.jpg)
चितुवाको आक्रमणबाट बालक घाइते
बर्दियामा चितुवाको आक्रमणबाट १० वर्षीय बालक घाइते भएका छन् ।
सामुदायिक वनमा आगलागी हुँदा लाखौँका क्षति
बाजुराका दुई वटा सामुदायिक वनमा आगलागी हुँदा लाखौँको क्षति भएको छ ।
नेपाली कागज बिक्री नहुँदा उत्पादन बन्द
बैतडी जिल्लामै तयार भएको नेपाली कागज बिक्री नहुँदा उत्पादन बन्द भएको छ । स्थानीय वनमै उपलब्ध लोक्ताको बोटबाट नेपाली कागज तयार गरिन्छ । बैतडीमा भएका कार्यालयले लेटरप्याड, चिठीपत्र राख्ने खामलगायतका लागि प्रयोग नगर्दा उत्पादन बन्द भएको हो ।
नियन्त्रणमा लिइएको बाघ छाडियो जङ्गलमा
मानव बस्तीबाट नियन्त्रणमा लिइएको पाटेबाघ जङ्गलमा छाडिएको छ । कञ्चनपुरको बेलौरी नगरपालिका–२, टेँढुवागाउँबाट नियन्त्रणमा लिइएको वयस्क भाले पाटेबाघलाई सोमबार राति वनमा छाडिएको हो ।
अस्पताललाई आर्थिक सङ्कट
अछामको बयलपाटा अस्पतालमा चुलिएको आर्थिक सङ्कटले जुनसुकै बेला स्वास्थ्य सेवा रोकिन सक्ने अवस्था उत्पन्न भएको छ ।
सुदूरपश्चिम प्रदेश सभा : अवरोध हटाउने विषयमा छलफल
सुदूरपश्चिम प्रदेश सभामा जारी अवरोध हटाउने विषयमा मंगलबार सत्ता गठबन्धन दलबिच छलफल भएको छ । सदन खुलाउने र प्रदेश सभालाई निरन्तर सञ्चालन गर्ने विषयमा सत्तागठबन्धन दलबिच छलफल भएको हो । बैठकमा सदनलाई अनिर्णयको बन्दी बनाउन नहुने, सरकारले पर्याप्त मात्रामा विजनेस दिनुपर्ने लगायतका विषयमा छलफल भएको नेपाली कांग्रेसका प्रमुख सचेतक बिक्रमसिंह धामीले बताउनुभयो ।
झुगोलामा निर्माणाधीन पुलको काम ३० प्रतिशत सम्पन्न
बाजुराको हिमाली र मुगुको खत्याड गाउँपालिका बिचमा पर्ने कर्णाली नदीको झुगोलामा निर्माणाधीन पुलको ३० प्रतिशत मात्र काम भएको छ ।
आदेश ढिलाइले सडक निर्माण प्रभावित
रुख कटान आदेश नआउँदा कैलालीमा चिसापानी–कुइने कालोपत्रे सडक निर्माण प्रभावित भएको छ । सडक अधिकार क्षेत्रमा परेका रुख नहटाइएकाले निर्माण कम्पनीले काम अगाडि बढाउन नसकेको हो ।
आर्यनको अर्को आविष्कार ‘मेडिकल ड्रोन’
एक वर्षअघि नमुना जहाज उडाएर चर्चा पाएका कैलालीका आर्यन विश्वकर्माले हालै मेडिकल ड्रोन बनाउन सफल हुनुभएको हो ।
संस्थान सञ्चालनको प्रक्रिया अगाडि बढाइने
सुदूरपश्चिम प्रदेशका मुख्यमन्त्री कमलबहादुर शाहले प्राविधिक समस्या सुल्झाएर दुग्ध विकास संस्थान सञ्चालनका लागि प्रक्रिया अगाडि बढाइने बताउनुभएको छ ।
एमाले अछामको अधिवेशन वैशाखमा
