शेरबहादुर सार्की
बाजुरा, मङसिर ४ गते । बाजुराको बूढीनन्दा नगरपालिका ५ मा रहेको नन्देश्वरी माविको मतदान केन्द्रमा मतदान कार्य स्थगित भएको छ ।
मतदान गर्ने क्रममा विषय लिएर एमाले र काँग्रेस कार्यकर्ता बिच झडप भएपछि अहिले मतदान स्थगित भएको हो ।
अहिलेसम्म ११ महिला र १७ पुरुषले मात्रै मतदान गरेका छन् । ८ बजेबाट सुरु भएको मतदान केन्द्रमा झडपपछि माथिबाट ढुङ्गा प्रहार गरेपछि लाममा बसेका सबै मतदाताहरू भागाभाग भएका थिए ।
अर्को सूचना नभएसम्म अहिले मतदान कार्य स्थगित गरिएको बूढीनन्दा नगरपालिका ५ मा रहेको नन्देश्वरी माविको मतदान केन्द्रले जनाएको छ ।
