काठमाडौँ, माघ १२ गते । ७३औँ अन्तर्राष्ट्रिय भन्सार दिवसको अवसरमा शनिबार आयोजित पाँच किलोमिटर दौडको उपाधि नेपाली सेनाका सविन कार्कीले जित्नुभएको छ ।
सविनले १९.१३ मिनेटमा दौड सक्दै उपाधि जित्नुभएको हो । सेनाकै धनबहादुर शाही दोस्रो र सशस्त्र प्रहरी बलका मिनबहादुर बस्नेत तेस्रो हुनुभयो ।
दौड भन्सार विभाग त्रिपुरेश्वर बाट सुरु भई थापाथली, माइतिघर, बानेश्वर, तिनकुने, हुदै त्रिवि भन्सार कार्यालयसम्म पुगेर सकिएको थियो । दौडमा दुई सय धावकको सहभागिता रहेको थियो ।
