अबका विकासे काम जेठमा सम्पन्न, असारमा थालनी
बागमती प्रदेशका भौतिक पूर्वाधार विकासमन्त्री कृष्णप्रसाद भडेलले आर्थिक वर्षको अन्तिम महिनामा काम गर्ने प्रवृत्तिलाई निरुत्साहित गर्नुपर्ने बताउनुभएको छ । पूर्वाधार विकास कार्यालय काभ्रेपलाञ्चोकको कार्यालय भवनको शुक्रबार शिलान्यास गर्दै उहाँले असार महिनामा काम गर्ने प्रचलन हटाउनुपर्ने बताउनुभयो ।
हात्तीको पनि गरिन्छ विधिपूर्वक न्वारन
धार्मिक परम्पराअनुसार होमादी पूजासँगै हात्तीको न्वारान गर्ने गरिएको समाचार सुन्दा अनौठो लाग्न सक्छ तर चितवनको सौराहास्थित हात्ती प्रजनन केन्द्र खोरसोरमा जन्मिएका हात्तीको न्वारान पञ्चायतकालदेखि नै गरिँदै आएको छ। सुत्केरी आमा (ढोई) लाई नुहाइधुवाई सकेर तेल लगाई चिटिक्क पारी शृङ्गार गर्ने गरिन्छ। चरेसको थालमा एक माना चामल र एक सय रुपियाँ दक्षिणामाथि चाँदीको एउटा ढ्याक राख्ने गरिन्छ। पुरोहितले रातो चन्दनले पीपलको पातमा छावा वा छावीको नाम लेख्ने गर्छन्। पुरोहितले केन्द्रका प्रमुखलाई छावा वा छावीको नाम सोध्ने र प्रमुखले सुझाइएको नाम राख्ने चलन छ।
माग सम्बोधन गर्न मिटरव्याजीको आग्रह
मिटरव्याजी पीडितहरुले न्याय माग्दै सिंहदरवार घेराउ गर्ने चेतावनी दिएका छन् । लघु वित्तीय संस्थाविरुद्धको सङ्घर्ष समितिका अध्यक्ष मनिराम ज्ञवालीले समयमा माग सम्बोधन नभए संघर्ष गर्न बाध्य हुने चेतावनी दिनुभयो ।
कोरोना बीमाका लागि एक अर्ब रुपियाँ निकासा, मापदण्ड बनाएर वितरण हुने
लामो समयसम्म भुक्तानी हुन नसकेको कोरोना बीमा भुक्तानीका लागि सरकारले एक अर्ब रुपियाँ निकासा गर्ने भएको छ । गतसाता बसेको मन्त्रिपरिषद् बैठकले एक अर्ब निकासा गर्ने निर्णय गरेको अर्थ मन्त्रालयका प्रवक्ता आनन्द काफ्लेले बताउनुभयो ।
सेवा शुल्क घटाउन प्रशासनको निर्देशन
पासपोर्ट र राष्ट्रिय परिचयपत्रको सेवा शुल्क घटाउन र गुणस्तर बढाउन सम्बन्धित साइवर व्याबसायी, सेवा केन्द्रका जिम्मेवार सञ्चालकलाई जिल्ला प्रशाासन कार्यालय धादिङले निर्देशन दिएको छ ।
खासाबाट दैनिक दुई कन्टेनर भित्रिँदै
तातोपानी नाका आंशिक रूपमा खुला भएको छ । अहिले यो नाकाबाट दैनिक दुई–तीन मालवाहक कन्टेनर नेपाल भित्रिने गरेका छन् ।तातोपानी सुक्खा बन्दरगाह भन्सार कार्यालयका अधिकृत लक्ष्मण बास्तोलाले बिहीबार चीनको खासाबाट दुईवटा कन्टेनर भित्रिएको जानकारी दिनुभयो । उक्त दुई गाडीमध्ये एउटाले जलविद्युत् आयोजनाका उपकरण र अर्कोले ऊन लिएर आएको बास्तोलाले बताउनुभयो ।
