांकन सकेर अहिले परिवर्तन नामक फिल्मको छायांकनमा व्यस्त हुनुहुन्छ। मन बिनाको धन नामक फिल्म अशोक दर्जीको जीवनीमा आधारित फिल्म हो। जसलाई टंक बुढाथोकीले निर्माण तथा निर्देशन गर्नुभएको छ।
लामो समयदेखि यूएईमा रहेर व्यवसाय गर्दै आउनुभएका गायक श्रेष्ठ गायन सँगसँगै अभिनयमा सक्रिय हुनुहुन्छ। गायक श्रेष्ठको सर्यो सर्यो बोलको गीतको भिडियो गायक कुमा सागरको एक कार्यक्रमकाबिच रिलिज भएको हो। विषम आचार्यको एरेन्ज, साजन शाहको मिक्सिङ मास्टरिङ रहेको गीतको छयांकन अर्जुन तिवारीले गर्नुभएको हो।
