अविनाश चौधरी
धनगढी, कात्तिक ९ गते । कैलालीमा सवारी दुर्घटनामा परी एक जनाको मृत्यु भएको छ ।
घोडाघोडी नगरपालिका-५ डोकेबजारमा सुपप्र ०१-०१२ प ७२७९ नम्बरको मोटरसाइकल र सुपप्र ०१-००२ त ६१८७ नम्बरको ट्रयाक्टर एक आपसमा ठोक्किदा घोडाघोडी नगरपालिका-१० का २७ वर्षीय सुशील विकको ज्यान गएको हो ।
प्रदेश प्रहरी कार्यालयका अनुसार दुर्घटनामा परी गम्भीर विकलाई उपचारको लागि धनगढीस्थित निसर्ग अस्पताल पुर्याइएकोमा उपचारको क्रममा ज्यान गएको छ । मोटरसाइकल चालकको ज्यान गएको हो ।
ट्रयाक्टरसहित चालक लम्कीचुहा नगरपालिका-४ बलियाका ३७ वर्षीय राताराम चौधरीलाई प्रहरीले नियन्त्रणमा लिएको छ ।
