प्रधानमन्त्री ओलीद्वारा छिन्नलता पुरस्कार प्रदान
प्रधानमन्त्री केपी शर्मा ओलीले नेपाली भाषा, साहित्य र कलाको क्षेत्रमा योगदान गर्नुभएका विभिन्न व्यक्तिलाई छिन्नलता पुरस्कार प्रदान गर्नुभएको छ ।
सवारी दुर्घटना : एक वर्षमा ८७ जनाको मृत्यु
जिल्लामा एक वर्षको अवधिमा सवारी दुर्घटनामा परी ८७ जनाको मृत्यु भएको छ । गत आर्थिक वर्षको साउनदेखि गत असरासम्म पाँच सय ९३ सवारी दुर्घटना परी उक्त सङ्ख्यामा मानवीय क्षति भएको हो ।
-original-thumb.jpg)
मालपोत कार्यालयमा राजस्व सङ्कलन
ताप्लेजुङस्थित मालपोत कार्यालयमा गतवर्ष राजस्व सङ्कलन वृद्धि भएको छ। मालपोत कार्यालयले अघिल्लो आर्थिक वर्षको तुलनामा आर्थिक वर्ष २०८०/८१ मा राजस्व सङ्कलन वृद्धि गरेको हो।
महान्यायाधिवक्तामा रमेश बडाल नियुक्त
राष्ट्रपति रामचन्द्र पौडेलले वरिष्ठ अधिवक्ता रमेश बडाललाई महान्यायाधिवक्ता नियुक्त गर्नुभएको छ।
आठबिसकोटका बाढी प्रभावितलाई तत्काल राहत व्यवस्थापन गरिने
कर्णाली प्रदेशका आर्थिक मामिला तथा योजनामन्त्री महेन्द्र केसीले आठबिसकोट नगरपालिकाका बाढी प्रभावितलाई तत्काल राहतको व्यवस्थापन गरिने बताउनुभएको छ ।
परराष्ट्रमन्त्री राणासँग चिनियाँ राजदूत सोङ्गको शिष्टाचार भेट
परराष्ट्रमन्त्री डा. आरजु देउवा राणासँग नेपालका लागि चिनियाँ राजदूत चेन सोङ्गले शिष्टाचार भेटवार्ता गर्नुभएको छ ।
चर्दै गैँडा र चित्तल
चितवन राष्ट्रिय निकुञ्जअन्तर्गत पर्ने बाघमारा सामुदायिक वनभित्र चर्दै गरेको दुर्लभ एकसिङे गैँडा र चित्तलको बथान ।
सिमलताल पहिराे : नारायणीमा हराइरहेका यात्रु खाेज्न सेना परिचालन
नारायणगढ–मुग्लिन सडकको सिमलतालमा बेपत्ता भएका यात्रुको खोजी गर्न नवलपुरमा सेना परिचालन गरिएको छ ।
रेलमार्ग सर्भे गर्न आएको टोलीको गाडीमा आगजनी
चितवनको कृष्णपुरमा रेलमार्गको सर्भे गर्न गएका टोलीको गाडीमा स्थानीयले आगजनी गरेका छन्। बुधबार दिउँसो भरतपुर महानगरपालिका वडा नम्बर ७ मा पुगेको आरएच कन्सल्टेन्सीको गाडीलाई स्थानीयले नियन्त्रणमा लिएर राखेका थिए ।
धनुषाको कपिलेश्वरनाथमा सोमबारदेखि साउने मेला
प्रत्येक वर्ष झैँ यस वर्ष पनि साउने सङ्क्रान्तिमा धनुषाको कपिलेश्वरनाथ महादेव मन्दिरमा मेलाको आयोजना हुने भएको छ।
रेलमार्गको सर्भे टोली स्थानीय नियन्त्रणमा
पूर्व–पश्चिम रेलमार्ग निर्माणका लागि सर्भे गर्न आएका प्राविधिकको टोलीलाई चितवनका स्थानीयले नियन्त्रणमा लिएका छन् । भरतपुर महानगरको वडा ७ कृष्णपुर क्षेत्रमा एउटा गाडीको छतमा क्यामेरा राखेर सर्भे गर्दैगर्दा स्थानीयले नियन्त्रणमा लिएको स्थानीय घनश्याम दाहालले जानकारी दिनुभयो
तनहुँमा एक अर्ब ५३ करोड ८८ लाख फ्रिज
तनहुँ जिल्लामा गत आर्थिक वर्ष २०८०/८१ मा झण्डै एक अर्ब ५४ करोड रुपियाँ विकास बजेट फ्रिज भएको छ । सङ्घ तथा प्रदेश सरकारबाट विनियोजित विकास बजेट फ्रिज भएको हो।
बाँझो जग्गामा वृक्षारोपण
वातावरण संरक्षणमा टेवा पुर्याउनका लागि सामुदायिक वन समन्वय समिति कञ्चनपुरले वृक्षारोपण सप्ताह कार्यक्रम आयोजना गरेको छ ।
तराईमा सर्पको बिगबिगी बढ्दै
पानी पर्नेक्रम दैनिक बढेसँगै सर्पको बिगबिगी बढ्दै गएको छ । सबै जमिन पानीले भरिएसँगै सर्पले ओभानो स्थान खोज्दै घरगोठमा पस्न थालेपछि सर्प उद्धारकर्तालाई अहिले भ्याइनभ्याई भएको छ ।
तनहुँको भादगाउँमा एक सातादेखि खानेपानी आपूर्ति बन्द
जिल्लाको व्यास नगरपालिका-१ स्थित भादगाउँमा खिरखाँदी मुहानबाट ल्याइएको खानेपानीको पाइप बाढीपहिरोले बगाएपछि एक सातादेखि खानेपानी आपूर्ति बन्द भएको छ ।