विशेष परिस्थिति भनेर धकेलिँदै आएको नेकपा (एमाले) अछामको जिल्ला अधिवेशन आउँदो वैशाखमा गरिने भएको छ । सो पार्टीको पाँचौँ जिल्ला सचिवालय बैठकले नवौँ जिल्ला अधिवेशन आउँदो वैशाख १३ देखि १५ गतेसम्म गर्ने निर्णय गरेको उपसचिव डम्बर बिसीले जानकारी दिनुभयो ।
तीनकुने घटनाको विषयमा गम्भीर छु : मुख्यमन्त्री शाह
पूर्व राजाको पक्षमा यही चैत १५ गते काठमाडौँको तीनकुनेमा भएको घटनाको विषयमा सुदूरपश्चिम प्रदेशका मुख्यमन्त्री कमलबहादुर शाहले गम्भीर ध्यानाकर्षण भएको बताउनुभएको छ ।
बाघको आक्रमणले बालकको मृत्यु
बाजुराको खप्तड छेडेदह गाउँपालिकामा आइतबार साँझ बाघको आक्रमणबाट आठ वर्षीय बालकको ज्यान गएको छ । मृतक बालकको नाम बिजय रावत रहेको स्थानीयले बताएका छन् ।
वन्यजन्तु अपराध नियन्त्रण गर्न संरक्षणकर्मी र सुरक्षाकर्मीलाई तालिम
पछिल्लो समय बढ्दै गइरहेको वन्यजन्तु चोरी सिकारी, अवैध ओसारपसार तथा अपराध नियन्त्रण गर्नका लागि दार्चुलाका संरक्षणकर्मी र सुरक्षाकर्मीलाई (क्राइम सिन प्रोसिडर ट्रेनिङ) प्रदान गरिएको छ ।
इद सद्भाव र पारिवारिक मिलनको पर्व : प्रदेश प्रमुख मियाँ
सुदूरपश्चिम प्रदेशका प्रदेश प्रमुख नजिर मियाँले मुस्लिम समुदायको महत्वपूर्ण इद (इद–उल–फित्र) आपसी सद्भाव, भाइचारा र पारिवारिक मेलमिलापको पर्व रहेको बताउनुभएको छ ।
जुस र जाम बन्ने खाद्यफल जङ्गलमै नास
गिठा, कन्दमूल, बेल, सिता फल, हलुवाबेद, चुत्रो, ऐँसेलु, मछाइनु, लेकाली कालो ऐँसेलु, काफल, डाले चुक, तिमिलो लगायतका जङ्गली खाद्य फलको उपयोग नहुँदा खेर जाने गरेका छन् । जङ्गली खाद्य फलबाट जाम, जेली र जुस बनाउन सकिने सम्भावना भए पनि उपयोग हुन सकेको छैन ।
प्रदेशस्तरीय अन्तरपालिका महिला भलिबलको उपाधि चुरेलाई
पुष्कर भण्डारी डडेलधुरा, चैत १८ गते । जिल्ला सदरमुकामको टुँडिखेलमा सम्पन्न द्वारिकादेवी ठकुरानी स्मृति प्रदेश अन्तर पालिका स्तरीय महिला भलिबल प्रतियोगिताको उपाधि चुरे गाउँपालिका कैलालीले जितेको छ । आइतबार अपराह्न भएको फाइनल खेलमा नौगाड गाउँपालिका दार्चुलालाई हराउँदै चुरेले उपाधि जितेको हो । उपाधिसँगै चुरेले एक लाख १११ रुपियाँ नगदसहित ट्रफी, मेडल र प्रमाणपत्र प्राप्त गरेको छ ।चुरेले फाइनलमा नौगाडलाई ३–० को सोझो सेटमा हराउँदै उपाधि जितेको आयोजक जिल्ला भलिबल सङ्घ डडेलधुराका अध्यक्ष राजेन्द्र ठगुन्नाले जानकारी दिनुभयो । उहाँका अनुसार द्वितीय भएको नौगाडले ५१ हजार एक सय ११ रुपियाँसँगै ट्रफी, मेडल र प्रमाणपत्र प्राप्त गरेको छ ।