काठमाडौं, मङ्सिर ३ गते । नेपाल टी–२० फ्रेन्चाइज लिग मङ्सिर २६ देखि पुस १६ गतेसम्म हुने भएको छ । नेपाल क्रिकेट सङ्घ (क्यान) ले शुक्रबार राति लिगको खेल तालिका सार्वजनिक गरेको छ ।
कीर्तिपुरस्थित त्रिवि मैदानमा २० दिनसम्म सञ्चालन हुने लिगको उद्घाटन खेलमा काठमाडौं गुर्खाज र पोखरा एभेन्जर्स तथा लुम्बिनी अल स्टार्स र फार वेस्ट युनाइटेडबीच प्रतिस्पर्धा हुनेछ ।
लिगमा बिराटनगर सुपर किंग्स र जनकपुर रोयल्स गरी ६ वटा फ्रोन्चाइज टोलीको सहभागिता रहनेछ । सहभागी टोलीले डबल राउन्ड रोबिन लिगका आधारमा प्रतिस्पर्धा गर्नेछन् ।
