नेपाल थाइल्यान्डसँग फेरि पराजित
अन्तर्राष्ट्रिय मैत्रीपूर्ण खेलमा नेपाल थाइल्यान्डसँग फेरि पराजित भएको छ । सोमबार राति भएको खेलमा नेपाली महिला टोली घरेलु टोली थाइल्यान्डसँग २–० गोलले पराजित भयो ।
कराते स्टार एरिकाको भव्य स्वागत
मोरक्कोमा सम्पन्न विश्व कराते–१ प्रिमियर लिगमा ऐतिहासिक कांस्य पदक जितेर स्वदेश फर्किनुभएकी नेपालकी कराते स्टार एरिका गुरुङलाई भव्य स्वागत गरिएको छ ।
विश्वकप लिग–२ : करण चम्किएपछि नेपालको रोमाञ्चक जित
अनुभवी खेलाडी करण केसी चम्किएपछि नेपालले आइसिसी विश्वकप लिग–२ मा घरेलु टोली स्कटल्यानमाथि रोमाञ्चक जित निकालेको छ । सोमबार राति भएको खेलमा नेपालले स्कटल्यान्डलाई एक रनले हरायो ।
सुनसरीमा अन्तर्राष्ट्रिय कुस्ती प्रतियोगिता सुरु
इनरुवा, जेठ १९ गते । सुनसरीको इनरुवामा दोस्रो मदन भण्डारी स्मृति अन्तर्राष्ट्रिय कुस्ती प्रतियोगिताको उद्घाटन भएको छ । नेपाल निजामती कर्मचारी सङ्गठन सुनसरीको आयोजनामा सुरु भएको दुई दिवसीय अन्तर्राष्ट्रिय कुस्ती प्रतियोगिताको सोमबार कोशी प्रदेश सरकारका सामाजिक विकास मन्त्री पाचकर्ण राईले उद्घाटन गर्नुभएको हो ।कुस्तीको उद्घाटन गर्नुहुँदै मन्त्री राईले खेलकुदले देश विदेशमा आपसी सदभाव जोड्ने र शारीरिक तथा मानसिक स्वास्थ्यका लागि पनि उपयोगी रहेको बताउनुभयो । उहाँले कुस्तीबाट मनोरञ्जन समेत हुने र लोपोन्मुख अवस्थामा पुगेको कुस्तीको खेल नयाँ पुस्तालाई देखाउन समेत सार्थक भएको बताउनुभयो । सोमबार उद्घाटन भएको कुस्तीमा नेपाल र भारतका गरी ४४ कुस्ती खेलाडीको सहभागिता रहेको आयोजकले जनाएको छ । जेठ २० गते मङ्गलवारसम्म हुने दोस्रो मदन भण्डारी स्मृति अन्तर्राष्ट्रिय कुस्तीमा भारतबाट जावेद गनी(कश्मीर), हरीओम बाबा (बनारस ),लाडी बाबा (हरीद्वार ),फकिर बाबा,सैतान सिंह बङ्गाल,बाहुवली पन्जाब टिम सहित भारतीय खेलाडी र पारस थापा,वसन्त थापा,सदिप राना, मेवा थापा लगायतका चर्चित खेलाडीले प्रतिस्पर्धा गरिरहेका छन् । सुनसरी बहुमुखी क्याम्पस इनरुवा ४ को खेल मैदानमा सुरु भएको खेलको पहिलो दिन १० टिममा २० खेलाडीले प्रतिस्पर्धा गरेका छन् । आयोजक नेपाल निजामती कर्मचारी सङ्गठन सुनसरीका अध्यक्ष चिनेश्वर मेहताको अध्यक्षतामा कुस्ती सुरु भएको सङ्गठनका सचिव उमेश गौतमले जानकारी दिनुभयो ।
देशको शिर उँचो हुने गरी खेल्नुस् : खेलकुद मन्त्री चौधरी
युवा तथा खेलकुद मन्त्री तेजुलाल चौधरीले तीन करोड जनता र युवाहरूको प्रतिनिधित्व गरेर जाने भएकाले नेपाली राष्ट्रिय फुटबल टोलीलाई राष्ट्रको शिर उँचो हुने तवरबाट उत्कृष्ट प्रदर्शन गर्न शुभकामना व्यक्त गर्नुभएको छ ।
एम्स बोर्ड बैठक र हेरिटेज रनको तयारी
विश्व रनिङको साझा संस्था एसोसियसन अफ इन्टरनेसनल म्याराथन एण्ड डिस्टेन्स रेस (एम्स)को बोर्ड बैठक र नेपाल हेरिटेज रनको तयारी पूरा भएको छ ।
अमेरिकन राजदूतावासलाई फुटसल उपाधि
प्रथम डिप्लोम्याटिक कप फुटसलको उपाधि अमेरिकन राजदूतावासले जितेको छ ।
फुटबल टोलीको बिदाइ
हङकङ र लाओसविरुद्ध खेल्ने नेपाली पुरुष फुटबल टोलीको बिदाइ गरिएको छ ।
विश्व कराते प्रिमियर लिगमा एरिकालाई ऐतिहासिक कांस्य
नेपालकी कराते स्टार एरिका गुरुङले विश्व कराते–१ प्रिमियर लिगमा ऐतिहासिक कांस्य पदक जित्नुभएको छ ।
-original-thumb.jpg)
