थप १३ जनामा सङ्क्रमण पुष्टि
स्वास्थ्य तथा जनसङ्ख्या मन्त्रालयका अनुसार एक हजार ७७८ जनाको पीसीआर परीक्षण गर्दा १३ जनामा सङ्क्रमण देखिएको हो ।
एकै दिन ३५ सय जनाले कोभिडविरुद्धको खोप लगाए
अमृतप्रसाद पौडेलबेनी, वैशाख १६ गते । हिमाली जिल्ला म्याग्दीको बेनी नगरपालिकाभित्र सञ्चालित कोभिड–१९ विरुद्धको भ्याक्सीनेसन शिविरमा एकै दिन ३५ सयभन्दा बढीले खोप लगाएका छन् ।बेनी नगरपालिकाले बैशाख १३–१५ सम्म सञ्चालन गरेको कोभिड–१९ विरुद्धको भ्याक्सिनेसन शिविरको अन्तिम दिन मात्रै ३ हजार पाँचसय ५ जनाले भ्याक्सिन लगाएको बेनी नगरपालिकाको स्वास्थ्य शाखाका सिनियर अहेव डिल्लीराज शर्माले बताउनुभयो । तेस्रो तथा अन्तिम दिन तीन हजार पाँचसय पाँच जनाले भ्याक्सिन लगाएको भएपनि ३ दिन सम्ममा कुल ७ हजार ५९ जनाले भ्याक्सीन लगाएका थिए । म्याग्दीमा यस पटक बेनी नगरपालिकाले मात्रै कोभिड–१९ विरुद्धको भ्याक्सिन लगाएको शर्माले बताउनुभयो । शिविरका क्रममा अहिलेसम्म एक डोज पनि नलगाएका २५ जना, पहिलो डोज लगाएर दोस्रो डोज नलगाएका २ सय ९६ ले पनि भ्याक्सिन लगाएको उहाँले बताउनुभयो ।
बेलहिया नाकामा एक पुरुषमा कोरोना पोजेटिभ
कपिल ज्ञवाली सिद्धार्थनगर, बैसाख १६ गते । भारतबाट नेपाल फर्किएका एक पुरुषमा कोरोना पोजेटिभ देखिएको छ । रुपन्देहीको बेलहिया नाकामा एन्टीजेन परिक्षण गर्दा काठमाडौंका २३ बर्षीय पुरुषमा पोजेटिभ देखिएको बेलहिया हेल्थ डेस्कमा कार्यरत स्वास्थ्यकर्मी शक्ति क्षेत्रीले गोरखापत्रलाई जानकारी दिनुभयो । पोजेटिभ केस चैत्र ५ देखि देखिएको थिएन, आज देखियो सर्तक हुन आवश्यक छ, उहाँले भन्नुभयो । झण्डै डेढ महिनापछि पोजेटिभ केश भेटिएको बेलहिया हेल्थ डेस्कले जनाएको छ ।
बी.पी. प्रतिष्ठान धरानमा डायलिसिस बेड थप
निशा राईधरान , वैशाख १६ गते । बी.पी. कोइराला स्वास्थ्य विज्ञान प्रतिष्ठान, धरानमा नयाँ डायलिसिस मेसिन, बेडहरु थप गरिएको छ । नयाँ २० बेड र डायलिसिस सामग्रीहरुको उपकुलपति डा. ज्ञानेन्द्र गिरिले नयाँ युनिटको उद्घाटन गर्नुभएको हो ।नयाँ भवन निर्माणसँगै थप गरिएको नयाँ बेडहरुलाई छुट्टै डायलिसिस युनिट स्थापना गरी इन्टर्नल मेडिसिन विभाग अन्तर्गतको डायलिसिस युनिटलाई विस्तारित गरिएको छ । युनिटलाई २० बेड क्षमताको बनाइएको बी.पी. कोइराला स्वास्थ् विज्ञान प्रतिष्ठान सह–प्रवक्ता डा. चुरामणि पोखरेलले जानकारी दिनुभयो । उद्घाटनको क्रममा उपकुलपति गिरिले बढ्दै गएका मृगौलाका बिरामीहरुलाई यस युनिटले थप मद्दत मिल्ने बताउनुभयो । प्रतिष्ठानमा मासिक करिब एक हजारको डायलिसिस हुने गरेको छ ।
२४ घण्टामा १५ जना कोरोना सङ्क्रमित थपिए
काठमाडौं, वैशाख १५ गते। पछिल्लो २४ घण्टामा १५ जनामा कोरोना सङ्क्रमण पुष्टि भएको छ। स्वास्थ्य तथा जनसंख्या मन्त्रालयका अनुसार चार हजार ८८२ जनाको पीसीआर परीक्षण गर्दा १५ जनामा सङ्क्रमण पुष्टि भएको हो। २४ घण्टामा १८ जनाले कोरोना जितेका छन् भने मृत्यु शून्य छ। अहिले देशभर २४९ जना सक्रिय सङ्क्रमित छन्। मन्त्रालयका अनुसार २४ घण्टामा एक लाख २५ हजार ४३ जनाले खोप लगाएका छन्।
आठ जना सङ्क्रमित, १७ सङ्क्रमण मुक्त
पछिल्लो २४ घण्टामा आठ जनामा कोरोना सङ्क्रमण पुष्टि भएको छ । स्वास्थ्य तथा जनसङ्ख्या मन्त्रालयका अनुसार चार हजार ११९ जनाको पीसीआर परीक्षण गर्दा आठ जनामा सङ्क्रमण देखिएको हो ।
जोन्सन एण्ड जोन्सनको बुस्टर डोज खोप लगाउन आग्रह
सरकारले कोरोनाविरुद्धको जोन्सन एण्ड जोन्सन खोप लगाएकालाई बुस्टर मात्रा लगाउन आग्रह गरेको छ ।
नर्सिङ काउन्सिलद्वारा जिता बरालको नर्सिङ लाइसेन्स खारेज
नेपाल नर्सिङ काउन्सिलले नर्स जिता बरालको नर्सिङ लाइसेन्स (नाम दर्ता प्रमाणपत्र) खारेज गरेको छ । मङ्गलबार बसेको बोर्डको बैठकले बरालको नर्सिङ लाइसेन्स खारेज गर्ने निर्णय गरेको हो ।
मूत्रथैलीको क्यान्सर
सन् २०१८ को तथ्याङ्क हेर्दा विश्वमा करिब १६ लाख मानिस मूत्रथैलीको क्यान्सरबाट पीडित थिए । बर्सेनि करिब साढे पाँच लाख मानिसलाई यो क्यान्सर लाग्दछ भने करिब दुई लाख मानिसको यसकै कारण मृत्यु हुन्छ । प्रायः ६५ देखि ८५ वर्षको उमेर समूहका मानिसमा यो क्यान्सर लाग्ने गरेको पाइएको छ । तुलनात्मक रूपमा पुरुषवर्ग यस क्यान्सरबाट पीडित हुने गरेका छन् । दक्षिणी तथा पश्चिमी युरोप एवं उत्तर अमेरिकाका बासिन्दामा यो क्यान्सर बढी लाग्ने गरेको पाइएको छ ।