गुणबहादुर रोका
सुलीकोट, चैत १९ गते । उत्तरी गोरखामा एक पुरुष मृत अवस्थामा फेला परेका छन् । जिल्लाको धार्चे गाउँपालिका-६ काशीगाउँको जङ्गलमा पुरुषको शव फेला परेको जिल्ला प्रहरी कार्यालय गोरखाका प्रहरी नायब उपरीक्षक रमेश कुमार श्रेष्ठले जानकारी दिनुभयो ।
उहाँका अनुसार धार्चे गाउँपालिका–६ काशी गाउँका ४३ वर्षीय स्थानीय फुल बहादुर गुरुङ भएको प्रहरीले पुष्टि गरेको छ । मृतक फुल बहादुर गुरुङ गत शनिबार दाउरा काट्न भनी घरबाट हिँडेका थिए। दाउरा काट्न हिँडेका फुल बहादुर गुरुङ घर नफर्किएपछि उनका आफन्त र स्थानीय मिलेर खोज्ने क्रममा गुरुङको मृत शरीर सोमबार नन्दी जङ्गलमा फेला पारेपछि मृतकका आफन्तले प्रहरीलाई खबर गरेका थिए ।
त्यस लगत्तै प्रहरीको टोली घटनास्थल पुगेर थप अनुसन्धान गरिरहेको जिल्ला प्रहरी कार्यालय गोरखाले जनाएको छ ।
