गण्डकीका मुख्यमन्त्री पाण्डेलाई विश्वासको मत
गण्डकी प्रदेशका मुख्यमन्त्री सुरेन्द्रराज पाण्डेले विश्वासको मत पाउनुभएको छ । ६० सदस्यीय गण्डकी प्रदेशसभामा विपक्षी नेकपा (एमाले) र नेकपा (माओवादी केन्द्र) बाहेक सबै सांसदको समर्थन जुटाएर पाण्डेले विश्वासको मत पाउनुभएको हो ।
बेनीघाट-आरुघाट-लार्के भञ्ज्याङ सडक खण्ड ६ दिन बन्द
उत्तरी गोरखाको धार्चे गाउँपालिकामाभित्र पर्ने बेनीघाट-आरुघाट-लार्के भञ्ज्याङ सडक खण्ड ६ दिनसम्म बन्द हुने भएको छ ।
प्राइम सहकारी ठगी प्रकरणः ६६ जनाविरुद्ध मुद्दा दायर
पोखराको प्राइम बहुउद्देश्यीय सहकारी ठगी प्रकरणमा ६६ जनाविरुद्ध जिल्ला अदालत कास्कीमा आइतबार मुद्दा दायर भएको छ । जिल्ला सहकारी वकिलको कार्यालयले एक अर्ब ५७ करोड १५ लाख आठ हजार एक सय २४ रुपियाँ बिगो माग दाबीसहित ६६ जनाविरुद्ध अभियोगपत्र दायर गरेको हो ।
रघुगंगामा पाँच वटा जलविद्युत आयोजना निर्माण धमाधम
म्याग्दीको रघुगंगा गाउँपालिकामा निर्माणाधीन पाँच वटा जलविद्युत आयोजनाहरू निर्माणको अन्तिम चरणमा प्रवेश गरेका छन् ।
दिजगाउँ
बागलुङको ढोरपाटन नगरपालिका–९ स्थित दिजगाउँ । नेपालको एक मात्र सिकार आरक्ष ढोरपाटन क्षेत्रमा पर्ने दिज गाउँमा भएका सबै घर काठैकाठले बनेका छन् । जसले आन्तरिक तथा बाह्य पर्यटकलाई आकर्षित गर्ने गर्छ ।
माछीखोलामा प्रहरी चौकीको भवन निर्माण
धार्चे गाउँपालिका-५ स्थित माछीखोला प्रहरी चौकीको भवन निर्माण सम्पन्न भएको छ ।
सहिद लखन गाउँपालिकाको प्रशासकीय भवन निर्माण
गोरखाको सहिद लखन गाउँपालिकाले सुविधासम्पन्न प्रशासकीय भवन निर्माण गरेको छ । बहुउद्देश्यीय सभाहलबाट सेवा सुविधा दिँदै आएको गाउँपालिकाले सात वर्षपछि सुविधा सम्पन्न अपाङ्गमैत्री भवन निर्माण गरेको हो ।
त्रिशूली नदीमा वृद्धको शव फेला
त्रिशूली नदीमा एक वृद्धको शव फेला परेको छ । फेला परेको शव सहिद लखन गाउँपालिका-३ फुजेलका ७५ वर्षीय गणेश बहादुर श्रेष्ठ भएको जिल्ला प्रहरी कार्यालय गोरखाका प्रहरी निरीक्षक उज्जल सिंहले जानकारी दिनुभयो ।
फाँटभरी काँक्रो खेती (फोटो फिचर)
काँक्रोले भरिएको सुन्दर फाँट । फाँटदेखि माथि चिटिक्क परेको गाउँ । हालै मात्र कालोपत्रे भएको सडक । यो दृश्य पर्वतको जलजला गाउँपालिका ७ धाइरिङस्थित सल्यानको फाँट हो । सल्यान गाउँ ताजा तरकारी र बिउ उत्पादनको पकेट क्षेत्र हो ।
‘गुरिल्ला ट्रेक’ उजागर हुनेमा पलाएको आशा
प्रचार र पूर्वाधार अभावमा वर्षौंदेखि गुमनाम रहेको ‘गुरिल्ला ट्रेक’मा पर्यटकीय पूर्वाधार विकास गर्ने सरकारको घोषणापछि उक्त पदमार्ग उजागर हुनेमा आशा पलाएको छ । आगामी आव २०८१/८२ को बजेटमा ‘गुरिल्ला ट्रेक’लगायत पर्यटन गन्तव्यमा पदमार्गमा आधारित पर्यटकीय कार्यक्रम सञ्चालन गर्ने उल्लेख छ ।