प्रदेश सभा दसौँ अधिवेशनमा सीमित
गत साउनमा बागमती प्रदेश सभाको दसौँ अधिवेशन अन्त्य गरेपछि बागमती प्रदेश सरकारले ११औँ अधिवेशन आह्वानको निर्णय नगर्दै बागमती प्रदेश सभाको पहिलो पाँच वर्षीय कार्यकाल सकिने भएको छ । प्रदेशको एकल अधिकार सूचीका ऐनहरू बनाउन बाँकी हुँदै सत्तापक्ष र प्रमुख विपक्षी दलसँगै सत्ता गठबन्धन दलबीचको विवादका कारण प्रदेश सरकारले प्रदेश सभाको अधिवेशन आह्वान गर्न रुचि नदेखाएको हो ।
जय नेपाल हलको कम्पाउण्ड भित्र टुकुचा खोला भेटियो
बिहीबार काठमाडौं महानगरपालिकाले जय नेपाल हलको कम्पाउण्ड भत्काउने क्रममा १५ फिट खन्दै गर्दा टुकुचा खोला फेला पारेको हो।
विश्वकर्मा पूजाको तयारी (फोटो फिचर)
अहिले हरेक वर्ष सयौंको संख्यामा विश्वकर्माको मूर्ति बिक्री हुन्छन्। विश्वकर्माको पूजाका दिन अधिकांश मूर्ति बिक्री हुने गरेका छन्।
सौराहामा फोटो पत्रकार महासंघको महाधिवेशन सुरु
भरतपुर, भदौ ३० गते। नेपाल फोटो पत्रकार महासङ्घको दोस्रो केन्द्रीय महाधिवेशन बिहीबारबाट सौराहामा सुरु भएको छ। महाधिवेशनको उद्घाटन गर्दै बागमती प्रदेश आन्तरिक मामिला तथा कानुन मन्त्री कृष्णप्रसाद शर्मा खनालले पत्रकारको पेसालाई व्यावसायिक बनाउँदै विशिष्टीकृत र मर्यादित बनाउन जरुरी रहेको बताउनुभयो। “पत्रकारितामा भविष्य छ भन्ने देखाउन पनि यसको मर्यादा र व्यावसायिकतामा जोड दिन जरुरी छ”, उहाँले भन्नुभयो, “हरेक क्षेत्रमा जस्तै पत्रकारितामा पनि अब विशिष्टीकरण हुन जरुरी छ।”उहाँले फोटो झुट नहुने बताउँदै फोटो पत्रकारिताको विकास भएमात्रै पत्रकारिता भित्रका विकृतिको अन्त्य हुने बताउनुभयो। प्रदेश सरकारले पत्रकारको क्षमता विकासका लागि तालिम, सभा समारोह, गोष्ठी तथा भवन निर्माणमा सहयोग गर्ने योजना अघि सारेको उहाँको भनाइ छ। नयाँ नेतृत्व चयनका साथ महाधिवेशन शनिबार सम्पन्न हुनेछ। महाधिवेशनमा देशभरबाट ६ सय जना फोटो पत्रकारको सहभागिता रहेको महासचिव हरी रेग्मीले जानकारी दिनुभयो। उक्त अवसरमा फोटो पत्रकार राजेश ढुङ्गाना सम्मानित हुनुभएको छ। महासङ्घले उहाँलाई सम्मान पत्र र दोसल्लाका साथ सम्मान गरेको हो। उहाँ गोरखापत्र अनलाइनमा मेरो तस्बिर स्तम्भका लागि तस्बिर खिच्नुहुन्छ।
जापनिज इन्सेफ्लाइटिसका कारण एकको मृत्यु
चितवनमा जापनिज इन्सेफ्लाइटिसका कारण एक जनाकोे मृत्यु भएको छ । संक्रमितको मृत्यु भएपछि स्वास्थ्य कार्यालय चितवनले संक्रमितको खोजी शुरु गरेको छ ।
