काठमाडौं, पुस ८ गते । उपप्रधान एवम् शहरी विकासमन्त्री प्रकाशमान सिंहले क्रियाशिल सदस्यहरुलाई पार्टीका हरेक गतिविधिमा सहभागी गराउनुपर्ने बताउनुभएको छ । सोमबार काठमाडौंमा नेपाली कांग्रेसको सय दिने विशेष अभियानअन्तर्गत काठमाडौं महानगरस्तरीय भेलालाई सम्बोधन गर्नुहुँदै उहाँले यस्तो बताउनुभएको हो ।
उपप्रधानमन्त्री सिंहले सङ्ख्या ठुलो हुने तर कांग्रेस पार्टीका क्रियाशिल सदस्यहरुले नै क्रियाशिल सदस्यताका महत्त्व नबुझ्ने कुरा राम्रो नरहेको धारणा राख्नुभयो । इतिहास स्थापना गरेको पार्टीका नेताहरुले क्रियाशिल सदस्यहरु हौँ, भन्ने कुरा बिर्सिन नहुने उहाँको भनाइ छ । उहाँले आफूहरु राष्ट्र र समाजका सेवा गर्न राजनीतिमा लागेको बताउनुहुँदै राजनीतिमा सेवाको भावको महत्त्व बढी हुनुपर्ने बताउनुभयो ।
‘‘हामीले सबै क्रियाशिल सदस्यहरुलाई पार्टीका हरेक गतिविधिमा इन्भल्व गराउन सक्नुपर्छ । सङ्ख्या चाहीँ ठुलो हुने तर सङ्ख्या ठुलो भएर पनि नेपाली कांग्रेस पार्टीका क्रियाशिल सदस्यहरुले नै क्रियाशिल सदस्यताका महत्त्व नै बुझाउन नसकेको हो की के हो ? त्यसमा कमी, कमजोरी भएको हो की ? अब त बुझाउनुपर्यो नि त ।,’’ उपप्रधानमन्त्री सिंहले भन्नुभयो, हामी लरोतरो पार्टीको सदस्य होइन, इतिहास स्थापना गरेको पार्टी हो । जनताको म्याण्डेट पटकपटक लिइसकेको सदस्य हौँ भन्नेकुरा बिर्सिनु भएन । संस्थापक नेताहरुले गरेको त्याग, तपस्या बिर्सिनु भएन । राष्ट्र र समाजका सेवा गर्न हामी राजनीतिमा लागिरहेका छौँ । सेवाको भावको महत्त्व सबैभन्दा बढी हुनुपर्यो ।’’
उपप्रधानमन्त्री सिंहले संस्थापक नेताहरुले गरेको त्याग, तपस्या बिर्सिन नहुने बताउनुभयो ।
