चन्द्र पन्दाक
ताप्लेजुङ, पुस १० गते। ताप्लेजुङस्थित लाखेजात्रा सञ्चालन समितिको अध्यक्षमा सागर मादेन चयन हुनुभएको छ।समितिकाो १६ औं साधारणसभाले मादेन अध्यक्ष रहेको नयाँ कार्यसमिति सर्वसम्मत चयन गरेको हो।
कार्यसमिति उपाध्यक्षमा हर्कराज सुनुवार र अशोक थेबे, सचिव टीकेन्द्र नेपाली, सहसचिव डिल्ली गुरुङ र कोषाध्यक्षमा दावा शेर्पा चयन हुनु भएको छ।सदस्यहरूमा सन्तोष गुरुङ, उत्सव साँवा, दीपेश खवास, कमल लेछर्बो, लाक्पा शेर्पा, जीतबहादुर थेबे, जीवन इवारम, गीता पालुङ्वा र पूर्ण गुरुङ रहनुभएको छ।
कार्यसमितिको कार्यकाल दुई वर्षको हुने समितिले जनाएको छ।लाखेजात्रा सञ्चालन समितिको आयोजनामा जिल्लाकै पुरानो र हालसम्मकै ठुलो धनराशि रहेको ताप्लेजुङ गोल्डकप फुटबल प्रतियोगिता सञ्चालन हुने गरेको छ।प्रतियोगिता प्रत्येक वर्ष नेवार जातिको महान् पर्व लाखेजात्राको समयमा सदरमुकाम फुङ्लिङमा आयोजना हुने गर्दछ ।