प्रतियोगितामा अमरगढी नगरपालिका डडेलधुरालाई हराउँदै डडेलधुराकै परशुराम नगरपालिका तृतीय भयो । परशुरामले २५ हजार एक सय ११ रुपैयाँसहित ट्रफी, मेडल र प्रमाणपत्र प्राप्त गरेको अध्यक्ष ठगुन्नाले बताउनुभयो ।सुदूरपश्चिम प्रदेश सामाजिक विकास मन्त्रालयको पाँच लाख रुपियाँ बजेटमा जिल्ला भलिबल सङ्घ डडेलधुराले शुक्रवारदेखि अमरगढी नगरपालिका ४ टुँडिखेलमा प्रतियोगिताको आयोजना गरेको थियो । प्रतियोगितामा डडेलधुराका तीन, बैतडी, दार्चुला र कैलालीका एक एक गरी ६ टिमले सहभागिता जनाएका थिए । प्रतियोगिताको समापनमा बोल्दै सुदूरपश्चिम प्रदेश सामाजिक विकास राज्यमन्त्री सरस्वती खड्काले जिल्लामा खेल मैदानको आवश्यकता रहेको उल्लेख गर्दै आउँदो बजेटमा खेल मैदान निर्माणका लागि रकमको सुनिश्चित गर्ने बताउनुभयो । यस अघि भएको अन्तरपालिका स्तरीय महिला भलिबल प्रतियोगिताको फाइनलमा आफू उपस्थित भएको र खेल क्षेत्रमा महिलाको विकासका लागि यस वर्ष पाँच लाख रकमको योजना बनाई प्रतियोगिता सञ्चालन गर्न सफल भएको उहाँले जानकारी दिनुभयो ।भलिबल इनडोर खेलिने प्रतियोगिता हो । उहाँले भन्नुभयो, हाम्रो जिल्लामा इनडोर खेलाउन आवश्यक पूर्वाधार छैन । तर पनि हाम्रा युवतीलगायत युवाहरू भलिबल खेल तर्फ निकै आकर्षित छन् । राष्ट्रिय, अन्तर्राष्ट्रिय खेलाडीहरू पनि यस जिल्लाले जन्माएको छ । आगामी बजेट आउँदासम्म म राज्यमन्त्रीमा भए पनि नभए पनि भलिबल खेलकालागि आवश्यक पूर्वाधार निर्माण गर्न रकमको माग गर्ने छु । हामी सबैले खेल मैदान निर्माणका लागि आ आफ्नो क्षेत्रबाट पहल गरौँ । मेरो यही आग्रह छ ।स्वास्थ्यका लागि खेलकुद राष्ट्रका लागि खेलकुद भन्ने नेपाल सरकारको नारा नै रहेको उल्लेख गर्दै उहाँले युवालाई खेलकुदमा जोड्न सके लागु पदार्थ दुर्व्यसनी र आपराधिक घटनाबाट टाढा राख्न सकिने बताइन । कुलतमा नलाग्न उहाँले युवाहरूलाई आग्रह गर्नुभयो ।
जातीय विभेद तथा छुवाछुत प्रथा कायमै
बाजुरामा जातीय विभेद तथा छुवाछुत प्रथा कायमै रहेको छ ।
आँखाको ज्योति फर्किएपछि बुढापाका खुसी
लामो समयपछि आफ्नो आँखाको ज्योति फर्किएपछि अहिले बाजुराको दुर्गम गाउँबस्तीका बुढापाका खुसी देखिन्छन् ।
चितुवाको आक्रमणबाट बालकको मृत्यु
बाजुरामा चितुवाको आक्रमणबाट एक बालकको मृत्यु भएको छ । खप्तड छेडेदह गाउँपालिका–३ धुर्तोलाका ८ वर्षीय विजय रावतको आइतबार साँझ चितुवाको आक्रमणबाट मृत्यु भएको हो ।
मुख्यमन्त्री शाहमाथि प्रतिपक्षीले उठाए प्रश्न
सुदूरपश्चिम प्रदेशको प्रदेश सभामा अवरोध जारी राखेका प्रतिपक्षी दलले मुख्यमन्त्री कमलबहादुर शाहको नैतिकतामाथि प्रश्न उठाएका छन् ।
