सुर्खेत, साउन २१ गते । नेपाली कांग्रेसका उपसभापति पूर्णबहादुर खड्काले कांग्रेस नेता एवम् प्रतिनिधिसभा सदस्य हृदयराम थानीको परिवारप्रति समवेदना प्रकट गर्नुभएको छ ।
सांसद थानीकी आमा देवी थानीको साउन ११ गते निधन भएकाले उपसभापति खड्का थानी परिवारमा समवेदना प्रकट गर्न गृह जिल्ला सुर्खेत आउनुभएको हो ।
उहाँले वीरेन्द्रनगरको उत्तरगंगामा स्वर्गीय देवी थानीप्रति श्रद्धाञ्जली ब्यक्त गर्दै पिपलपानी अर्पण गर्नुभएकाे जानकारी उहाँको सचिवालयले दिएको छ ।
उहाँले पार्टी सभापति शेरबहादुर देउवा र सिंगो कांग्रेस केन्द्रीय समितिको तर्फबाट स्वर्गवासी देवी थानीप्रति भावपूर्ण श्रद्धाञ्जली अर्पण गर्नुभयो ।
सांसद हृदयराम थानी तथा नेपाल कर्मचारी युनियनका पूर्व अध्यक्ष भवानीप्रसाद थानीकी आमा देवी थानीको साउन ११ गते निधन भएको थियो ।
