काठमाडौँ (गोरखापत्र), साउन ११ गते । मोडल एवं गायिका अनिता लिम्बूको नयाँ गीत ‘टिकटक’ को म्युजिक भिडियो सार्वजनिक भएको छ । गीतको भिडियोलाई लन्डनको चर्चित वाकम्यान्स स्टुडियोले निर्देशन गरेको हो । अनिताको नै शब्द र सङ्गीत रहेको गीतमा विषम आचार्यको संयोजन रहेको छ ।
लन्डनमा आयोजना हुने अधिकांश -याम्प सो हरूमा विदेशी मोडलहरूसँग प्रतिस्पर्धा गरेर नेपालीको पहिचान राख्दै थुप्रै उपाधि पनि जितिसकेकी गायिका लिम्बूले यसअघि पनि धेरै म्युजिक भिडियोमा अभिनय गरिसक्नुभएको छ । भिडियो गायिका लिम्बूको युट्युब च्यानलबाट सार्वजनिक गरिएको हो ।
