कांग्रेस परित्याग गरी २६ जना जसपा नेपालमा प्रवेश

देवरामप्रसाद यादव
सप्तरी, पुस २३ गते । सप्तरीको राजगढ गाउँपालिका ३ स्थित झौहरा चौकमा नेपाली कांग्रेस परित्याग गरी २६  जना जनता समाजवादी पार्टी (जसपा) नेपाल प्रवेश गरेका छन् । जनतासँग जसपा नेपाल आधारभूत सङ्गठन निर्माण अभियानअन्तर्गत झौहरा चौकमा वडा नम्बर ३ समितिद्वारा आयोजित कार्यक्रममा उपेन्द्र नारायण यादवको नेतृत्वमा उहाँहरु जसपा नेपाल प्रवेश गरेका हुन् ।

जसपा नेपाल वडाध्यक्ष विशेश्वर यादवको अध्यक्षतामा आयोजित कार्यक्रममा केन्द्रीय सचिव शैलेन्द्र प्रसाद साह, केन्द्रीय सदस्य एवम् राजगढ गाउँपलिकाका प्रमुख अभियानता रमिला देवी साह, केन्द्रीय सदस्य एवम् पूर्व प्रदेश सासद विदेश्वरप्रसाद यादवले पार्टी सदस्यता प्रदान गरी माला र टीका लगाएर  नवप्रवेशीलाई स्वागत गर्नुभएको छ ।

कार्यक्रममा यादवको नेतृत्वमा आनन्द साह, तेजु सदाय, हरेराम मण्डल लगायत २६ जना नेपाली कांग्रेस परित्याग गरी जसपा नेपालमा प्रवेश गरेको राजगढ गाउँपलिकाका प्रमुख अभियानता रमिला देवी साहले सञ्चारकर्मीलाई जानकारी दिनुभयो ।