• २२ चैत २०८१, शुक्रबार

सञ्चारमन्त्री गुरुङद्वारा विद्यालयको स्वर्ण महोत्सवको उद्घाटन

blog

सूचना तथा सञ्चार मन्त्री पृथ्वीसुब्बा गुरुङ स्वर्णमहोत्सव स्मारकको अनावरण गर्नुहुँदै ।तस्बिर : राधाकृष्ण डुम्रे

राधाकृष्ण डुम्रे
वालिङ(स्याङ्जा), चैत २१ गते ।
सूचना तथा सञ्चार मन्त्री पृथ्वीसुब्बा गुरुङले स्याङ्जाको वालिङमा रहेको सरस्वती माध्यमिक विद्यालयको स्वर्ण महोत्सवको शुभारम्भ गर्नुभएको छ । सो अवसरमा मन्त्री गुरुङले स्वर्णमहोत्सव स्मारकको अनावरण गर्नुभएको थियो । यस्तै विद्यालय परिसरमा निर्माण गरिएको सरस्वती मन्दिरमा पूजा समेत गर्नुभयो ।

वालिङ नगरपालिका–१३ मा रहेको विद्यालयले विभिन्न कार्यक्रमसहित स्वर्णमहोत्सव मनाउन लागिएको विद्यालय व्यवस्थापन समितिका अध्यक्ष नमलाल डुम्रेले जानकारी दिनुभयो ।


बिक्रम् सम्वत् २०३१ सालमा स्थापना भएको विद्यालय जिल्ला कै नमुना विद्यालयमध्ये पर्दछ । विद्यालयबाट हालसम्म दुई हजारभन्दा धेरै एसएलसीमा सहभागी भइसकेको विद्यालयका प्रधानाध्यापक यामबहादुर कुँवरले जानकारी दिनुभयो । 

विद्यालयले प्रविधि–मैत्री आवासीय शिक्षाको उद्घोष गर्दै भविष्यका योजनाहरू अघि सारेको छ । विद्यालयको विकासका लागि जग्गा खरिद अभियान चलाइँदैछ । हालसम्म १३ रोपनी जग्गा दान लिइएको छ भने विविध सहयोग जुटाएर पाँच वटा पक्की भवन निर्माण भइसकेको उहाँको प्रधानाध्यापक कुँवरको भनाइ छ ।