मर्स्याङ्दी जलविद्युत केन्द्रद्वारा पूर्ण क्षमतामा विद्युत उत्पादन
अमरराज नहर्कीतनहुँ, जेठ २८ गते । तनहुँको आँबुखैरेनी गाउँपालिका–४ स्थित मर्स्याङ्दी जलविद्युत केन्द्रले पूर्ण क्षमतामा विद्युत् उत्पादन गरिरहेको छ । दैनिक रुपमा वर्षा हुने क्रम जारी रहेको तथा गर्मी बढेकोले हिमाल धेरै पग्लिएकोले नदीमा पानीको बहाव बढेपछि पूर्ण क्षमता ६९ मेगावाट विद्युत् उत्पादन भएको केन्द्रका प्रमुख इन्जिनियर पशुपति गौतमले बताउनुभयो। गौतमका अनुसार जेठ १८ गतेदेखि पूर्ण क्षमतामा उत्पादन भइरहेको छ । सुख्खायाममा हिउँ कम पग्लने र नदीमा मिसिएका खोला, खोल्सी र झरनाको पानी कम हुँदा घटेर ३० मेगावाट पुगेकोमा हाल बढेर पूर्ण क्षमतामा उत्पादन भएको छ । तीन वटा युनिटबाट २३-२३ मेगावाटका दरले पूर्ण क्षमता अनुरुपको ६९ मेगावाट विद्युत् उत्पादन भइरहेको उहाँले जानकारी दिनुभयो । मर्स्याङ्दी हिमालबाट बगेर आएको नदी भएकोले गर्मी मौसममा तापक्रम बढ्दै जाँदा हिँउ धेरै पग्लिने र वर्षा धेरै हुँदा यसका सहायक नदी, खोलामा पानीको बहाव बढेसँगै विद्युत् उत्पादन बढ्छ । केन्द्रका अनुसार धेरै बाढी आएको बेला गेग्रानहरु थेग्राउने र काठ दाउरा निकाल्न मिल्नेगरी दुई वटा फ्लाट गेट रहेकोले हाल पूर्ण क्षमतामा नै उत्पादन भइरहेको छ । गर्मी मौसममा तापक्रम बढ्दै जाँदा हिँउ पनि बढी पग्लिने र वर्षा धेरै हुँदा नदीमा मिसिने अन्य खोलानालाहरु पानी धेरै हुने भएकोले नदीमा पानीको बहाव बढ्दा उत्पादन बढेको केन्द्रले जनाएको छ । केन्द्रका अनुसार सुख्यायाममा भने हिउँ कम पग्लने र नदीमा मिसिएका खोला, खोल्सी र झरनाको पानी कम हुने भएकोले पानीको बहाव थोरै हुने हुँदा विद्युत् उत्पादन घट्छ। यस केन्द्रबाट उत्पादित विद्युत चितवनको भरतपुरबाट काठमाडौँको स्टेशनमार्फत राष्ट्रिय प्रसारण लाइनमा जोडिएको छ ।
स्याङ्जा पूर्ण खोप सुनिश्चित जिल्ला घोषणा
स्याङ्जा जिल्लालाई प्रदेशकै दोस्रो पूर्ण खोप सुनिश्चित तथा दिगोपना जिल्ला घोषणा गरिएको छ ।
तनहुँका स्थानीय तहलाई चार अर्ब ८९ करोड ३२ लाख बजेट
तनहुँका स्थानीय तहले आगामी आर्थिक वर्षमा चार अर्ब ८९ करोड ३२ लाख बजेट पाउने भएका छन् । सरकारले सार्वजनिक गरेको आर्थिक वर्ष २०८१/०८२ को बजेट अनुसार जिल्ला चार नगरपालिका र छ गाउँपालिका गरी १० पालिकाका लागि उक्त बजेट विनियोजन गरिएको हो ।
चोयाको सामग्रीबाट आत्मनिर्भर बन्दै महिला
गोरखाको पालुङटार नगरपालिका –२ आँपपिपलका महिला बाँसको चोयाबाट विभिन्न सामग्री बनाएर स्वारोजगार तथा आत्मनिर्भर बन्दै गएका छन् ।
फेवाताल मिचेका संरचना साउनदेखि हटाउन आदेश
उच्च अदालत पोखराले फेवातालको मापदण्डभित्र थप भौतिक संरचना निर्माण नगर्न-नगराउन परमादेश जारी गरेको छ । मापदण्ड मिचेर बनेका संरचना हटाउन असार मसान्तभित्र कार्य तालिका बनाउन अदालतले भनेको हो ।