हिन्दु धर्म मान्ने हाम्रो परम्परा हो : सभापती देउवा
नेपाली कांग्रेसका सभापती एवं पूर्व प्रधानमन्त्री शेरबहादुर देउवाले नेपाल हिन्दु धर्म हिन्दु संस्कृती मान्ने राष्ट्र भएको बताउनुभएको छ ।
उच्च स्तरीय छानबिन समिति गठन गर्न माग
सुदूरपश्चिम प्रदेश दीगो वन व्यवस्थापन विधेयकलाई लिएर ठुलो आर्थिक चलखेल भइरहेको भन्दै प्रतिपक्षी दलले उच्च स्तरीय छानबिन समिति गठन गर्न माग गरेका छन् ।
गाउँ पसेको पाटेबाघ नियन्त्रणमा
कञ्चनपुरको बेलौरी नगरपालिका–२ स्थित टेंढुवा गाउँ पसेको पाटेबाघलाई नियन्त्रणमा लिइएको छ।
बाघ गाउँ पसेपछि गाउँले त्रसित, नियन्त्रण गर्न माग
अविनाश चौधरीधनगढी, चैत १७ गते । कञ्चनपुरको बेलौरी नगरपालिका–२ स्थित टेंढुवा गाउँ पसेको पाटे बाघ अझै नियन्त्रणमा आउन सकेको छैन । बाघ नियन्त्रणमा आउन नसकेपछि वनकर्मी, शुक्लाफाँटा राष्ट्रिय निकुञ्ज, राष्ट्रिय प्रकृति संरक्षण र सुरक्षाकर्मीको टोलीले रातभरि पहरा दिएका छन् । बाघले शुक्रवार राति हरिप्रसाद चौधरीको बाच्छोलाई मारेको थियो । बाघ सिनो खान पुनः आएको बेला नियन्त्रणको प्रयास गर्ने टोलीको तयारी थियो । तर, दिनभरि गहुँबारीमा बसेको बाघ शनिवार राति सिनो खान नआएको डिभिजन वन कार्यालय कुण्डाका वन अधिकृत दिनेशकुमार यादवले बताउनुभयो । उहाँले हिजो दिनभरि बसेको ठाउँबाट बाघ राति अन्यत्र सरेको जानकारी दिनुभयो । “आज ड्रोन उडाएर हेर्दा हिजो बसेको गहुँमा बाघ छैन”, उहाँले भन्नुभयो,“पुरानो ठाउँबाट अन्यत्र सरे जस्तो छ ।”शुक्रवार राति टेंढुवा गाउँ पसेको बाघ दिनभरि स्थानीय विमला चौधरीको गहुँवारिमा बसेको थियो । तर, शुक्लाफाँटा राष्ट्रिय निकुञ्जबाट हात्ती नपुगेकाले नियन्त्रणमा लिइएन । हात्तीबिना बाघलाई डार्ट गर्न (लट्ठयाउन) जोखिमपूर्ण रहेकाले हिजो डार्ट नगरेको यादवको भनाइ छ । उहाँका अनुसार बाघ बसेको ठाउँ वरिपरि चारैतिर मानव बस्ती छ । ५०÷६० मिटरको दूरीमा हजारौँको सङ्ख्यामा मान्छेहरू हेरिरहेका थिए । डार्ट गर्दा चुकेमा बाघले कैयौँ मान्छेको ज्यान लिन सक्ने स्थिति देखिएपछि जोखिम नमोलेको यादवको भनाइ छ । बाघ नियन्त्रणका लागि शुक्लाफाँटा निकुञ्जबाट शनिवार हिँडेको हात्ती अझै टेंढुवा पुगिसकेको छैन । हात्तीलाई राति बेलडाँडीमा बसाइएको थियो । आज पुगेपछि हात्तीको सहयोगमा बाघको खोजी गर्ने यादवले बताउनुभयो । तबसम्म स्थानीय सबैलाई सतर्क र सुरक्षित बस्न उहाँको आग्रह छ । यादवले बाघले आफूले मारेको सिनो खान फर्कने सम्भावना ८० प्रतिशत रहने गरेको जानकारी दिनुभयो ।
