प्रेम यात्राको कथा ‘माया बराबर’

गोरखापत्र समाचारदाता

काठमाडौँ, पुस २ गते । भूषण खतिवडा र शान्तिश्री परियारको आवाजमा नयाँ गीत ‘माया बराबर’ सार्वजनिक गरिएको छ । फिन्जु पाख्रिनको शब्दमा गायक भूषण खतिवडाको सङ्गीत सुन्न सकिन्छ । ‘नेपमेलो’ नामको युट्युब च्यानलमा सार्वजनिक गरिएको गीतको भिडियोलाई प्रेमिल प्रस्तुतिका साथ तयार गरिएको छ ।

भिडियोमा लक्ष्मी बर्देवा र जीवन भट्टराईको सफल प्रेम यात्रालाई मनोरञ्जनात्मक शैलीमा प्रस्तुत गरिएको छ । उत्सव दाहालको छायाङ्कनमा तयार गरिएको भिडियोमा लक्ष्मी र जीवनसँगै सागर दाहाल, विशाल पहारीको अभिनय रहेको छ । गीतमा हेमन्त कान्छा रसाइलीको सारङ्गी, रत्न विकेको बाँसुरी, सञ्जीव बराइलीको गितार तथा श्यामश्वेत रसाइलीको मिक्सिङ मास्टरिङ रहेको छ । गीतको भिडियोलाई कलाकारद्वय लक्ष्मी र जीवनले नै निर्देशन गर्नुभएको छ ।