सेनामा भर्ती गराइदिन्छु भनी ठग्ने थापा पक्राउ
नेपाली सेनामा भर्ती गरिदिन्छु भनी ठगी गरेको आरोपमा एक जनालाई कास्की प्रहरीले पक्राउ गरेको छ । पक्राउ पर्नेमा कास्कीको पोखरा महानगरपालिका वडा नं. ५ प्रस्याङ बस्ने २७ वर्षीय धर्मराज थापा रहेको प्रहरीले जनाएको छ ।
गर्मी छल्न विद्यालयमा सार्वजनिक बिदा
नवलपुरको कावासोती र मध्यबिन्दु नगरपालिकाभित्र रहेका सबै विद्यालयमा तीन दिनका लागि सार्वजनिक बिदा दिइएको छ । नगरपालिका भित्र रहेका सबै संस्थागत र सामुदायिक विद्यालयमा तीन दिनका लागि बिदा दिइएको नगर कार्यपालिका कार्यालयहरूले सूचना निकालेर जानकारी दिएका छन् ।
गण्डकीका मुख्यमन्त्री पाण्डेले विश्वासको मत लिँदै
गण्डकी प्रदेश सरकारका मुख्यमन्त्री सुरेन्द्रराज पाण्डेले आज विश्वासको मत लिँदै हुनुहुन्छ । दिउँसो ३ बजे बस्ने प्रदेशसभा बैठकमा मुख्यमन्त्री पाण्डेले विश्वासको मत लिने कार्यसूची रहेको प्रदेशसभा सचिवालयले जनाएको छ ।
बेनी–जोमसोम–कोरला योजना : आठ वर्षमा ८० प्रतिशत भौतिक प्रगति
आठ वर्षअघि निर्माण सुरु भएको राष्ट्रिय गौरवको कालीगण्डकी कोरिडोरअन्तर्गत बेनी–जोमसोम–कोरला सडक योजनाको ८० प्रतिशत भौतिक प्रगति भएको छ ।
लामागेमा क्रसर नराख्न उच्च अदालतको आदेश
पुतली बजार नगरपालिका १४, लामागेमा क्रसर नराख्न पुतली बजार नगरपालिकालाई उच्च अदालत पोखराले अल्पकालीन आदेश गरेको छ ।
बागलुङमा जेठमै रोपाइँ सुरु
बागलुङका किसानलाई जेठ महिनामै धान रोपाइँको भ्याइनभ्याइ छ । असार लाग्न केही दिन बाँकी छदै किसानहरू रोपाइँमा व्यस्त भएका छन् । सिँचाइ सुविधा भएका स्थानहरूमा यतिखेर धान रोपाइँको चटारो सुरु भइसकेको छ ।
'गौरवको योजना लाजको योजना बन्ने खतरा भयो'
राष्ट्रिय योजना आयोगका उपाध्यक्ष मीनबहादुर श्रेष्ठले काली गण्डकी कोरिडोर सडक आयोजना गौरवको आयोजनाभन्दा पनि लाजको आयोजना भएको बताउनुभएको छ ।
अजुवा खोलामा मोटरेबल पुल निर्माण
बेनीघाट-आरुघाट-लार्के सडकखण्ड अन्तर्गत आरुघाट गाउँपालिकाको ३ र ४ नम्बर वडा जोड्ने अजुवा खोलामा मोटरेबल पुल निर्माण अन्तिम चरणमा पुगेको छ ।
मुख्यमन्त्री पाण्डे एमालेसँग विश्वासको मत माग्दै
गण्डकी प्रदेशका मुख्यमन्त्री सुरेन्द्रराज पाण्डेले गण्डकी प्रदेश सभामा प्रमुख प्रतिपक्षी दल नेकपा (एमाले) सँग विश्वासको मत दिन आग्रह गर्नुभएको छ । सोमबार बस्ने प्रदेश सभाको बैठकमा विश्वासको मत लिन लाग्नुभएका उहाँले आज पत्र लेखेर उक्त आग्रह गर्नुभएको हो ।
'फजुल खर्चले देशको स्वाभिमान र अर्थतन्त्र सङ्कटमा छ'
अर्थविद् एवम् राष्ट्रिय योजना आयोगका पूर्व उपाध्यक्ष डा. गोविन्दराज पोख्रेलले फजुल खर्चका कारण नेपालको अर्थतन्त्र र स्वाभिमान खतरामा रहेको बताउनुभएको छ ।