पहिरोले मकवानपुरको सिस्नेरी सडकखण्ड अवरुद्ध
वर्षाका कारण आएको पहिराले गर्दा मकवानपुरका सिस्नेरी सडकखण्डमा आज बिहानैदेखि यातायात अवरुद्ध भएको छ । जिल्लाको इन्द्रसरोवर गाउँपालिका–३ ज्यामिरेमा खसेको पहिराका कारण उक्त सडकखण्डमा यातायात अवरुद्ध भएको इलाका प्रहरी कार्यालय भीमफेदीले जनाएको छ । उक्त पहिरो स्थानीय सरकारको समन्वयमा सडक विभागका प्राविधिकले हटाउने प्रयास भइरहेको र अपराह्नसम्ममा यातायात सञ्चालनमा ल्याउने इलाका प्रहरी कार्यालय भीमफेदीका प्रहरी निरीक्षक प्रतिमा कार्कीले जानकारी दिनुभयो । पहिराका कारण हेटौँडा–भीमफेदी हुँदै काठमाडौँ जाने छोटो दूरीको मार्ग भएर सञ्चालन हुने साना सवारीसाधन वैकल्पिक सडक प्रयोग गरेर चलिरहेका छन् । बर्खायाम लागेसँगै विभिन्न स्थानमा पहिराका कारण यातायात अवरुद्ध हुने गरेको छ ।
पहिरोमा पुरिएर एकै परिवारका तीन जनाको मृत्यु
काभ्रेपलान्चोक जिल्लाको बेथानचोक गाउँपालिका–४ चलाल गणेश स्थानमा अबिरल वर्षासँगै गएको पहिरोमा परी एकै परिवारका तीन जनाको निधन भएको छ ।
महानगरले गर्यो ३९ ठाउँमा मापदण्ड विपरीतका संरचनामाथि कारबाही
काठमाडौँ महानगरपालिकाले १९ ठाउँका बेसमेन्ट तथा जमिन तलाको व्यावसायिक प्रयोजन हटाएर पार्किङका लागि खाली गराएको छ ।
सडक मर्मतमा स्थानीय तह
नेपालीहरूका महान चाड दशैँतिहार नजिक आइसकेका छन् । ठूला चाडपर्व नजिकिएसँगै रामेछापका बजार क्षेत्रमा चहलपहल सुरु भइसकेको छ । अहिले बजारको चहलपहलभन्दा गाउँगाउँमा भइरहेका सडक सरसफाइ तथा मर्मतलाई हेर्दा दशैँ आएको अनुभव हुन थालेको छ । रामेछापमा रहेका दुईवटा नगरपालिका र छवटा गाउँपालिकाका ६४ वडामध्ये अधिकांश वडामा दशैँअघि सडकको सरसफाइ तथा मर्मतमा पालिका लागिपरेका छन् । वर्षामा भत्किएका तथा बिग्रिएका सडकलाई मर्मत तथा सरसफाइ गरी दशैँमा घर आउने नागरिकलाई सहज बनाउन पालिका तथा वडा कार्यालयहरू लागेका हुन् ।
त्रिविवि र कृविविबीच विवाद कायमै
स्थापना कालदेखि जग्गा र भवनको विवाद झेल्दै आएको कृषि तथा वनविज्ञान विश्वविद्यालय, वन विज्ञान सङ्काय, हेटौँडाले आफ्नै भवन पाएको छ । सङ्घीय सरकारको अनुदान सहयोगमा निर्माण भएको पाँच तले भवनमा अब वनविज्ञान सङ्काय डिनको कार्यालयसँगै शैक्षिक कार्यक्रम सञ्चालन हुने भएको छ । वनविज्ञान सङ्काय डिनको कार्यालय र शैक्षिक कार्यक्रम त्रिभुवन विश्वविद्यालय वनविज्ञान अध्ययन संस्थान, हेटौँडा क्याम्पसको भवनमा सञ्चालन हुँदै आएको थियो । कृषि तथा वनविज्ञान विश्वविद्यालय ऐन, २०६७ मा त्रिविविको आङ्गिक क्याम्पसका रूपमा रहेको कृषि तथा पशुविज्ञान अध्ययन संस्थान, रामपुर कृषि क्याम्पस र हेटौँडा वन
