काठमाडौँ, असोज ३ गते । चलचित्र ‘कौसिद’ को ट्रेलर सार्वजनिक गर्दै प्रदर्शन मिति घोषणा गरिएको छ । अभिनेतृ ऋचा शर्मा र भोलाराज सापकोटा अभिनीत चलचित्र असोज २६ गतेदेखि प्रदर्शनमा आउने भएको छ । कुमार भाष्कर निर्देशित चलचित्रलाई केदार भुसालले निर्माण गर्नुभएको हो ।
चलचित्रमा ऋचा र भोलासँगै, रूपेश दाहाल, परीक्षितविक्रम राणा, सदीक्षा गौतम, निर्भिक भट्टराईलगायतको अभिनय रहेको छ । ऋणको चपेटामा परेको पात्रको जीवन भोगाइको कथालाई चलचित्रको ट्रेलरमा देखाइएको छ ।
चलचित्रमा नव विजय प्रकाश श्रेष्ठ र धिर्जन थपलियाको कथा, निसाल पौडेलको छायाङ्कन र भीम विश्वकर्माको सम्पादन छ ।
