देवराम प्रसाद यादव
सप्तरी, मङ्सिर २७ गते । नेपाल पत्रकार महासङ्घ सप्तरी शाखामा ४ जना निर्विरोध चयन भएका छन् । पत्रकार महासङ्घ सप्तरीको प्रमुख निर्वाचन अधिकृत कार्यालयद्वारा बिहीबार प्रकाशित उम्मेदवारको अन्तिम नामावलीमा ४ जनालाई निर्विरोध घोषणा गरेका हुन् ।
निर्वाचन अधिकृत कार्यालयद्वारा सार्वजनिक गरेको अन्तिम मतदाता नामावली अनुसार आदिवासी जनजातिबाट बृजमान तामाङ, महिलाबाट रक्षा चौधरी र दलितबाट किशोर कुमार पासवान सदस्यमा निर्विरोध चयन भएका छन् भने राष्ट्रिय परिषद् सदस्यमा ढमला भट्टराई चयन हुनुभएको हो ।
आदिवासी जनजाति कोटामा उम्मेदवारी दिएका नीरज कुमार मण्डलले तामाङलाई समर्थन गर्दै उम्मेदवारी फिर्ता लिएपछि तामाङ निर्विरोध भएको प्रमुख निर्वाचन अधिकृत वैद्यनाथ झाले जानकारी दिनुभयो । यसै गरी महिला कोटामा चौधरी र दलित कोटामा पासवानको एकल उम्मेदवारी परेकाले उहाँहरू सदस्यमा र राष्ट्रिय परिषद् सदस्यमा महिला कोटामा भट्टराईको मात्र उम्मेदवारी परेकाले निर्विरोध चयन भएको उहाँले जानकारी दिनुभयो ।
नेपाल पत्रकार महासङ्घ शाखा सप्तरीको कार्यालयमा बुधबार २५ पदका लागि अध्यक्षसहित ४४ जनाले उम्मेदवारी दर्ता गराएका थिए ।
अध्यक्षमा श्रवण कुमार देव, वैद्यनाथ यादव, उपाध्यक्षमा रामनारायण विश्वास, अनिल पोखरेल, महिला उपाध्यक्षमा सुधा देव, मञ्जु यादव, सचिवमा जितेन्द्र कुमार झा, खगेन्द्र कार्की, सह सचिव समावेशी विद्यानन्द राम, डम्बर राई, सह सचिव दिनानाथ यादव, कृष्ण कुमार मण्डल धानुक, कोषाध्यक्षमा नवीन कुमार गुप्ता, गोपाल गुप्ताको उम्मेदवारी परेको छ ।
यसै गरी सदस्य आदिवासी जनजातिमा बृजमान तामाङ, नीरज कुमार मण्डल, अल्पसङ्ख्यक भूषण कुमार सिंह, परिष कर्ण, मधेसी कृष्णदेव यादव, अरुण कुमार यादव, महिला सदस्यमा रक्षा चौधरी र दलित सदस्यमा किशोर कुमार पासवानको उम्मेदवारी परेको छ ।
खुल्ला सदस्यमा शिव आचार्य, उत्तम आचार्य, नर्मदेव यादव, रामनारायण यादव, धर्मपाल राउत, राजेन्द्र मिश्र, विन्दु कुमार यादव, गङ्गा प्रसाद साह रहेका छन् ।
केन्द्रीय परिषद् सदस्य देवराम यादव, सुमन मिश्र, मनोज कुमार माझी, धमला भट्टराई, सतिष कुमार दत्त र प्रदेश परिषद् सदस्य भूपेन्द्र प्रसाद मण्डल, आनन्द मोहन शर्मा, महेन्द्र प्रसाद मण्डल, अरुण कुमार तिवारी, नरेश कुमार चौधरी, शैलेन्द्र झा, लोकेन्द्र प्रसाद यादव, पवन कुमार मिश्र, गणेशलाल देव रहेका छन् ।
