मौसम सप्ताह मनाइँदै

गोरखापत्र समाचारदाता

काठमाडौं चैत २ गते । सरकारले चैत ३ देखि ९ गतेसम्म पहिलो साता नेपाल राष्ट्रिय जल तथा मौसम सप्ताह मनाउने भएको छ । जल तथा ऊर्जा आयोगको नेतृत्वमा विभिन्न सरोकारवाला संस्थाको सहभागितामा सप्ताह मनाउन लागिएको हो ।
मार्च २२ मा मनाइने विश्व पानी दिवस र मार्च २३ मा मनाइने विश्व मौसम दिवसलाई अवसर पारेर यो कार्यक्रम गर्न लागिएको छ ।
ऊर्जा आयोगले शुक्रबार पत्रकार सम्मेलन गर्दै सप्ताहव्यापी कार्यक्रम सार्वजनिक गरेको छ । कार्यक्रम अनुसार चैत ३ गते विहान माइतिघर मण्डलादेखि जावलाखेलसम्म प्रभातफेरी तथा उद्घाटन तय भएको छ । त्यस्तै, चैत ४ गते भूमिगत जलस्रोतको दिगो व्यवस्थापनको चुनौती लगायतका सप्ताहव्यापी कार्यक्रम राखिएका छन् ।
पानी दिवसका सन्दर्भमा ‘कोही पछि नछुटुन्’ र मौसम दिवसका सन्दर्भमा ‘मेरो सूर्य, मेरो पृथ्वी, हाम्रो मौसम’ नारा तय गरिएको छ ।
कार्यक्रमबारे जानकारी दिँदै ऊर्जा आयोगका सहसचिब ऋषिराम शर्माले पानीमा समान पहुँच सिर्जना तथा यसको उच्चतम् उपयोग, मौसमी प्रभाव र अवस्था लगायतका विषयमा आम जनचेतना विस्तार गर्ने लक्ष्य कार्यक्रमले लिएको छ ।
नेपालमा वार्षिक औसत एक हजार ५३० मिलिमिटर वर्षा हुन्छ । जसबाट २२५ अर्ब घनमिटर पानी उपलब्ध हुन्छ । यसमध्ये २५ अर्ब घनमिटर पानी वाष्पीकरणले क्षय हुन्छ । उपलब्ध हुने दुई सय अर्ब घनमिटर पानीमध्ये जलविद्युत् सिंचाइ खानेपानी लगायत क्षेत्रमा २० प्रतिशतमात्र उपयोगमा आउने गर्छ ।

थप समाचार
प्रतिकृया
नाम

ईमेल

ठेगना