गोरखा नगरपालिका – ५ मा माओबादी केन्द्रका राना निर्वाचित

गुणबहादुर रोका 

सुलीकोट, मंसिर १६ गते । गोरखा नगरपालिका –५ को वडा अध्यक्षमा नेकपा (माओबादी केन्द्र) का बिष्णु राना मगर निर्बाचित हुनु भएको छ । 

माओबादी केन्द्रका रानाले ४८६ मत ल्याएर बिजय हुनुभएको हो । उहाँको निकटतम प्रतिद्वन्द्वी नेपाली काङग्रेसका भाइकाजी आलेले ४०२ मत प्राप्त गर्नुभएको छ ।

त्यस्तै नेकपा (एमाले) का उम्मेदार दुर्गा रानाले ३४५ मत ल्याएर तेस्रो हुनुभएको छ भने राष्ट्रिय स्वतन्त्र पार्टीका उम्मेदार मंगल थापाले ८२ मत ल्याएर चौथो हुनु भएको मुख्य निर्बाचन अधिकृत शिबबहादुर रानाले जानकारी दिनुभयो ।  

गोरखा नगरपालिका – ५ मा २०७९ सालको स्थानीय तहको निर्बाचनमा नेकपा (एमाले) का खिलबहादुर रानाले जित्नु भएको थियो । त्यसबेला नेपाली काङग्रेस दोस्रो भएको थियो । माओबादी केन्द्र तेस्रो भएको थियो ।

नेकपा एमालेको वडा अध्यक्ष खिलबहादुर रानाको निधन भएकाले गोरखा नगरपालिका – ५ मा उपनिर्बाचन भएको हो ।