सहिद हेमनारायण गोल्डकप फुटबल प्रतियोगिता : आठ टिमको सहभागिता हुने
सिरहा नगरपालिकाको आर्थिक सहयोग र जिल्ला फुटबल सङ्घ सिरहाको प्राविधिक सहयोगमा सहिद हेमनारायण गोल्डकप फुटबल प्रतियोगिता आजदेखि सुरु हुने भएको छ ।
नेपाललाई पुनरागमन आवश्यक
करिब चार वर्षसम्म चल्ने आइसिसी विश्वकप क्रिकेट लिग–२ एकदिवसीय विश्वकपको ग्लोबल छनोटमा चयन हुन र एकदिवसीय मान्यता प्राप्त गर्ने मञ्च हो । त्यसैले नेपाली क्रिकेटका लागि यो प्रतियोगिता सधैँ महत्वपूर्ण रहँदै आएको छ ।
नेपाल र थाइल्यान्डको दोस्रो खेल सोमबार
नेपाल यसअघि आफ्नो पहिलो खेलमा थाइल्यान्डसँग १–० गोलले पराजित भएको थियो । नेपाल र थाइल्यान्डबिच दोस्रो खेल विश्व फुटबल महासङ्घ (फिफा) बाट मान्यता प्राप्त अन्तर्राष्ट्रिय खेल हो ।
पिएसजी च्याम्पियन्स लिग च्याम्पियन
जर्मनीमा शनिबार राति भएको फाइनलमा पिएसजीले इटालियन क्लब इन्टरमिलानलाई ५–० गोलले हराउँदै उपाधि जितेको हो । भर्खर फ्रेन्च लिग वान विजेता पिएसजी पहिलो पटक च्याम्पियन्स लिग च्याम्पियन बनेको हो ।
विश्वकप लिग–२ : स्कटल्यान्डविरुद्ध नेपालको अग्नि परीक्षा
आइसिसी विश्वकप लिग–२ अन्तर्गत नेपालले सोमबार घरेलु टोली स्कटल्यान्डविरुद्ध खेल्दै चौथो चरणको सिरिज सुरुवात गर्दै ।
‘स्वर्णकथा नेपाली फुटबलको’ सार्वजनिक
‘स्वर्णकथा नेपाली फुटबलको’ नामक पुस्तक सार्वजनिक भएको छ ।
अन्तरपालिका स्तरीय क्रिकेटको उपाधि नीलकण्ठलाई
धादिङबेँसीमा भएको अन्तरपालिका स्तरीय क्रिकेट प्रतियोगिताको उपाधि नीलकण्ठ नगरपालिकाले जितेको छ ।
तुलसीपुरलाई राष्ट्रपति रनिङ शिल्डको उपाधि
दाङ जिल्लास्तरीय १५ औँ राष्ट्रपति रनिङ शिल्डको उपाधि तुलसीपुर उपमहानगरपालिकाले जितेको छ ।
मुख्यमन्त्री शाहद्वारा खेलाडीलाई बिदाइ
सुदूरपश्चिम प्रदेशका मुख्यमन्त्री कमलबहादुर शाहले यस प्रदेशको १६ वर्षमुनिका क्रिकेट खेलाडीको टोलीलाई आइतबार बिदाइ गर्नुभएको छ ।
मेहेलेलाई सिदिङ्वा भलिबल उपाधि
ताप्लेजुङको सिदिङ्वा गाउँपालिकामा आयोजित वडा स्तरीय भलिबल प्रतियोगिताको उपाधि मेहेले जितेको छ ।
राष्ट्रियस्तरको खुला शारीरिक सुगठन हुने
प्रज्ञा स्मृति प्रतिष्ठानको आयोजनामा यही जेठ २४ गते ‘प्रज्ञा स्मृति प्रथम महिला तथा पुरूष राष्ट्रिय खुला शारीरिक सुगठन प्रतियोगिता’ हुने भएको छ ।
मुम्बई इन्डियन्स आइपिएलको दोस्रो क्वालिफायरमा
मुम्बई इन्डियन्सले इन्डियन प्रिमियर लिग (आइपिएल) को दोस्रो क्वालिफायरमा स्थान बनाएको छ ।
हाफ म्याराथनमा खडकबहादुर र सन्तोषी च्याम्पियन
१३औँ कान्तिपुर हाफ म्याराथनको उपाधि आर्मीका धावक खडकबहादुर खड्का र ओलम्पियन धाविका सन्तोषी श्रेष्ठले जित्नुभएको छ । दुवै पहिलो पटक च्याम्पियन बन्नुभएको हो ।
सिदिङ्वा म्याराथनमा विविसन र जुही प्रथम
ताप्लेजुङमा शनिबार बिहान सम्पन्न सिदिङ्वा म्याराथनमा पुरुषतर्फ विविसन लिङ्देन र महिलातर्फ जुही राई प्रथम हुनुभएको छ । प्रथम सिदिङ्वाधाम पर्यटन महोत्सवको अवसरमा आयोजित खुला म्याराथन प्रतियोगितामा लिङ्देन र राई अन्य प्रतिस्पर्धीलाई पछि पार्दै प्रथम हुनुभएको हो ।
गुल्मीमा राष्ट्रपति रनिङ शिल्ड हुने
गुल्मीको रुरुक्षेत्र गाउँपालिकामा १५ औं जिल्लास्तरीय राष्ट्रपति रनिङ शिल्ड प्रतियोगिता हुने भएको छ।
खेलकुदमा हालसम्मकै ठुलो बजेट
नेपाली खेलकुदले हालसम्मकै ठुलो बजेट प्राप्त गरेको छ ।