जहाँ छ्याङ खान महिलाको भीड लाग्छ
आज इन्द्रजात्राको अन्तिम दिन 'नानीचा : या' जात्रा गरेर महिलाहरू रथ तान्ने चलन छ। संयोजक छोरी डंगोलका अनुसार विगत नौ वर्षदेखि इन्द्रजात्राको आठौं दिन अर्थात् अन्तिम दिन महिलाले रथ तान्ने चलन सुरु भएको हो।
दिनदाहाडै डाँका गर्ने प्रहरी नियन्त्रणमा
चितवन प्रहरीले धारिलो हतियार देखाई दिनदहाडैं डाँका गर्ने एक जनालाई पक्राउ गरेको जनाएको छ । जिल्ला प्रहरी कार्यालय चितवनका प्रमुख नवराज अधिकारीका अनुसार नवलपरासी सुस्ता पूर्व (नवलपुर) घर भई हाल भरतपुर १६ मा बस्दै आएका मिनमान सुनारलाई डाका अभियोगमा पक्राउ गरेको हो ।
इन्द्र खोज्न निस्किएको ऐरावत हात्ती, 'वल वल पुलुकिसी ...'
लाः छकु वय्क सम्य बजि, वल वल पुलुकिसी...इन्द्रजात्रा सुरु भएसँगै काठमाडौंका टोल र गल्लीमा यही स्वर गुन्जिन्छ। जब बाटो मा ’पुलुकिसि’ निकालिन्छ उनको पछाडि केटाहरुले ‘लाःछकु वय्क समयबजि वल वल पुलुकिसि...’ भनेर गाउँने गर्छन्।।
‘बाघबाट बच्न नसिकाउँदा मासियो अर्ना’
कोसीटप्पु वन्यजन्तु आरक्षबाट चितवन ल्याइएका अर्ना मर्नुमा चितवन राष्ट्रिय निकुञ्जको व्यवस्थापकीय कमजोरीसँगै बाघसँग जुधेर लड्ने, बच्ने कला नजान्नु प्रमुख कारण भएको औँल्याइएको छ । सात वर्षको अन्तरालमा स्थानान्तरण गरी ल्याइएका र यहाँ जन्मेका गरी २१ वटा अर्ना मरेपछि अहिले यसको कमजोरीका बारेमा स्वयं निकुञ्ज प्रशासनले समेत समीक्षा सुरु गरेको छ ।
बालबालिकालाई भविष्यको जिम्मेवार नागरिक बनाउन लागि परौँ : प्रदेश प्रमुख शर्मा
बागमती प्रदेशका प्रदेश प्रमुख यादवचन्द्र शर्माले नेपालको संविधानले बालबालिकाको सर्वाङ्गीण विकासका लागि बाल बचाऊ, बाल संरक्षण, बाल विकास र बाल सहभागिताजस्ता अधिकार व्यवस्था गरेको उल्लेख गर्नुभएको छ । अन्ठाउन्नौँ राष्ट्रिय बाल दिवसका सन्दर्भमा प्रमुख शर्माले एक शुभकामना सन्देश दिँदै नेपालले बालअधिकारसम्बन्धी महासन्धि १९८९ लाई १४ सेप्टेम्बर १९९० मा अनुमोदन गरेर बालबालिकाको विकास, बालअधिकारको संरक्षण र बालसहभागिता जस्ता विषयमा आफ्नो अन्तर्राष्ट्रिय प्रतिबद्धता गरेको उल्लेख गर्नुभयो ।
समस्या समाधान प्राथमिकतामा
