वडा अध्यक्षविरुद्ध पाँच लाखको भ्रष्टाचार मुद्दा

काठमाडौं, माघ २४ गते । बाराको जीतपुरसिमरा उपमहानगरपालिका–३ वडाध्यक्ष अध्यक्ष ताराबहादुर कार्की क्षेत्रीविरुद्ध पाँच लाख रुपियाँको भ्रष्टाचार मुद्दा दायर भएको छ।

अख्तियार दुरुपयोग अनुसन्धान आयोगका प्रवक्ता नरहरि घिमिरेका अनुसार क्षेत्रीले घरबाटो सिफारिस गर्ने प्रयोजनको लागि सेवाग्राहीसँग सो रकम घुस लिइसकेको खुलेपछि पक्राउ गरिएको हो । 

भ्रष्टाचार निवारण ऐन, २०५९ बमोजिम उहाँलाई पाँच लाख रुपियाँ बिगो कायम गर्दै मुद्दा दायर गरिएको हो ।  क्षेत्रीविरुद्ध बुधबार विशेष अदालत काठमाडौँमा मुद्दा दायर भएको अख्तियारले सार्वजनिक गरेको पत्रमा उल्लेख छ ।