नाम्जुङ-घैरुङ बतासे-मनकामना सडक दुई दिनपछि सुचारु
गोरखामा नाम्जुङ-घैरुङ बतासे-मनकामना सडक दुई दिनपछि सुचारु भएको छ । शनिबारदेखि परेको अविरल वर्षाका कारण सहिद लखन गाउँपालिकाको नाम्जुङ-घैरुङ बतासे सडक खण्डको वडा नम्बर ६ को खगी र ९ नम्बर वडाको गौथाले भन्ने ठाउँमा गएको ठुलो पहिरो पन्छाइएपछि सडक सुचारु भएको हो ।
म्याग्दीमा ७४ हेक्टर क्षेत्रफलमा सिँचाइ सुविधा विस्तार
म्याग्दी जिल्लामा एक वर्षको अवधिमा ७४ हेक्टर जमिनमा सिँचाइ सुविधा विस्तार भएको छ । खानेपानी, जलस्रोत तथा सिँचाइ विकास डिभिजन कार्यालय म्याग्दीले गत आर्थिक वर्ष २०८०/८१ मा निर्माण गरेको आयोजनामार्फत सिँचाइ सुविधा विस्तार भएको हो ।
बाँकेका दुर्गम गाउँमा अझै भएन विद्युतीकरण
जिल्लाको राप्तीसोनारी–४ र १ को खयरभट्टीमा विद्युत् जडानका लागि स्थानीयले आग्रह गरेका छन् । सो क्षेत्रमा करिब चार सय ५० घरधुरीले विद्युत्को सुविधा नपाउँदा खानेपानी र सिँचाइको अभाव झेल्न बाध्य भएको स्थानीय प्रकाश नेपालीले जानकारी दिनुभयो ।
अवरुद्ध बेँसीसहर–चामे सडक अझै खुलेन
अवरुद्ध बेँसीसहर–चामे सडक अझै खुल्न सकेको छैन । अविरल वर्षासँगै आएको बाढीले मनाङस्थित चामे गाउँपालिका–१ स्थित तिमाङखोलाले काठेपुल तथा तिमाङ ठूलो छहराको पक्की मोटरेवल पुल गत असार १८ गते बगाएपछि आवागन रोकिन पुगेको थियो ।
मानव अधिकारकर्मीद्वारा बाँके कारागारको अनुगमन
अधिकारवादी संस्था एडभोकेसी फोरम नेपाल र इन्सेकका प्रतिनिधिहरुले संयुक्त रुपमा बाँके कारागारको अनुगमन गरेका छन्।
यार्सा खोज्ने क्रममा ज्यान गुमाएकाहरूका आश्रितलाई सहयोग
गैरसरकारी संस्था टेवाले यार्सा खोज्न गएका बेला बिरामी भएका २७ तथा ज्यान गुमाएका चारजनाका परिवारलाई दैनिक उपभोग्य सामग्रीका साथै लत्ताकपडा प्रदान गरेको हो ।
मोहर्रममा नेपालगञ्ज ताजियाले झिलीमिली
मोहर्रम पर्वका अवसरमा नेपालगञ्ज उपमहानगरपालिका–११ निवासी चाँदबाबु राहीले करिब ६५ फिट उचाइको ताजिया स्थापना गर्नुभएको छ । यो वर्ष राहीले करिब रु एक लाखमा भारतको आलीनगरबाट ताजिया खरिद गरेर ल्याउनुभएको हो । नेपालगञ्जसम्म ल्याउन ढुवानी र जडान गर्दा करिब रु ६० हजार थप खर्च भएको उहाँले बताउनुभयो ।
छ वर्षीय बालकको हत्या
वराहक्षेत्र नगरपालिका वडा नम्बर ३ विस्थापित टोलमा ६ वर्षीय एक बालकको हत्या भएको छ । मङ्लबार दिउँसो आफन्त पर्नेले पिर्काले टाउकोमा हिर्काएर गम्भीर चोट लागेको बालकको उपचारको क्रममा मृत्यु भएको प्रहरीले जनाएको छ ।
सिमलतालमा अध्ययन टोलीको स्थलगत निरीक्षण
सिमलताल दुर्घटनाको अध्ययन गर्न बनेको कार्यदलका सदस्यहरुले स्थलगत निरीक्षण गर्नुभएको छ । आज बिहान चितवन आएको टोली बिहान घटनास्थल पुगेर अध्ययन गरेको प्रमुख जिल्ला अधिकारी इन्द्रदेव यादवले जानकारी दिनुभयो । घटनास्थलको स्थलगत निरीक्षण गरेपश्चात सरोकारवालासँग अन्तरक्रिया गर्ने कार्यक्रम छ ।
सत्र वर्षपछि सर्लाही ‘मन्त्रीविहीन’
२०६५ सालदेखि प्रत्येक मन्त्रीपरिषद्मा जिल्लाका सांसदले मन्त्री पाउँदै आएको सर्लाही यो पटक भने ‘मन्त्रीविहीन’ बन्न पुगेको छ । प्रधानमन्त्री केपी शर्मा ओलीको नेतृत्वमा नयाँ गठन भएको सरकारमा सर्लाहीका कोही पनि सांसद मन्त्री नभएपछि १७ वर्षदेखि कुनै न कुनै मन्त्री पाइरहेको सर्लाही यो पटक भने ‘मन्त्रीविहीन’ बन्न पुगेको हो । चार वटा निर्वाचन क्षेत्र रहेको सर्लाहीमा प्रत्यक्ष निर्वाचित र समानुपातिक गरी सात जना सङ्घीय सांसद हुनुहुन्छ ।
