वन र वन्यजन्तु संरक्षण गर्न अनुसन्धान शुरु

Ban anusandhan
भैरहवा समाचारदाता
भैरहवा, साउन २७ गते । वन तथा वन्यजन्तुको संरक्षण गर्ने उद्देश्यले अनुसन्धान थालिएको छ । प्रतिमान–नीमा स्मृति प्रतिष्ठानले रुपन्देहीको रोहिणी गाउँपालिका वडा नं. २ र ३ मा रहेको सामुदायिक वनमा अनुसन्धान शुरु गरेको हो ।
पहिलो चरणमा डिभिजन वन कार्यालय, रोहिणी गाउ“पालिका, रोहिणी सामुदायिक वन उपभोक्ता समिति र गौतमबुद्ध सामुदायिक वन उपभोत्ता समितिलाई समेटेर कार्यक्रम संचालन गर्ने सम्झौता गरिएको प्रतिष्ठानकी कार्यकारी निर्देशक स्वाती थापाले जानकारी दिनुभयो ।

सोमबार रोहिणीमा आयोजित कार्यक्रममा यी पाँच पक्षबीच सम्झौता पत्रमा हस्ताक्षर गरिएको हो । सम्झौतामा गाउँपालिकाको तर्फबट अध्यक्ष सनोजकुमार यादव, प्रतिठानको तर्फबाट अध्यक्ष विजया केसी, वन डिभिजनका तर्फबाट प्रमुख इन्द्रबहादुर पछाई, रोहिणी वन उपभोक्ता समितका तर्फबाट अध्यक्ष रामचन्द्र मल्लाह, गौतमबुद्धको तर्फबाट अध्यक्ष माधव कुर्मीले हस्ताक्षर गर्नुभएको छ ।

“घट्दै गएको जैविक विविधता र हरित स्थलको कारण स्वच्छ हावा तथा जीवनस्तरमा प्रत्यक्ष असर पर्न थालेको तथ्यहरुलाई मनन् गर्दै, जलवायु परिवर्तनका नकारात्मक असरहरुसँग जुध्नका लागि यो सम्झौता गरेका हौं”–अध्यक्ष केसीले भन्नुभयो ।
प्रतिष्ठानले रोहिणी नदी किनारमा रहेको रोहिणी सामुदायिक वनको ९.२५ हेक्टर क्षेत्रफल र गौतमबुद्ध सामुदायिक वनको ९.८९ हेक्टर क्षेत्रफलमा पर्ने वनको क्षेत्र कायम, बचावट तथा पुनस्र्थापना गर्न यहाँका संस्थाहरुसँग हातेमालो गर्ने छ । “वर्षेनी वन क्षेत्र मासिँदै छ, वन्यजन्तुको बासस्थान लोप हुँदै गएको छ । प्रतिष्ठानले थालेको अनुसन्धान र संरक्षण अभियानले वन र वन्यजन्तु बचाउनु महत्वपूर्ण भूमिका खेल्नेछ”–डिभिजन वनका प्रमुख पछाईले भन्नुभयो ।

प्रतिष्ठानले पहिलो चरणमा वनको संरक्षण दीर्घकालीन योजना, वन्यजन्तुको वासस्थान, जीवजन्तुको तथ्यांक संकलन, वन संरक्षण नीति, स्थानीय साझेदारी, जलवायु परिवर्तन र त्यसले मानव एवं वन्यजन्तुमा पार्ने प्रभाव, हरितगृह निर्माण, पर्यटन प्रवद्र्धन योजना, वातवरणीय, जैविक र सामुदायिक मूल्यांकन, शिक्षा, अुसन्धान, वातावरणीय जैविकता र पर्यावरणीय नैतिकताको विकास, सिमसार, चरा आश्रय, नयाँ प्रजातिको परिचय, आश्रय क्षेत्रको अध्ययन र सम्भावना लगायत विषयवस्तुलाई समेटेर गुरुयोजना निर्माण सुरु गरेको छ । गुरुयोजना निर्माण पछि यसलाई कार्यान्वनमा लगिने छ ।

थप समाचार
प्रतिकृया
नाम

ईमेल

ठेगना


Copyright © 2014, Gorkhapatraonline.com. All rights reserved. | Developed by: Young Minds