भूकम्प र बाढीपहिरोका कारण मानवीय र भौतिक क्षति बेहोरेको मेलम्चीसहित सिन्धुपाल्चोक जिल्लाको अवस्थाका बारेमा बागमती प्रदेश सरकारको ध्यानाकर्षण गराइएको छ । भूकम्प र त्यसपछि आएका बाढीपहिरोले मेलम्ची, हेलम्बु, पाँचपोखरीलगायत सिन्धुपाल्चोकको निर्वाचन क्षेत्र नं. १ तहसनहस बनेपछि स्थानीय प्रभावितहरूको जनजीवन कष्टकर हुँदै आएको छ ।
धूमपान छाडेपछि स्वास्थ्यमा सुधार
रामेछापको मन्थली नगरपालिका–९, पुरानागाउँ सरङ्खेलकी ७४ वर्षीया धनमाया श्रेष्ठले धूमपान (चुरोट, बिँडी खान) गर्न छाड्नुभएको झन्डै १० वर्ष भयो । १५ वर्षको कलिलै उमेरबाट बिँडी खान सुरु गर्नुभएकी धनमायाले १० वर्षअघि स्वास्थ्यमा समस्या आएपछि डक्टरको सल्लाहअनुसार धूमपान चटक्कै छोड्नुभयो । त्यसपछि उहाँको स्वास्थ्य अवस्थामा क्रमिक सुधार हुँदै गयो । अहिले खासै समस्या आएको छैन । अब उहाँलाई फेरि चुरोट, बिँडी खान पटक्कै मन लाग्दैन । “१५ वर्षको कलिलै उमेरदेखि ६४ वर्षसम्म चुरोट, बिँडी खाइयो, यसले केही फाइदा गरेन, बरु ज्यानमा समस्या देखियो,” उहाँले भन्नुभयो ।
आँगनमै पुग्यो खानेपानी
दोलखाको शैलुङ गाउँपालिकामा एक हजार ५४३ वटा धारा जडानपछि छ हजार ६५५ घरपरिवार लाभान्वित भएका छन् । शैलुङमा छवटाबाट व्यक्तिगत ८१२, संस्थागत १६ र कालिञ्चोकमा ११ वटा योजनाबाट व्यक्तिगत ७०३ र संस्थागत १२ वटा धारा जडान भएको हो । खानेपानीको समस्या खेप्दै आएको स्थानीयले घरआँगनमै पानी प्रयोग गर्न पाएका छन् । वाटर एड नेपालको आर्थिक सहयोगमा सामुदायिक विकास मञ्च (सीडीएफ) दोलखाले सञ्चालन गरेको खानेपानी सुरक्षा तथा बास उत्थानशीलता परियोजनाले पहिलो र दोस्रो चरणमा पालिकाको १७ वटा खानेपानी योजना निर्माण भएको सीडीएफका निर्देशक प्रेमप्रसाद अधिकारीले जानकारी दिनुभयो । उहाँका अनुसार ती योजनामा संस्थाको नौ करोड, ३६ लाख ३९ हजार ९४७, गाउँपालिकाको एक करोड ३७ लाख ३१ हजार पाँच र श्रमदान दुई करोड ११ लाख ७३ हजार ६४० गरी १३ करोड ३१ लाख ८६ हजार रुपियाँको लागतमा लगानी भएको छ ।
घरबहाल कर आन्तरिक राजस्व कार्यालयमा बुझाउँदै आएका छौँ : वीर अस्पताल
वीर अस्पतालले घरबहाल कर आन्तरिक राजस्व कार्यालयमा बुझाउने गरेको जनाएको छ ।काठमाडौँ महानगरपालिकाले वीर अस्पतालले पनि घरबहाल कर नबुझाएको भन्ने सूचना सार्वजनिक गरेकोप्रति आपत्ति जनाउँदै राजस्व कार्यालयमा गएर विवरण हेर्न सकिने जनाएको हो । महानगरले यस्तो तथ्य सार्वजनिक गर्नुअघि पत्र लेखेको भए यस विषयमा जानकारी गराइने उल्लेख गर्नु हुँदै वीर अस्पतालका सूचना अधिकारी सागर मिश्रले संवेदनशील संस्थाका विषयमा गलत तथ्य बाहिर ल्याएको बताउनुभयो ।
